যিরমিয় 12:9 - Chakma Bible

⁹ মঅ সোম্বোত্তিগান মইধু অদ্ভূদ রংয়র শিগেরী পেগো ধোক্ক্যেন ওইয়্যে, যিবেরে অন্য শিগেরী পেগ্‌কুনে ঘিরিনে আক্রমণ গোজ্যন্। তুই যেইনে বেক্ ঝার্‌‌‌‌বো য়েমানুনোরে এগত্তর্ গুরিনে আন যেন তারা হেই পান। ‌

যিরমিয় 12:9 ပူးပေါင်းရင်းမြစ်များ

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 56:9

মাদর্ আর ঝারর্ বেক এ্যামানুন্, তুমি এইনে হেই ফেলঅ।

যিরমিয় 15:3

লগেপ্রভু কোইয়্যেদে, মুই তারা বিরুদ্ধে চের্ বাবোত্যে ভস্তগুরিয়্যেরে পাধেই দিম। সিয়েনি অলঅ, মারে ফেলেবাত্তে তলোয়ার, টানি লোই যেবাত্তে কুগুর, হেই ফেলেবাত্তে আর ভস্ত গুরিবাত্তে আগাজর্ পেগ আর ঝার য়েমান।

যিরমিয় 2:15

সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

যিরমিয় 34:20

সেনত্তে যিগুনে তারারে মারে ফেলেবাত্তে চান সে শত্রুগুনো আঢত্ মুই তারারে তুলি দিম। তারার মরাকিয়্যেনি অবঅ আগাজর্ পেগ্‌কুনোর আর ঝার্‌‍‍‍বো য়েমানুনোর হানা। ‍

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

আবিলেচ্ 1:17

সিয়োনে তা আঢ্‌‌‌তানি বাবেই দিয়্যে, মাত্তর্ তারে বুঝেবার কনজন নেই। লগেপ্রভু যাকোবত্তে এ উগুমান দিয়্যে, তা পাড়াল্যেগুন তার শত্রু অবঅ। তারা ভিদিরে যিরূশালেমান ওইয়্যেদে এক্কান অসিজি জিনিস।

যিহিষ্কেল 34:5

পালক নেই বিলিনে তারা ছিদি পোজ্যন্ আর ঝার য়েমানর্ হানা ওইয়োন।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।