যিরমিয় 16:7 - Chakma Bible

⁷ যিগুনে সেই মরাগুনোত্তে আবিলেচ্ গরন, এন্ কি, বাবা বা মাবোত্তে আবিলেচ্ গরন তারারে বুঝেবাত্তে কনজনে হানায়ো ন-দিবা বা পানিয়োও ন-দিবা।

যিরমিয় 16:7 ပူးပေါင်းရင်းမြစ်များ

ইয়োব 42:11

তার ভেই আর বোনুনে আর যিগুনে তারে আগে চিনিদাক্ তারা বেক্কুনে এইনে তা ঘরত্ তা সমারে হানা-বিনে গুরিলাক্। লগেপ্রভু তা উগুরে যে দুঃকানি আন্যে সিয়েনিত্তে তারা তারে বুঝেলাক্। তারা পত্তিজনে তারে এককট্টা রুবো আর সোনার এক্কান কান দুল্ দিলাক্।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

যিরমিয় 22:10

তুমি মুরি যেইয়্যেদে রাজাবোত্তে ন-কান্য বা আবিলেচ্ ন-গোজ্য; তাত্তুন্ বরং যিবে বন্দী ওইনে দূরোত্ যেইয়্যে তাত্তে জদবদে কানঅ, কিত্তে তে আর কনদিন্‌অ ফিরি ন-এবঅ বা তার জর্ম ওইয়্যে দেজ্‌‍চান আর ন-দেগিবা।‍

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

যিহিষ্কেল 24:17

তুই ভিদিরে ভিদিরে ভঅ নিজেস্ ফেলেবে। তুই মরাগুনোত্তে আব্‌‌‌‌‌‌‌‌‌সোজ্ ন-গুরিচ্। তুই মাপালার্ বান্ আর টেঙত্ জদা পিন্; তর্ মুয়োর্ তলেদিগান ন-ঢাগিচ্ বা মানুচ্চুনোর পাদেয়্যে হানাগানি ন-খেয়ো।”

হোশেয় 9:4

তারা লগেপ্রভুর নাঙে আংগুর-রসচোই পানীয়-উৎসর্ব ন-গুরিবাক্ আর তারার্ য়েমান-উৎসর্বগানিয়ো তারে হুজি ন-গুরিবাক্। সেবাবোত্যে উৎসর্ব তারা ইধু আবিলেচ্‌গুরিয়্যেগুনো হানা ধোক্ক্যেন অবঅ; যিগুনে সিয়েন হেবাক্ তারা বেক্কুনে অসিজি অবাক্। সে হানাগান তারার্ নিজোর পেট্‌পরা মারেবাত্তে অবঅ, সিয়েন লগেপ্রভুর ঘরত্ ন-এবঅ।

দ্বি’লম্বর বিররণ 26:14

মরাগুনোত্যে আবিলেচ্‌ গরানা অবস্থায় মুই তর্‌ নাঙে যুদো গুরি রাগেয়্যে ভাগত্তুন কনঅ কিজু ন-খাং, বা অসিজি অবস্থায় সিগুন ঘরত্তুন ন-নিগিলাং, বা সিয়োত্তুন কনঅ ভাগ মরা মানুচ্চুনোর নাঙে দান ন-গরং। মুই মর্‌ গোজেন লগেপ্রভুর কধামজিম কাম্‌ গোজ্যং। তর্‌ উগুম গোজ্যেত্তুন বেক্কানিই মুই গোজ্যং।