যিরমিয় 16:11 - Chakma Bible

¹¹ সেক্কে তুই তারারে কবে, লগেপ্রভু কোইয়্যেদে, ‘ইয়েনর কারনান্ অলঅ তমা পুরোণি মানুচ্চুনে মরে ছাড়ি যেইয়োন আর দেব-দেবেদাগুনোর পিজেদি যেইনে তারারে সেবা আর পূজো গোজ্যন্। তারা মরে ছাড়ি যেইয়োন আর মর্ সুদোমানি অমান্য গোজ্যন্।

যিরমিয় 16:11 ပူးပေါင်းရင်းမြစ်များ

১ রাজাবলী 9:9

ইয়েন জোবত্‌ মানুচ্চুনে কবাক্‌, ‘এ কারনান্‌ অলঅ, যিবে তারার্‌ পূরোণি মানুচ্চুনোরে মিসর দেজত্তুন্‌ নিগিলেই আন্যে সে পূরোণি মানুচ্চুনোর্‌ গোজেন্‌ লগেপ্রভুরে তারা ছাড়ি যেইয়োন। তারা দেব-দেবেদার পিজেন্দি যেইনে তারারে পূজো আর সেবা গোজ্যন্‌। সেনত্তেই লগেপ্রভু এ অমংগলানি তারা উগুরে আন্যে।’”

২ বংশধর 7:22

ইয়েনর্‌ জোবত্‌ লগেপ্রভু কবদে, ‘ইয়েনর্ কারনান অলঅ, যিবে তারার্‌ পূরোণি মানুচ্চুনোরে মিসর দেজত্তুন্‌ নিগিলেই আন্যে সে পূরোণি মানুচ্চুনোর গোজেন লগেপ্রভুরে তারা ছাড়ি যেইয়োন। তারা দেব-দেবেদাগুনো ইন্দি যেইনে তারারে পূজো আর সেবা গোজ্যন; সেনত্তেই তে তারা উগুরে এ অমংগলান আন্যে।’”

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 22:9

সিয়েনর জোব্ অবঅ, ‘কিত্তে তারা তারার গোজেন লগেপ্রভুর থিদেবর্ গোজ্যে সুদোমান বাদ দিইনে দেব-দেবেদার পূজো আর সেবা গোজ্যন।’ ”

যিরমিয় 44:3

সিয়েন ওইয়্যেদে তারার পাজিগানির কারনে, কিত্তে তারা দেব-দেবেদাগুনো মুজুঙোত্ আগর্‌বাট্টি জ্বালেইনে আর তারারে পূজো গুরিনে মরে অমকদ রাগ্ তুলি দুয়োন। সে দেব-দেবেদাগুনোর্ কধা তারায়ো হবর্ ন-পেদাক্, তুমিয়ো হবর্ ন-পেদা বা তমা পুরোণি মানুচ্চুনেয়ো হবর্ ন-পেদাক্।

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

আবিলেচ্ 5:7

আমা পুরোণি মানুচ্চুনে পাপ গোজ্যন্; তারা ইক্কিনে আর নেই, মাত্তর্ আমি তারার্ সাজানি বুয়োই নেযের্।

যিহিষ্কেল 11:21

মাত্তর্ যিগুনোর মনানি বাজে মূত্তি আর জঘন্য মূত্তিগুনো ইন্দি, তারার্ কামর ফল মুই তারা উগুরে ঢালি দিম। মুই প্রভু লগেপ্রভু এ কধাগান কঙর্।”

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

মালাখি 3:7

তমা পুরোণি মানুচ্চুনোর সময়ত্তুন্ ধুরি তুমি মর্ বেক সুদোমানিত্তুন্ সুরি যেইয়ো আর সিয়েনি ন-পালঅ। মইদু ফিরি এজঅ, আর মুইয়ো তমা ইধু ফিরি এইম্। মাত্তর্ তুমি কত্তে, ‘আমি কেধোক্ক্যেন গুরি ফিরি এবং?’

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

বিচের গুরিয়্যেগুন 2:11

লগেপ্রভুর চোগোত্‌ যিয়েনি ভাজ্‌ন্যেই তারা সিয়েনিই গুরিদাক্‌। তারা বাল দেবেদাগুনোরে পূজো গুরিদাক্‌।