যিরমিয় 12:4 - Chakma Bible

⁴ আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 12:4 ပူးပေါင်းရင်းမြစ်များ

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গীতসংহিতা 50:21

ইয়েনি তুই গোজ্যস্, মাত্তর্ মুই মুয়োন ন-খুলোং; তুই মনে গোজ্যস্‌চে মুই তঅ ধোক্ক্যেন এক্কো, মাত্তর্ মুই তর্ দুষ্‌ছান দেগেই দিম আর তর্ বেক্কানি তর্ চোগোর মুজুঙোত্ এক্কান এক্কান গুরি তুলি ধুরিম।

যিশাইয় 24:4

পিত্‌থিমীগান ন-লোজ্যে ওই যেবঅ; সংসারান্ শুগেই যেবঅ আর ন-লোজ্যে অবঅ আর পিত্‌‌থিমীর সর্মান পেইয়্যে মানুচ্চুনে আমক্ অবাক্।

যিশাইয় 24:6

সেনত্তে এক্কান অভিশাবে পিত্‌‌‌থিমীগানরে গিলিবো; তা মানুচ্চুনে দুষি অবাক্। সেনত্তে পিত্‌থিমীর আদাম্মেগুনোরে পুড়ি ফেলা অবঅ আর খুব কম মানুচ্ বাঁজি থেবাক্।‌

যিরমিয় 12:11

সিয়েনে মইধু মানুচ্ নেইয়্যে ওইনে আবিলেচ্ গোজ্যন। পুরো দেজ্‌চান আঙ্যা ভূই ওইনে রোইয়্যে বিলি কনজনে সিয়েন ইন্দি মনযোগ্ ন-দুয়োন।‌‌

যিরমিয় 14:2

“যিহূদা আবিলেচ্ গরের্, কিত্তে তা শঅরানি বল্‌পোজ্যে ওই পোজ্যে; সিদুগোর মানুচ্চুনে মাদিত্ পড়িনে আবিলেচ্ গত্তন্, আর যিরূশালেমত্তুন এক্কো কানানা রঅ উগুরে উদের্।‌‍‍‍‍‍‍

যিরমিয় 23:10

দেজ্‌‍‍‍চান বেশ্যেগুন্দোই ভুরি যেইয়্যে, অভিশাবত্তে দেজ্‌‍‍‍‍‍চানে আবিলেচ্ গরের আর ধূল্যেচর-চাগালার চড়িবার বামান্ শুগেই যেইয়্যে। মানুচ্চুনে ভান্ন্যেই পথ্‌তান ধুরিনে চলদন আর তারার খেমতাগান অন্যেয়গুরিনে বেবহার গোজ্যন।

যিরমিয় 4:25

মুই রিনি চেলুং, সিয়েনত্ কনঅ মানুচ্ নেই; আগাজর্ বেক্ পেগ্‌কুনে উড়ি যেইয়োন। ‌‍

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিরমিয় 5:13

ভাববাদীগুনে বোইয়্যের ধোক্ক্যেন; তারা ভিদিরে গোজেনর কধা নেই। সেনত্তে তারা যিয়েনি কন্ সিয়েনি তারা উগুরে গরা অবঅ।”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:9

মুই কি ইয়েনত্তে তারারে সাজা ন-দিম? এবাবোত্যে জাদ উগুরে কি মুই নিজেই হেনা ন-সুজিম?”

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

যোয়েল 1:18

কিবাবোত্যেগুরি গোরু-ভেড়াগুনে ফবাদন্! গোরু পালুনে ঘুরি বেড়াদন্, কিত্যেই তারার্ চরিনে হেবার জাগা নেই; ভেড়া পালুনেয়ো দুঘ্ পাদন্।

আমোষ 1:2

আমোষে কলঅ, “লগেপ্রভু সিয়োনত্তুন্ রঅ ছাড়ের্ আর যিরূশালেমত্তুন্ জোরে জোরে কধা কর্। সেনত্তে গরগ্‌‌কুনোর চড়াইদ্যে ভূইয়ানি বেক্কানি শুগেই যার্ আর কর্মিল মুড়োবো মাঢাত্ গাজপালা মুরি যার্।”

হবক্‌‌‌‌কূক 3:17

যুনিও ডোমোর্ গাজত্ বোল্ ন-পড়িবাক্ আর আংগুর লুদিত্ ন-থেবাক্ কনঅ আংগুর, যুনিও জলপাই গাজত্ ফল ন-ধুরিবাক্ আর খেদত্ ন-জোর্মেবাক্ হেবাত্তে কনঅ শোজ্য, যুনিও ভেড়ার ঘরত্ ন-থেবাক্ ভেড়া আর গোরু ঘরত্ ন-থেবাক্ গোরু,

সখরিয় 1:12

সেক্কে লগেপ্রভুর দূত্‌‌তো কলঅ, “ও বেগত্তুন খেমতাবলা লগেপ্রভু, তুই যিরূশালেম আর যিহূদার অন্য শঅরানি উগুরে এই যে সত্তুর বজর্ সং বেজার্ ওই রোইয়োচ্ তারা উগুরে আর কয়দিন তুই মেয়্যে ন-গুরি থেবে?”

রোমীয় 8:22

আমি কোই পারিই, গোদা সৃট্টিগান্ যেন এক্কান জদবদে পো-ফুদোইদ্যে ধোক্ক্যেন সুলোনিয়ে ইক্কিনেও ওমা-হদা গরের্।