যিরমিয় 1:9 - Chakma Bible

⁹ সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিরমিয় 1:9 ပူးပေါင်းရင်းမြစ်များ

যিশাইয় 49:2

তে মঅ মুয়োন ধারেয়্যে তলোয়ার ধোক্ক্যেন গোজ্যে। তে মরে তা আঢ ছাবাবোলোই লুগেই রাগেয়্যে। তে মরে এক্কো বেঈ লোইয়্যে সেল্ বানেয়্যে আর তার সেল্ রাগেবার খাজাবো ভিদিরে রাগেয়্যে।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 51:16

মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিরমিয় 15:19

সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

যিরমিয় 34:6

সেক্কে ভাববাদী যিরমিয় যিরূশালেমত্ যিহূদার রাজা সিদিকিয়রে সে বেক্ কধানি কলঅ।

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 5:14

সেনত্তে বেগত্তুন্ খেমতাবলা গোজেন লগেপ্রভু এ কধাগান কোইয়্যেদে, “মানুচ্চুনে এ কধানি কদন্ বিলিনে তঅ মুয়োদি মঅ কধানি আগুনো ধোক্ক্যেন গুরিম আর এ মানুচ্চুনোরে গুরিম তক্তা ধোক্ক্যেন; সে আগুনানে সিয়েনরে পুড়ি ফেলেব।”

যিহিষ্কেল 3:10

তে মরে আরঅ কলঅ, “ও মান্‌জ্যর্ পুয়োবো, মুই তরে যেদক্কানি কধা কোম্ সিয়েনি তুই মন দিইনে শুন্ আর মনত্ থুবেই রাগা।‌‌‌‌

দানিয়েল 10:10

সেক্কে এক্কান আঢে মরে ধুরি মরে দ্বিআঢে আর আদু উগুরে ভর্ গুরি দিলো।

দানিয়েল 10:16

সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

গণাণা 23:5

সেক্কে লগেপ্রভু বিলিয়মর্‌ মুয়োনত্‌ কদক্কানি কধা যুগেই দিইনে কলঅ,“তুই বালাক ইদু ফিরি যেইনে তারে এই কধানি কঅ।”

মথি লেখ্যে গম্ হবর্ 10:19

মানুচ্চুনে যেক্কে তমারে ধুরি দিবাক্ সেক্কে কেধোক্ক্যেন্ গুরিনে আর কি কুয়ো পুরিবো সিয়েনত্তে চিদে ন-গোজ্য। কি কুয়ো পুরিবো সিয়েন্ তমারে সে সময়োত্ কুয়োই দে অবঅ।

মার্ক 7:33

যীশু ভিড়ো ভিদিরেত্তুন্ সেই মানুচ্চোরে এক কিত্তেদি নেযেইনে তা দ্বি কানত্ নিজো আঙুলুন্ দিলো। পরেদি সেফ্ ফেলেইনে মানুচ্চোর্ জিলান্ ধুরিলো।

লূকে লেখ্যে গম্ হবর্ 12:12

কি কুয়ো পরিবো পবিত্র আত্মাগানে সেলক্কে সিয়েনি তমারে শিগেই দিবো।”

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

দ্বি’লম্বর বিররণ 18:16

হোরেব মুড়েবো ইদু যেদিন্যে তুমি বেক্কুনে লগেপ্রভুর মুজুঙোত্‌ এগত্তর ওইয়ো সেদিন্যে তুমি তমার গোজেন লগেপ্রভু ইদু সিয়েনোই চেইয়ো। তুমি কোইয়োদে, আর আমি আমার গোজেন লগেপ্রভুর কধানি শুনিবাত্তে বা এই দাঙর্‌ আগুনান দেগিবাত্তে ন চেই; সালে আমি মারা পুড়িবোং।

দ্বি’লম্বর বিররণ 18:17

লগেপ্রভু মরে কোইয়্যেদে, তারা ঠিগই কোইয়োন।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।