যিরমিয় 13:18 - Chakma Bible

¹⁸ লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

যিরমিয় 13:18 ပူးပေါင်းရင်းမြစ်များ

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ রাজাবলী 24:15

নবূখদ্‌নিৎসরে যিহোয়াখীনরে বন্দী ইজেবে বাবিলোত্‌ নেযেল। তে যিরূশালেমত্তুন্‌ রাজার মাবোরে, তা মোক্কুনোরে, তা কাম্‌গুরিয়্যেগুনোরে আর দেজর্‌ মুরুব্বী মানুচ্চুনোরেয়ো নেযেল।

২ বংশধর 33:12

দজাত্‌ পড়িনে তে তার্‌ গোজেন্‌ লগেপ্রভুর দোয়্যে ভিক্ষ্যে গুরিলো আর তার্‌ পূরোণি মানুচ্চুনোর্‌ গোজেন মুজুঙোত্‌ নিজোরে অমকদ চিগোন্‌ গুরিলো।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

২ বংশধর 33:23

মাত্তর্‌ তা বাপ্পো মনঃশি ধোক্ক্যেন তে লগেপ্রভুর মুজুঙোত্‌ নিজোরে চিগোন্‌ ন-গরে; তে পাপ্‌ গরা ধুরিলো।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 39:28

তারার্‌ খবঙানি আর মাদাত্‌ তোক্কেগুন মসীনা সুদোলোই বানেই দিয়্যে অলঅ‌ আর জাংগিগুন পাগেয়্যে মসীনা সুদোলোই বানেই দিয়া অলঅ‌ ।

গম্ উপদেজ্ 27:24

কিত্তে ধনান্ জিংকানিবর্ নয়, আর মুকুট্‌তো বংশর পর বংশ টিগি ন-থায়।

যিশাইয় 3:20

মাঢাবোর গঙদাগান্, টেঙত্ হবা, কমর রেশমী ফিতে, তুম্বাজ শিশি, তাবিজ,

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

যিরমিয় 22:26

মুই তরে আর তরে যে জর্ম দিয়্যে তর্ সেই মাবোরে অন্য দেজত্, যিয়েনত্ তমার কারর্ জর্ম ন-অয় সে দেজত্ ছিদি ফেলেই দিম, আর তুমি দ্বিজনে সিয়েনত্ মুরি যেবা।

যিরমিয় 29:2

রাজা যিহোয়াখীন, তার মা, রাজকর্মচারীগুন, যিহূদা আর যিরূশালেমর নেতাগুনে, কালিগর আর কামারুনে বন্দী ওইনে যিরূশালেমত্তুন যানার পরেদি এ চিদিগান লেগা ওইয়্যে।

যিরমিয় 36:16

তারা বেক কধানি শুনিনে দরে একজন আর একজন ইন্দি রিনি চেলাক্ আর বারূকরে কলাক্, “এই বেক্ কধানি রাজারে যেইনে আমাত্তুন্ জানা পুরিবো।”

আবিলেচ্ 1:6

সিয়োন ঝিবোর্ বেক্ সয়সাগোজ্যেগানি যেয়্যেগোই। তার নেতাগুন এমন উরিঙো ধোক্ক্যেন যিগুনে চড়িবার জাগা ন-পান; তারা বল্‌‌‌পোজ্যে ওইনে তারা আগে অাগে ধেই যেইয়োন যিগুনে তারারে লড়াদন্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

আবিলেচ্ 5:16

আমা মাঢাত্তুন্ মুকুট পড়ি যেইয়্যেগোই। অভিশাব্ পোড়োক্ আমার্, কিত্যেই আমি পাপ গোজ্যেই!

যিহিষ্কেল 16:12

নাগত্ নাগফুল, কানত্ কানদুল আর মাঢাবোত্ দোল্ এক্কো মুকুট দিলুং।

যিহিষ্কেল 21:26

মুই প্রভু লগেপ্রভু কঙর্, তঅ খবঙান্ খুল্, মুকুট্‌‌তো লামেই ফেলা। যেবাবোত্যে এলঅ সেবাবোত্যে আর ন-অবঅ। চিগোন্নোরে দাঙর্ আর দাঙর্‌‌‌বোরে চিগোন গরা অবঅ।

যিহিষ্কেল 24:17

তুই ভিদিরে ভিদিরে ভঅ নিজেস্ ফেলেবে। তুই মরাগুনোত্তে আব্‌‌‌‌‌‌‌‌‌সোজ্ ন-গুরিচ্। তুই মাপালার্ বান্ আর টেঙত্ জদা পিন্; তর্ মুয়োর্ তলেদিগান ন-ঢাগিচ্ বা মানুচ্চুনোর পাদেয়্যে হানাগানি ন-খেয়ো।”

যিহিষ্কেল 24:23

তমা মাঢাত্ তুমি মাপালার্ বানিবা আর টেঙত্ জদা পিনিবা। তুমি আবিলেচ্ ন-হেবা বা ন-কানিবা, মাত্তর্ নিজো নিজো পাপত্তে বল্‌‌‌‌‌‌‌‌‌‌পোজ্যে ওই যেবা আর একজন আর একজন ইধু ফোবেবা।

যিহিষ্কেল 44:18

তারা মাঢাত্ মসীনার পাগড়ী থেবঅ আর তারা মসীনার জাংগি পিনিবাক্; যেনে ঘাম অয় এবাবোত্যে কাবড় তারা ন-পিনিবাক্।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

যোনা 3:6

রাজা ইধু সে হবরান লুমোনার্ পরেদি তে তার্ সিংহাসনান্ ছাড়ি উদিনে তা রাজপোজাক্কানি খুলি ফেলেল আর বস্তা পাদা পিনিনে ছেইয়ো সংমোধ্যে বুজিলো।

মথি লেখ্যে গম্ হবর্ 18:4

যে কনজনে এ চিগোন গুরোগুনো ধোক্ক্যেন্ নিজোরে চিগোন গরন্ তেয়ই স্বর্গ-রেজ্য ভিদিরে বেগত্তুন্ দাঙর্।

যাকোব 4:10

প্রভুর মুজুঙোত্ নিজোরে তলে গরঅ, সালে তেয়ই তমারে তুলি ধুরিবো।

১ পিতর 5:6

সেনত্যে গোজেন খেমতার্ মুজুঙোত্ নিজোরে তলে গরঅ, যেন ঠিগ্ সময়োত্ তমারে অজল্ গরে।