যিরমিয় 14:3 - Chakma Bible

³ মুরুব্বীগুনে পানিত্তে তারার চাগরুনোরে পাদান; তারা পানি জাগাত্ এইনে পানি ন-পেইনে সুদো কুম্‌‌বোই ফিরি যান; তারা লাজে আর আশা আরেইনে ওইনে মাঢাগুন নাঢি রাগান্।

যিরমিয় 14:3 ပူးပေါင်းရင်းမြစ်များ

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

২ শমূয়েল 19:4

রাজা তা মুয়োন্‌ ঢাগিনে ইয়েন কোইনে গুজুরি গুজুরি কানা ধুরিলো, “হায়, মঅ পূঅবো অবশালোম! হায়, অবশালোম, মঅ পূঅবো, মঅ পূঅবো!”

১ রাজাবলী 17:7

দেজত্‌ ঝড়্‌ ন-পড়ানায়্‌ কয়েকদিন পরেন্দি সে গঙার্‌ পানিগান শুগেই গেলঅ।

২ রাজাবলী 18:31

তুমি হিষ্কিয়ো কধানি ন-শুন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তা নিজোর্‌ আংগুর আর ডুমুর গাজত্তুন্‌ ফল আর নিজো কূয়োত্তুন্‌ পানি হেই পারিবা।

ইষ্টের 6:12

ইয়েনর্ পরেন্দি মর্দখয়ে আরঅ রাজঘরর্‌ গেদোত্‌ গেলঅ। মাত্তর্‌ হামনে মনত্ দুঘে মাঢাবো লুগেইনে যাদিমাদি গুরিনে ঘরত্‌ গেলঅ।

ইয়োব 6:20

তারা ঘেচ্চ্যেকগুরি এলাক্‌ বিলিনে দুঘ্‌ পান্‌; সিদু এইনে তারা নিরাশ্ অন্‌।

গীতসংহিতা 109:29

মঅ বিপক্কগুনে অগমানে ঢাগা যাদোক্, আর লাজ্ জিনিস্‌ছান কাবড় ধোক্ক্যেন তারার কিয়্যেনিত্ বেড়েয়্যে থোক্।

গীতসংহিতা 40:14

যিগুনে মরে মারে ফেলেবার চেরেস্‌তাত্ আগন্ তারা বেক্কুনে লাজত্ আর অগমানত্ পোড়োদোক্; যিগুনে মর্ নাশ দেগিবাত্তে চান তারা মাঢাবো তলে গুরিনে ফিরি যাদোক্।

যিরমিয় 14:4

মাদি ফাদি যেইয়্যে, কিত্তে দেজত্ কনঅ ঝড় ন-অয়; চাষ গুরিয়্যেগুনে মন-ভাঙালা ওইনে মাঢাত্ আত্ দুয়োন।

যিরমিয় 15:18

কিত্তে মর্ পীড়ের্ শেজ্ নেই, কিত্তে মঅ ঘাগান গম্ ন-অয়, কিত্তে সিয়েন সারা ন-যায়? তুই কি মইধু মিজে গঙার্ আর কানক্কন্ন্যে পয়নালা পানি ধোক্ক্যেন অবে?

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিরমিয় 2:37

তঅ আঢ্‌তান মাঢা উগুরে দিইনে তুই সে জাগায়ান ছাড়ি এবে, কিত্তে যিগুনো উগুরে তুই বিশ্বেজ্ গরজ্ মুই লগেপ্রভু তারারে এলাফেলা গোজ্যং; তারার বলে তুই ফোলেই ন-পারিবে।” ‌‌‌‌

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

আবিলেচ্ 4:4

দুধো তিরেজে চিগোন্ চিজিগুনোর্ জিলানি তাল্লোত্ বাজি যার্; ঝি-পুয়োগুনে রুটি চাদন্, মাত্তর্ কনজনে সিয়েনি ন-দেদন্।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

যোয়েল 1:20

এন্ কি, ঝার্‌বো য়েমানুনেয়ো তইধু কানদন্, কিত্যে পানি গঙারান্ শুগেই যেইয়্যে আর চরি হেবার জাগায়ানি আগুনে গিলি ফেল্যে।

আমোষ 4:7

খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

আমোষ 4:8

পানিত্তে মানুচ্চুনে দুলোদে দুলোদে আদামে আদামে গেলাক্ মাত্তর্ যগাজ্যে পানি হেই ন-পেলাক্; তো তুমি মইধু ফিরি ন-এলা।

সখরিয় 14:17

যুনি পিত্‌থিমীর ‌কনঅ জাদে বেগত্তুন্ খেমতাবলা লগেপ্রভুর্ উবোসনা গুরিবাত্তে যিরূশালেমত্ ন-যান সালে তারা দেজত্ ঝড় ন-অবঅ।