যিরমিয় 11:11 - Chakma Bible

¹¹ সেনত্তে মুই লগেপ্রভু কঙর্, মুই তারা উগুরে এন্ দজা আনিম যিয়েনত্তুন্ তারা ধেই ন-পারিবাক্। যুনিয়ো তারা মঅ মুজুঙোত্ কানিবাক্ তো মুই তারা কধানি ন-শুনিম।

যিরমিয় 11:11 ပူးပေါင်းရင်းမြစ်များ

ইয়োব 35:13

তারার তবনালোই কনঅ লাভ ন-অয়, কিত্যে গোজেনে সিয়েন ন-শুনে; বেগত্তুন খেমতাবলা গোজেনে সিয়েন কনঅ মনযোগ্ ন-দে।

গীতসংহিতা 18:41

তারা বল্ পেবাত্তে রঅ ছাড়দন্, মাত্তর্ কনজনে তারারে রোক্ষ্যে গুরিবাত্তে ন-এজন্। তারা লগেপ্রভু ইদু রঅ ছাড়দন্, মাত্তর্ তেয়ো তারারে জোব্ ন-দে।

গীতসংহিতা 66:18

মঅ মনত্ যুনি মুই কুজুরোমিগান পুজিদুং সালে মঅ কধাগান প্রভু ন-শুনিদো।

গম্ উপদেজ্ 1:28

“ভুল্ মানুচ্চুনে সেক্কে মরে ডাগিবাক্ মাত্তর্ মুই শমক্ ন-দিম; তারা মরে তোগেবাক্ মাত্তর্ মরে তোগেইনে ন-পেবাক্।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 24:17

ও জগদর্ মানুচ্চুন্, তমাত্তে দর্, গাদ্ আর ফালুনে বাজ্জেই আগন্।

যিরমিয় 11:14

এ মানুচ্চুনোত্তে তুই কনঅ তবনা ন-গুরিচ্ বা তারাত্তে কনঅ কোজোলী ন-গুরিচ্, কিত্তে তারার দুঘোর্ সময় তারা মরে ডাগিলে মুই ন-শুনিম।

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 14:2

“যিহূদা আবিলেচ্ গরের্, কিত্তে তা শঅরানি বল্‌পোজ্যে ওই পোজ্যে; সিদুগোর মানুচ্চুনে মাদিত্ পড়িনে আবিলেচ্ গত্তন্, আর যিরূশালেমত্তুন এক্কো কানানা রঅ উগুরে উদের্।‌‍‍‍‍‍‍

যিরমিয় 15:2

আর যুনি তারা তরে পুযোর্ গরন, ‘আমার কি অবঅ?’ সালে তারারে কবে, ‘লগেপ্রভু এ কধাগান কোইয়্যেদে, মরণত্তে যিগুনে ঠিগ্ ওই আগন তারার মরণ অবঅ; তলোয়ারত্তে যিগুনে ঠিগ্ ওই আগন তারা যুদ্ধোত্ মুরি যেবাক্; ভাদরাদত্যে যিগুনে ঠিগ্ ওই আঘন্ তারা ভাদরাদত্যে মুরি যেবাক্; আর বন্দী অবাত্তে যিগুনে ঠিগ্ ওই আগন তারা বন্দী অবাক্।’ ”

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 19:15

“ইস্রায়েলর বেগত্তুন খেমতাবলা লগেপ্রভু কলঅ, ‘শুন, মুই এ শঅরানর আর তা কায়-কুরে আদামানি উগুরে যেদক্কানি দজা ঘোদেবার কধা কোইয়োং মুই সেই বেক্কানি তারা উগুরে ঘোদেম্, কিত্তে তারা গত্তনা দরমর গোজ্যন আর মঅ কধাগান ন-শুনোন।’ ”

যিরমিয় 19:3

সে কধাগান অলঅ, ও যিহূদার রাজাগুন আর যিরূশালেমর মানুচ্চুন, মুই ইস্রায়েলর গোজেন বেগত্তুন্ খেমতাবলা লগেপ্রভু যে কধাগান কঙর্ সিয়েন শুনো। মুই এ জাগায়ান উগুরে এমন দজা আনিম, যিগুনে সিয়েনি শুনিবাক্ তারার পত্তিজনর কান আমক্ ওই উদিবো।

যিরমিয় 23:12

সেনত্তে তারার পথ্‌‍‍‍‍তান বিজোল্ অবঅ; আন্ধারত্ তারারে ধাবেই দিয়্যে অবঅ আর সিয়েনত্ তারা পড়িবাক্। তারার সাজা পেবার অক্তত্ মুই তারা উগুরে দযা আনিম।‍

যিরমিয় 25:35

পালক্কুনোর ধেই যেবার পথ ন-থেবঅ; পালর নেতাগুনে কনজাগাত্ যেই ন-পারিবাক্।

যিরমিয় 35:17

“সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, ‘শুন, মুই যিহূদা আর যিরূশালেমত্ বজত্তি গুরিয়্যে পত্তিজনর বিরুদ্ধে যেদক্কানি দজার্ কধা কোইয়োং সিয়েনির এক এক্কান মুই তারা উগুরে ঘোদেম্। মুই তারারে কোইয়োং, মাত্তর্ তারা ন-শুনোন্; মুই তারারে ডাক্যং, মাত্তর্ তারা জোব্ ন-দুয়োন।’ ”

যিরমিয় 36:31

মুই তর্ আর তঅ ঝি-পুয়োগুনোর আর তঅ চাগরুনোর ভান্ন্যেই কামানিত্তে তমারে সাজা দিম; মুই তমা বিরুদ্ধে যেদক্কানি দজার্ কধা কোইয়োং সিয়েনি বেক্কানি তমা উগুরে আর যিরূশালেম আর যিহূদা মানুচ্চুনো উগুরে আনিম, কিত্তে তুমি কধা ন-শুনো।’ ”

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

আবিলেচ্ 2:22

পরব দিনোত্ যেবাবোত্যে তুই মানুচ্চুনোরে এগত্তর্ গরচ্ সেবাবোত্যেগুরি মর্ চেরোকিত্তে তুই নানান্ বাবোত্যে অমকদ দর্ তুবেয়োচ্। লগেপ্রভুর রাগ দিনোত্ কনজনে রেহাই ন-পান্ বা বাঁজি ন-তান্; যিগুনোরে মুই পালেয়োং আর যত্তন্ গুরিদুং মর্ শত্রুগুনে তারারে ভস্ত গুরি দুয়োন্।

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 7:5

প্রভু লগেপ্রভু কোইয়্যেদে, দযা! এক্কান দাঙর্ দযা এজের্!

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

আমোষ 5:19

সিবে অবঅ যেন কনঅ মানুচ্ সিংহ আঢত্তুন্ ধেইনে ভালুগো মুজুঙোত্ পড়িলো, যেন নিজো ঘরত্ সোমেইনে দেবাল আঢত্তুন্ সাপ কামড় হেলঅ।

মীখা 3:4

সময় এজের্ যেক্কে তুমি লগেপ্রভু ইধু কানাকুদি গুরিবা, মাত্তর্ তে তমারে জোব্ ন-দিবো। সে অক্তত্ তে তমাত্তুন্ নিজো মুয়োন্ ফিরেই রাগেব, কিত্যে তুমি ভান্ন্যেই কাম গোজ্য।

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।