যিরমিয় 13:21 - Chakma Bible

²¹ যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 13:21 ပူးပေါင်းရင်းမြစ်များ

২ রাজাবলী 16:7

যেরেন্দি আহসে আসিরিয়ার রাজা তিগ্লৎ-পিলেষরর ইদু এ কধাগান্‌ কবাত্তে মানুচ্‌ পাধেই দিলো, “মুই তর্‌ চাগর্‌ আর তর্‌ পুয়ো। তুই এইনে অরামর রাজা আর ইস্রায়েলর রাজার আঢত্তুন্‌ মরে রোক্ষ্যে গত্তি। তারা মরে আক্রমণ গোজ্যন্‌।”

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 13:8

তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

যিশাইয় 21:3

মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিরমিয় 2:25

তুই উজিয়ার অ, ন-অলে তর্ টেঙর্ জদানি বর্‌বাত্ ওই যেবঅ আর তর্ রবুয়োও শুগেই যেবঅ। মাত্তর্ তুই কত্তে, কনঅ লাভ নেই। মুই দেব-দেবদাগুনোরে গম্ পাং, তারা পিজেদি মুই যেম্। ‍‍

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 30:6

তুমি পুযোর্ গুরি চঅ, মরদে কি পেদত্ পুয়ো রাগেই পারে? সালে কিত্তে মুই পত্তি বোলী মরদরে পুয়ো পুদোনার পীড়ে ভোগ গোজ্যে মিলে ধোক্ক্যেন পেদ উগুরে আঢ্ রাগাদে আর বেক্কুনোর মুয়োনি মরা ধোক্ক্যে রাঙা-কালা মু দেগঙর্?

যিরমিয় 38:22

যিহূদার রাজার রাজঘরর্ বাদবাগি মিলেগুনোরে বাবিল রাজার সেনাপতিবো ইধু নেযা অবঅ। সে মিলেগুনে তরে কবাক্, ‘তর্ লগে সমাজ্যেগুনে তরে ভান্ন্যেই পধেদি নেযেয়োন, তরে ওদেই দুয়োন্। ফুট্‌তোই তঅ টেঙানি গারা যেইয়্যে; তঅ সমাজ্যেগুনে তরে ফেলেই যেইয়োন।’

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 48:41

তার বেক্ শঅরানি অধিকার গুরিনে ঘরানি গজক্ গরা অবঅ। সেদিন্যে মোয়াব যোদ্ধাগুনোর মনত্ পুয়ো পুদেয়্যে মিলের্ পীড়ে উদেদে মনান ধোক্ক্যেন অবঅ।

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 6:24

আমি তারা পৌইদ্যেনে হবর্ পেইয়্যেই আর সেনত্তে আমা আঢ্‌‍‍‍‍‍তানি যেন অবশ ওইনে লুঙি পড়ের্। পিড়েগানে আমারে ঘিরি ধোজ্যে; পুয়ো পুদোইদে মিলে ধোক্ক্যেন পিড়েগানে আমারে ধোজ্যে।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

মথি লেখ্যে গম্ হবর্ 24:8

মাত্তর্ ইয়েনি বেক্কানি বানা যন্ত্রনার্ আরাম্ভ।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।