যিরমিয় 13:11 - Chakma Bible

¹¹ মান্‌জ্যে কমরত্ যেবাবোত্যেগুরি জাংগি পিনোন্ সেবাবোত্যেগুরি মুই গোদা ইস্রায়েল আর যিহূদার বেক মানুচ্চুনোরে মঅ সমারে এগত্তর গোজ্যং, যেনে তারা মর্ সুনাঙ্, বাঈনী আর সর্মানত্তে মঅ মানুচ্ অন, মাত্তর্ তারা মঅ কধা ন-শুনোন্।

যিরমিয় 13:11 ပူးပေါင်းရင်းမြစ်များ

গীতসংহিতা 135:4

লগেপ্রভু যাকোবরে তার নিজোত্তে, ইস্রায়েলরে তার নিজোর সোম্বোত্তি অবাত্তে বেঈ লোইয়্যে।

গীতসংহিতা 147:20

অন্য কনঅ জাদত্তে তে সিয়েনি ন-গরে; তার আইন-কানুনানি তারা হবর্ ন-পান। লগেপ্রভুরে নাঙ্ গিনে ওক্।

গীতসংহিতা 81:11

মাত্তর্ মঅ মানুচ্চুনে মঅ কধানি ন-শুনিলাক্; ইস্রায়েল মর্ বাধ্য অদে রাজি ন-অলঅ।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিরমিয় 13:1

লগেপ্রভু মরে কলঅ, “তুই যেইনে নরম সুদোর্ এক্কো জাংগি কিনিনে পিন্, মাত্তর্ সিবে পানিত্ ন-ভুরেবে।”

যিরমিয় 13:10

এ পাজি জাদর্ মানুচ্চুন, যিগুনে মঅ কধাগান শুনিবাত্তে অস্বিগের্ গোজ্যন আর তারা মনর্ একঘেয়েমিলোই চলদন্ আর সেবা আর উবোসনা গুরিবাত্তে দেব-দেবেদার পিজেদি যেইয়োন তারা এ জাংগিবো ধোক্ক্যেন পুরোপুরিভাবে অকেজো অবাক্।

যিরমিয় 13:12

“তুই তারারে কঅ, ইস্রায়েলর গোজেন লগেপ্রভু কোইয়্যেদে, ‘আংগুর-রস থোইয়্যে পত্তি মাদির্ পিলে রসে ভরা পুরিবো।’ আর যুনি তারা তরে কন্, ‘আমি কি হবর্ ন-পেই যে, আংগুর-রস থোইয়্যে পত্তি পিলে রসে ভরা পুরিবো?’

যিরমিয় 19:15

“ইস্রায়েলর বেগত্তুন খেমতাবলা লগেপ্রভু কলঅ, ‘শুন, মুই এ শঅরানর আর তা কায়-কুরে আদামানি উগুরে যেদক্কানি দজা ঘোদেবার কধা কোইয়োং মুই সেই বেক্কানি তারা উগুরে ঘোদেম্, কিত্তে তারা গত্তনা দরমর গোজ্যন আর মঅ কধাগান ন-শুনোন।’ ”

যিরমিয় 32:20

তুই মিসর দেজত্ বোউত্ চিহ্নো দেগেয়োচ্ আর আমক্ আমক্ কাম্ গোজ্যস্ আর এজঅ সং ইস্রায়েল আর বেক্ মানুচ্চুনো ভিদিরে সিয়েনি গুরি এজর্, আর সিয়েনিলোই তুই সুনাঙ্ পেয়োচ্।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিরমিয় 7:13

তুমি এ পাপ্‌পানি গোজ্য, অত্তাৎ মুই তমারে বার বার কলেয়ো তুমি ন-শুনো আর তমারে ডাগিলেয়ো জোব্ ন-দুয়ো।‌

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

আমোষ 3:1

ও ইস্রায়েলর মানুচ্চুন, তমা বিরুদ্ধে, অত্তাৎ লগেপ্রভু যিগুনোরে মিসরত্তুন্ নিগিলেই আন্যে সেই পুরো জাদ বিরুদ্ধে তে যিয়েনি কোইয়্যে সিয়েনি শুনো:

লূকে লেখ্যে গম্ হবর্ 10:11

তমা আদামর্ যে ধূল্যেগানি আমা টেঙত্ বাস্যে সিয়েনিয়ো আমি তমা বিরুদ্ধে ঝাড়ি ফেলেলং। তো তুমি জানি রাগেয়ো, গোজেন রেজ্যগান্ কায়-কুরে লুম্মেগি।

দ্বি’লম্বর বিররণ 26:18

আর লগেপ্রভুয়ো এচ্চ্যে ফগদাং গোজ্যেদে, তার এগেম্ মজিম তুমি তারই মানুচ্‌ আর তার্‌ নিজোর সোম্বোত্তি ওইয়ো। তার বেক্‌ উগুমানি তমাত্তুন মানি চলা পড়িবো।

দ্বি’লম্বর বিররণ 26:19

তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”

দ্বি’লম্বর বিররণ 4:7

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ দেব-দেবেদাগুনে তারার্‌ ইদু থান, যেধোক্ক্যেন গুরি আমা গোজেন লগেপ্রভুরে ডাগিলে তারে কায়-কুরে পাহ্ যায়?

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।