যিরমিয় 15:9 - Chakma Bible

⁹ সাত্‌‍তো পুয়ো-ছার্ মা বল্‌পোজ্যে ওইনে লাজে আর অগমান অবস্থায় শেজ্ নিজেস্ ফেলেবাক। সময় থাগদে তা জিংকানির বেলান ডুবি যেবঅ। যিগুনে বাঁজি থেবাক্ তারারেয়ো মুই শত্রুগুনোরে তলোয়ার মুজুঙোত্ দিম।‍‍‍ মুই লগেপ্রভু এ কধাগান কঙর্।”

যিরমিয় 15:9 ပူးပေါင်းရင်းမြစ်များ

যিশাইয় 47:9

মাত্তর্ পুয়ো-ছা আরানা বা রাণিমিলে অনা এ দিয়্যেনই একই দিনে যে কনঅ সময় তর্ ঘুদিবো। তর্ বোউত্ যাদুবিদ্যে আর বোউত মন্ত্রতন্ত্র থেলেয়ো সিয়েনি তঅ উগুরে যদবদেগুরি ঘুদিবো।

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 44:27

তারার ভালেদিত্যে নয় মাত্তর্ অমংগলত্তে মুই তারা উগুরে খিয়েল্ রাগাঙর্; মিসরত্ বজত্তি গুরিয়্যে যিহূদীগুনে যুদ্ধোত্ আর ভাদরাদে এক্কুবারে ভস্ত ওই যেবাক্।

যিরমিয় 50:12

সেনত্তে তমা মাবো অমকদ লাজত্ পুরিবো; যে তমারে জর্ম দিয়্যে তে অসর্মান অবঅ। জাদ্‌‌তুনো ভিদিরে তে অবঅ বেগত্তুন্ চিগোন; তে অবঅ এক্কান ধূল্যেচর-চাগালা, এক্কান শুগুনো জাগা, এক্কান দান্‌‌দারাঙে ভূই।

যিরমিয় 6:4

তারা কবাক্কে, ‘তার বিরুদ্ধে যুদ্ধোর যুক্কোল্ অ। উদো, আঢ, আমি দিবুজ্যে আক্রমণ গুরিই। মাত্তর্ হায়, দিনোর পহ্‌রান কুমি যার্, আর সাজোন্যের ছাবাগান লাম্বা অর্।

যিরমিয় 7:19

মাত্তর্ ইয়েনি গুরিনে কি তারা মরে দুঘ্ দেদন্? আজলে তারা দঅ নিজো উগুরে লাজ্ পানাগান ডাগি আনদন্ আর নিজোরে দুঘ্ দেদন।”

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 4:10

দোয়্যেলু মিলেগুনে নিজো আঢে তারার্ পুয়ো-ছাগুনোরে হানা রানি দেদন্। মঅ মানুচ্চুনোর্ ভস্ত অবার্ সময় তারার্ পুয়ো-ছাগুন তারার্ হানা ওইয়োন্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

১ শমূয়েল 2:5

যিগুনোর পেট্‌তুন ভরা এলাক্ তারা খানাত্যে ইক্কিনে অন্যগুনোর্ কাম্‌ গত্তন; মাত্তর্‌ যিগুনোর পেট্‌ পুরের্‌ তারার পেট্‌ পুরোনা কাদে যেয়েগোই। যে ভাজ্‌ এলঅ তে সাত্তো পূঅর মা ওইয়্যে, মাত্তর্‌ যিবের ভালোক্কুন পূঅ তে ইক্কিনে বল্‌পোজ্যে, ঝি-পূঅর জর্ম দি ন-পারে।