যিরমিয় 1:19 - Chakma Bible

¹⁹ তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 1:19 ပူးပေါင်းရင်းမြစ်များ

গীতসংহিতা 129:2

যুনিয়ো মরে চিগোনত্তুন্ ধুরি তারা মরে বোউত্ অত্যেচার গোজ্যন্, তো তারা মঅ উগুরে জিদি ন-পারন্।

যিরমিয় 1:18

এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

যিরমিয় 1:8

তুই তারারে ন-দোরেচ্, কিত্তে মুই লগেপ্রভু তরে রোক্ষ্যে গুরিবাত্তে তঅ লগে লগে আগং।”

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 11:21

সেনত্তে অনাথোত মানুচ্চুনো পৌইদ্যেনে লগেপ্রভু কোইয়্যেদে, “যিগুনে তঅ পরাণান নিবাত্তে চাদন আর কদন, ‘লগেপ্রভুর নাঙে ভাববাদী ইজেবে কধা ন-কোয়ো, কলে তুমি আমা আঢত্ মারা পুরিবে,’

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 2:1

লগেপ্রভু মরে যিরূশালেমত্ যেইনে সিদুগো মানুচ্চুনো ইধু এ কধাগান কবাত্তে কলঅ: “তর্ গাবুজ্যে অক্তত্ বিশ্বেজর্ কধানি মর্ মনত্ আঘে। নূয়ো বৌ ধোক্ক্যেন তুই কেজান্ গুরি মরে কোচ্‌পেইয়োচ্ আর যে দেজত্ চাষ গরা ন-অয় সেধোক্ক্যেন ধূল্যেচর-চাগালাত্ মঅ পিজে পিজে যেইয়োচ্।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 26:8

মাত্তর্ লগেপ্রভুর উগুম মজিম যিরমিয় বেক কধানি কনা যেক্কে থুম্ গুরিলো সেক্কে ধর্মগুরু, ভাবাবদী আর বেক মানুচ্চুনে তারে ধুরিনে কলাক্, “তত্তুন মরা পুরিবো।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যিরমিয় 39:17

মাত্তর্ মুই তরে উদ্ধোর্ গুরিম। যিগুনোরে তুই দরাচ্ তারা আঢত্ তরে দিয়্যে ন-অবঅ।

যিরমিয় 42:11

যিবেরে তুমি দরর্ সে বাবিলর রাজারে তুমি ন-দোরেয়ো, কিত্তে মুই তমা লগে লগে আগং। মুই তমারে রোক্ষ্যে গুরিম আর তা আঢত্তুন্ তমারে উদ্ধোর্ গুরিম।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

দানিয়েল 3:25

তে কলঅ, “মাত্তর্ মুই চের্‌‌‌‌‌‌‌‌‌‌‌‌‌‌জন মান্‌জ্যরে আগুনো সংমোধ্যে ঘুরি বেড়াদে দেখ্যং। তারা বান্যে অবস্থায় নেই আর তারার্ কনঅ খেতিও ন-অয়, আর চের্ লম্বর্ মানুচ্চোরে রিনি চাদে দেবেদা ধোক্ক্যেন লাগের্।”

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

প্রেরিত্‌ 26:17

তর্ নিজো মানুচ্চুনোত্তুন্ আর অযিহূদীগুনো আঢত্তুন্ মুই তরে রোক্ষ্যে গুরিম। তারা চোগ্‌কুন্ মেলি দিবাত্যে আর আন্ধারত্তুন্ পহ্‌রত্ আহ্ শদান খেমতার্ আঢত্তুন্ গোজেন ইধু ফিরেই আনিবাত্যে মুই তরে তারা ইধু দিপাধাঙর্, যেন মঅ উগুরে বিশ্বেজর্ কারনে তারা পাপর্ ক্ষেমা পান্ আর গোজেন নাঙে যিগুনোরে যুদো গুরি থুয়ো ওইয়্যে তারা ইধু জাগা পান্।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”