যিরমিয় 11:5 - Chakma Bible

⁵ মুই তমা পুরোণী মানুচ্চুনো ইধু এমন দেজ্ দিবার শমক্ গোজ্যং যিয়েনত্ দুধ, মধু আর কনঅ কিজুর অভাব নেই, আর সে শমক্তান্ মুই পুরেই দিম।’ সে দেজ্‌চানই এচ্চ্যে তুমি গজক্ গুরি আগঅ।” ‍ জোবত্ মুই কলুং, “আমেন, লগেপ্রভু।”

যিরমিয় 11:5 ပူးပေါင်းရင်းမြစ်များ

২ বংশধর 6:17

ও লগেপ্রভু, ইস্রায়েলর গোজেন, যে সমক্কান্‌ তুই তঅ চাগর্‌ দায়ূদো ইদু গোজ্যস্‌ সিয়েন্‌ ফোলোক্‌।

গীতসংহিতা 105:8

যে কধানি উগুম তে দিয়্যে আজার আজার বংশত্তে, তার সেই সুদোমর কধানি তে উমরত্যে ইদোত্ রাগেব।

যাত্রা 13:5

যেক্কে লগেপ্রভু তমারে কনানীয়, হিত্তীয়, ইমোরীয়, হিব্বীয় আর যিবূষীয়গুনোর্‌ দেজত্‌ নেযেব সেক্কে তুমি বজরর্‌ এই মাস্যত্‌ এই অনুষ্ঠানান্ পালন গুরিবা। ইয়েনই সেই দেজ্‌ছান যিয়েন্‌ লগেপ্রভু তমারে দিবো বিলি তমার পুরোণি মানেইয়ুনো ইধু শমক্‌ গোজ্যে। সিয়েনত্‌ দুধ, মধু আর কনঅ‌ কিজুর্‌ অভাব নেই।

যিরমিয় 19:12

মুই এ জাগায়ান আর ইধুগো আদাম্মেগুনো উগুরে যিয়েন গুরিম সিয়েন এই: মুই এ শঅরানরে তোফত ধোক্ক্যেন গুরিম;

যিরমিয় 28:6

তে কলদে, “আমেন, লগেপ্রভু যেন সিয়েন গরে। লগেপ্রভুর ঘরর্ পযাপিরানি আর বাবিলত্তুন বেক্ বন্দীগুনোরে ইধু ফিরেই আনিনে লগেপ্রভু তর্ কোইয়্যে আগাম্ কধানি পুরোন্ গর্।

যিরমিয় 32:22

যে দেজত্ দুধ, মধু আর কনঅ কিজুর্ অভাব নেই সে দেজ্‌চান দিবার কধা তুই তারার পুরোণি মানুচ্চুনো ইধু শমক্ হেইয়োচ্ আর সিয়েন তারারে দুয়োচ্।‌

লেবীয় 20:24

মুই তমারে কোইয়োংগে, তারার্‌ দেজ্‌চান্‌ তমা অধীনোত্‌ এবঅ। দুধ, মধু আর কনঅ কিজুর্‌ অভাব নেইয়ে এক্কান্‌ দেজ্‌ সোম্বোত্তি ইজেবে মুই তমারে দিম। মুই লগেপ্রভু তমার গোজেন। অন্য বেক্‌ জাদত্তুন্‌ মুয়ই তমারে ফারক্‌ গোজ্যং।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

১ করিন্হীয় 14:16

সিয়েন ন-অলে যুনি তুই আত্মালোই ভালেদি জানাচ্ সালে সেই ভাষা বুঝি ন-পারে এন্ কনঅ মানুচ্‌ যুনি সিয়েনত্ থায়, সালে তে কেধোক্ক্যেন গুরি তর্ ভালেদিগান আমেন বিলিনে মানি লবঅ? তে দঅ কোই ন-পারে তুই কি কর্।

দ্বি’লম্বর বিররণ 6:3

ইস্রায়েলীয়গুন, তুমি মঅ কধাগান শুনো আর উঝিয়ার্‌ ওইনে এ বেক্কানি মানি চলঅ, যেনে দুধ আর মধুলোই ভোজ্যে সেই দেজত্‌ যেবার্‌ পরেন্দি তমার পুরোণি মানুচ্চুনোর্‌ গোজেন লগেপ্রভুর এগেম্ মজিম তমার্‌ ভালেদি অয় আর তুমি মান্‌জ্যন্দি ভালোক্কুন্‌ বেশ্‌ ওইনে উদি পার।