যিরমিয় 13:16 - Chakma Bible

¹⁶ তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 13:16 ပူးပေါင်းရင်းမြစ်များ

ইয়োব 3:5

আন্ধারানে আর ঘুর্‌ঘুজ্যে ছাবাই সে দিন্নোরে গজক্‌ গুরি নেযোক্‌; মেঘ্‌কানে তারে ঢাগি ফেলোক্‌, আর ঘুর্‌ঘুজ্যে আন্ধারে তারে অমকদ দর্‌‌বুগ্‌ লাগোক্‌।

গীতসংহিতা 107:10

তারা আন্ধারত্, ঘুর্‌গুজ্যে আন্ধারত্ বোই এলাক্, সেই বন্ধীগুনে দুঘে আর লুয়োর্ শিগোলে দুঘ্ পাদন্;

গীতসংহিতা 107:14

আন্ধার আর মরণ মুয়োত্তুন্ তে তারারে নিগিলেই আনিলো; তে তারার শিগোলানি ভাঙি দিলো।

গীতসংহিতা 29:2

তুমি লগেপ্রভুর বাঈনীগান্ ফগদাঙ্ গরঅ; তার্ মহিমাবলা পবিত্র কধানি ভাবিনে তারে শ্রদ্ধা জান।

গীতসংহিতা 44:19

মাত্তর্ তো তুই এন্ এক্কান জাগাত্ আমারে গুড়ি গোজ্যস্ যিয়েনত্ শিয়েলর আনাগোনা; ঘুর্‌‌গুজ্যে আন্ধারলোই আমারে ঢাগি রাগেয়োচ্।

যাত্রা 10:21

পরেদি লগেপ্রভু মোশিরে কলঅ, “আগাজ কিত্তেদি তঅ আত্তান্‌ বাবেই দে। সেক্কে আত্তোই ধোজ্যেদে ধোক্ক্যেন আন্ধারত্‌ দেজ্‌চান্‌ ডুবি যেবগোই।”

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

উপদেশক 11:8

এক্কো মানুচ্ যুনি ভালোক্ বজর্ বাঁজি থায় সালে তে যেন সে দিনুনোত্ রঙ্গ-ফুত্তি গরে। মাত্তর্ আন্ধার দিনুনোর্ কধায়ো যেন তে মনত্ রাগায়, কিত্তে সিগুন বোউত্ অবাক্। যিয়েনি ঘুদিবো সিয়েনি বেক্কানি কানক্কনত্তে।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 59:10

আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

যিশাইয় 59:9

সেনত্তে ন্যায়বিচেরান আমাত্তুন দূরোত্ থায় আর সততাগান আমা ইদু ন-লুমেগি। আমি পহ্‌‍‌‌‌‌র পেবাত্তে চেই, মাত্তর্ বেক্কানি আন্ধার; জোল্‌‍‌‌‌‌জোল্যে পেবাত্তে চেই, মাত্তর্ ঘন ছাবালোই চলিই।

যিশাইয় 60:2

চঅ, পিত্‌থিমীগান আন্ধারে নাঢা যেইয়্যে ‌‌ আর জাদ্‌তুনো উগুরে এচ্চ্যে ঘুর্‌‌‌‌গুজ্যে আন্ধার, ‌ মাত্তর্ লগেপ্রভু তঅ উগুরে পহ্‌‌‌র দিবো আর তার মহিমাগান তঅ উগুরে ফগদাং অবঅ।

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিরমিয় 23:12

সেনত্তে তারার পথ্‌‍‍‍‍তান বিজোল্ অবঅ; আন্ধারত্ তারারে ধাবেই দিয়্যে অবঅ আর সিয়েনত্ তারা পড়িবাক্। তারার সাজা পেবার অক্তত্ মুই তারা উগুরে দযা আনিম।‍

যিরমিয় 4:23

মুই পিত্‌‌‍থিমীগান ইন্দি রিনি চেলুং; সিয়েন মাজারায়ো নেই আর খালি; আগাজ ইন্দি রিনি চেলুং, সিয়েনত্ পহ্‌র নেই।‌‍

যিরমিয় 50:6

মঅ মানুচ্চুন আড়েয়্যে ভেড়া ধোক্ক্যেন্ ওইয়োন; তারার গরগ্‌‌কো তারারে ভান্ন্যেই পধেদি নেযেয়্যে। সে গরগ্‌‌কুনোর কারনে তারা মুড়ো-মুড়ি ঘুরি বেড়েয়োন আর নিজো জিরেবার জাগান কধা ভুলি যেইয়োন।

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিরমিয় 8:15

আমি শান্তির আজা গোজ্যেই মাত্তর্ কনঅ ভালেদি ন-অলঅ; আমি গম্ অবার আজা গোজ্যেই মাত্তর্ অমকদ বুগোত্ দর্ সোমেল।

আবিলেচ্ 4:17

তো সাহায্যত্তে মিজে গুরি রিনি চেই চেই আমা চোগ্‌কুন চিবে চিবে ওইয়োন্; আমি আমিঝে এমন এক্কো জাদ ইন্দি চেই এলং যে জাদ্‌তো আমারে রোক্ষ্যে গুরি ন-পারিদো।

যিহিষ্কেল 21:15

কাবি ফেলেবাত্তে তারার্ বেক্ গেট্‌‌‌‌‌‌‌‌‌‌তুনোত্ মুই লাম্বাছুরি বোজেয়োং আর যেনে তারার্ মনানি বেক্কানি গুলি যায় আর ভালোক্কুনে মুরি যান্। অয়, সেই লাম্বা ছুরিগানে কারেন ধোক্ক্যেন ঝিমিলায়; সিয়েনে কাবি ফেলেবাত্তে ধারা ওইয়্যে।

যিহিষ্কেল 34:12

গরগে যেবাবোত্যেগুরি তার ছিদি পোজ্যে পালরে তগায় সেবাবোত্যেগুরি মুই মর্ ভেড়াগুনোরে তোগেম্। মেঘ আর আন্ধার দিনোত্ তারা যেদক্কানি জাগাত্ ছিদি পোজ্যন্ মুই সিয়েনিত্তুন্ তারারে উদ্ধোর্ গুরিম।

যিহিষ্কেল 36:15

জাদ্‌‌‌‌‌‌তুনোর্ ঠাট্টা-মশ্‌‌‌‌‌‌কারী আর তরে শুনিবাত্তে ন-দিম্ আর তারার অগমান গরানা আর তত্তুন্ সোজ্য গরা ন-পুরিবো। তত্তে তঅ জাদর্ মানুচ্চুনে আর উজোত্ ন-হেবাক্। মুই প্রভু লগেপ্রভু এ কধাগান কঙর্।’ ”

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 5:18

অভিশাব্ পোড়োক্ তমার! তুমি দঅ নরম ওইনে লগেপ্রভুর দিন দেগিবাত্তে চর্! কিত্তে তুমি সেদিন্নোর্ আজা গরর্? তমা ইধু সেদিন্নো পহ্‌‌‌র নয় মাত্তর্ আন্ধার অবঅ।

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।