যিরমিয় 12:3 - Chakma Bible

³ ও লগেপ্রভু, তুই মরে হবর্ পাজ; তুই মরে চেই থাচ্ আর তঅ উগুরে মর্ ভোক্তি কত্তমান সিয়েন যগা চাজ্। ভেড়া ধোক্ক্যেন কাবি ফেলেবাত্তে তুই তারারে টানি নেযাচ্; কাবিবার দিন্নোত্তে তারারে যুদো গুরি রাগেজ্।

যিরমিয় 12:3 ပူးပေါင်းရင်းမြစ်များ

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

গীতসংহিতা 139:23

ও গোজেন, তুই মরে গমেডালে পোরোক্ক্যে গুরি চাহ্, আর মর্ মন অবস্থাগান জানি লঅ; মরে বিজিরে চাহ্, আর মর্ টেনশন কধা জানি লঅ।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 7:9

ও ধার্মিগো গোজেন, তুই পরাণানিরে আর মনানিরে যগা চাজ্; তুই পাজিগুনোর্ শদানিগানি শেজ্ গর্ মাত্তর্ তঅ ভক্তগুনোরে গমেডালে থিদেবর্ রাগা।

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

যিরমিয় 17:16

তঅ মানুচ্চুনোর পালক অনাত্তুন মুই দঅ ধেই ন-যাং; তুই হবর্ পাজ্ মুই দজার্ দিন ন-চাং। মঅ মুয়োত্তুন যিয়েনি নিগিলি এজে সিয়েনি তত্তুন লুগেয়্যে নয়।

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 20:12

ও বেগত্তুন্ খেমতাবলা লগেপ্রভু, তুই দঅ গম্ মানুচ্চুনোরে যগা চাজ্ আর বেক্কুনোর মনানি আর মন কধানি হবর্ পাজ। মঅ শত্রুগুনো উগুরে তর্ হেনা সুজোনা মরে চেবাত্তে দে, কিত্তে মুই মঅ আবিত্তিগান তরে জানেয়োং।

যিরমিয় 48:15

মোয়াব্‌পান্ ভস্ত অবঅ আর তা শঅরানি আক্রমণ গরা অবঅ; তার মূলুক্ মূলুক্ গাবুজ্যেগুনে গদ্দন্ দিবার জাগানত্ লামিবাক্।” যিবের্ নাঙান বেগত্তুন্ খেমতাবলা লগেপ্রভু সেই রাজাবো এ কধাগান কোইয়্যেদে,

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিরমিয় 51:4

তারা বাবিল পধে পধে অমকদ আঘাত্ পেইনে মুরিনে পড়ি থেবাক্।

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

যাকোব 5:5

এই পিত্‌থিমীত্ তুমি ভারী আরামে দিন কাদেয়ো আর বে-ইজেবি গুরি চলর্। মুরিবার দিন্নোত্যে তুমি নিজোরে বানা তাজা গোজ্জ্য।

২ পিতর 2:12

মাত্তর্ যে বুদ্ধিনেইয়্যে য়েমানুনে তারার্ স্বাভাবিক আওজর্ অধীন আর মারে ফেলেবাত্যে যিগুনোর্ জর্ম, এই ফক্কর্ মাষ্টরুনে তারা ধোক্ক্যেন। তারা যিয়েন ন-বুঝোন সে পৌইদ্যেনে ভান্ন্যেই কধা কন্। নিজো কাজর ভিদিরে তারা ভস্ত ওই যেবাক্।