যিরমিয় 14:2 - Chakma Bible

² “যিহূদা আবিলেচ্ গরের্, কিত্তে তা শঅরানি বল্‌পোজ্যে ওই পোজ্যে; সিদুগোর মানুচ্চুনে মাদিত্ পড়িনে আবিলেচ্ গত্তন্, আর যিরূশালেমত্তুন এক্কো কানানা রঅ উগুরে উদের্।‌‍‍‍‍‍‍

যিরমিয় 14:2 ပူးပေါင်းရင်းမြစ်များ

ইয়োব 34:28

তারার অত্যাচারত্তে নাঢা মানুচ্চুনোর কানানিগানি তা মুজুঙোত্ পড়ে; তে নাঢা মানুচ্চুনোর কানানিগানি শুনে।

গীতসংহিতা 144:14

আমা বলদ্‌তুনে যেন ঘুয়োর্ ঘুয়োর্ বুধি টানি পারন্; আমা দেবালত্ যেন ফাদামারা ন-অয়, কনজনে যেন বন্দি ন-অন্। পধে পধে যেন দুঘোর্ কানানি রঅ শুনো ন-যায়।

যাত্রা 2:24

গোজেনে তারার্‌ কানা-কুদিগানি শুনিলো আর অব্রাহাম, ইসহাক আর যাকোবত্তে যে সুদোমান তে থিদেবর্ গোজ্যে সে কধাগান চিদে গুরিলো।

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 24:11

পধে পধে আংগুর-রসত্তে রঅ ছাড়ি উদিবাক্। বেক্ রঙ্গ-ফুত্তিগানির বদলে দুঘ্ অবঅ, আর পিত্‌থিমীত্তুন্ বেক্ রঙ্গ-ফুত্তিগানি দূর্ ওই যেবঅ।‌

যিশাইয় 24:4

পিত্‌থিমীগান ন-লোজ্যে ওই যেবঅ; সংসারান্ শুগেই যেবঅ আর ন-লোজ্যে অবঅ আর পিত্‌‌থিমীর সর্মান পেইয়্যে মানুচ্চুনে আমক্ অবাক্।

যিশাইয় 24:7

নুয়ো আংগুর-রস ন-থেবঅ আর আংগুর লুদিগানি শুগেই যেবঅ; যিগুনে রঙ্গ-ফুত্তি গরন্ তারা বেক্কুনে দুঘে ভঅ নিজেস্ ফেলেবাক্।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 33:9

দেজ্‌চানে আবিলেচ্ গরের্ আর শুগেই যার্, লেবাননে লাজ্ পেইয়্যে আর শুগেই যার্, শারোণানে ধূল্যেচর-চাগালা ধোক্ক্যেন ওইয়্যে আর বাশন আর কর্মিলো বেক্ গাজ পাদানি ঝুরি পড়ের্।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিরমিয় 11:11

সেনত্তে মুই লগেপ্রভু কঙর্, মুই তারা উগুরে এন্ দজা আনিম যিয়েনত্তুন্ তারা ধেই ন-পারিবাক্। যুনিয়ো তারা মঅ মুজুঙোত্ কানিবাক্ তো মুই তারা কধানি ন-শুনিম।

যিরমিয় 12:11

সিয়েনে মইধু মানুচ্ নেইয়্যে ওইনে আবিলেচ্ গোজ্যন। পুরো দেজ্‌চান আঙ্যা ভূই ওইনে রোইয়্যে বিলি কনজনে সিয়েন ইন্দি মনযোগ্ ন-দুয়োন।‌‌

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 18:22

তুই তারা বিরুদ্ধে অদাদত্ আক্রমন আনিলে তারার ঘরত্তুন কানানার্ রঅ শুনো যোক্, কিত্তে মরে ধুরিবাত্তে তারা গাদ্ খুজ্যন আর মঅ টেঙানিত্তে ফাল্ পাদি রাগেয়োন।

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিরমিয় 46:12

জাদ্‌তুনে তঅ লাজানা পৌইদ্যেনে শুনিবাক্; তঅ কানানিলোই পিত্‌থিমীগান ভর্‌পুণোং অবঅ। এক যোদ্ধা অন্য আর একজন উগুরে উজোত্ হেইনে দিজনে একসমারে পড়িবাক্।”

যিরমিয় 8:21

মঅ মানুচ্চুনে ভাঙি পোজ্যন্ বিলিনে মুইয়ো ভাঙি পোজ্যং; মুই চিৎপরা কাঙর্ আর অমকদ দরানে মরে ধোজ্যে।

আবিলেচ্ 2:8

সিয়োন-ঝিবোর্ চেরোকিত্তে দেবালানি ভাঙি ফেলেবার লগেপ্রভু থির্ গোজ্যে। তে মাবেদে দুড়িলোই মাপ্যে আর ভস্ত গুরিবার কামত্ নিজো আঢ্‌তানিরে থামেই ন-রাগায়। তে সিয়োনর তাম্বুল আর দেবালানিরে আবিলেচ্ গুরিবাত্যে দিয়্যে; সিয়েনি এক সমারে বল্‌পোজ্যে ওইয়্যে।

আবিলেচ্ 2:9

তা গেট্‌তুন মাদিলোই নাঢি যেইয়োন; হুক্‌কুন তে ভাঙিনে বর্‌বাত গুরি দিয়্যে। তার রাজা আর নেতাগুনে জাদ্‌তুনো ভিদিরে বন্দী ওই আগন্; রীদি-সুদোম্ কধে কিচ্ছু নেই; তার ভাববাদীগুনে লগেপ্রভুত্তুন্ আর দর্শন ন-পান্।

আবিলেচ্ 5:10

আমা চামানি পোগোন চুলো ধোক্ক্যেন্ গরম; পেট্‌পরায় জ্বর্ জ্বর্ ভাব পাঙর্।

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

যোয়েল 1:10

বেক্ খেত্তানি বর্‌‌বাত্ ওই যেইয়্যে, মাদিগানে আবিলেচ্ গরের্, কিত্যে শোজ্যগানি বর্‌‌বাত্ ওইয়্যে, নুয়ো আংগুর-রস শুগেই যেইয়্যে আর তেল শেজ্ ওই এজের্।

যোয়েল 1:11

ও চাজাবলাগুন, তুমি লাজঅ; তুমি যিগুনে আংগুর-গাজর্ যত্তন্ গরঅ, তুমি গম্ আর কেচ্ বিজিত্তে আবিলেচ্ গরঅ; কিত্যে খেদর্ ফসল ভস্ত ওইয়্যে।

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

যোয়েল 2:6

তারারে দেগিনে জাদ্‌‌তুনো মনত্ অমকদ যন্ত্রনা অর্; বেক্কুনো মুয়োনি রাঙা-কালা ওই যেইয়্যে।

হগয় 1:11

খেত-খামার, মুড়ো-মুড়ি, শোজ্য, নূয়ো আংগুর-রস, তেল আর মাদিত্ যিয়েনি জর্মায় সিয়েনি উগুরে মানুচ্, য়েমান আর তমা আঢর্ বেক কামানি উগুরে ঝড় ন-পড়িবাত্তে মুই উগুম দুয়োং।”

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।

১ শমূয়েল 5:12

যিদুক্কুন মানুচ্‌ মুরি ন-যান তারার্‌অ সেই টিউমার পিড়ে ওইয়্যে। সেক্কে শঅরর্‌ মানুচ্চুনোর কানাকুদির্ রঅবো যেন আগাজ সং লুমিলোগোই।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”