যিরমিয় 1:11 - Chakma Bible

¹¹ সে পরেদি লগেপ্রভু মরে কলদে, “যিরমিয়, তুই কি দেগর্?” জোবত্ মুই কলুং, “মুই বাদাম গাজর্ এক্কো ডেলা দেগঙর্।”

যিরমিয় 1:11 ပူးပေါင်းရင်းမြစ်များ

পত্থম 30:37

পরেদি যাকোবে তিন বাবোত্যে গাজর্ কাজা ডেলা উগুরেত্তুন্‌ লাম্বা দাগ ধোক্ক্যেন বাগলানি ছুলি নেযেল। সিয়েন ভিদিরে ধুব্‌ ধুব্‌ গুরি দেগা গেলঅ।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 24:3

লগেপ্রভু মরে পুযোর্ গুরিলো, “যিরমিয়, তুই কি দেগর্?” জোবত্ মুই কলুং, “ডোমোর; গমুন অমকদ গম্, মাত্তর্ বজঙুন এদক্ বজং যে, সিগুন হা ন-যায়।”

যিহিষ্কেল 12:25

সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

যিহিষ্কেল 12:28

সেনত্তে তুই তারারে কঅ, প্রভু লগেপ্রভু কোইয়্যেদে, ‘মর্ কনঅ কধা ফলিবাত্তে আর দেরি নেই; মুই যিয়েনি কোম্ সিয়েনি ফলিবো। মুই প্রভু লগেপ্রভু এ কধাগান কঙর্।’”

যিহিষ্কেল 7:10

চঅ, দিন্নো এজের্! সিগুন্ লুম্মোন্দি! সর্বনাশ্‌চান্ ফাদিনে নিগিল্যে, লুদিক্কোত্ বোল্ পোজ্যে, বাড়্‌বোগানর্ ফুল ফুট্যে।

আমোষ 7:8

তে মরে কলঅ, “আমোষ, তুই কি দেগর্?” জোবত্ মুই কলুং, “এক্কান ওলনদুড়ি।” সেক্কে প্রভু কলঅ, “মঅ মানুচ্ ইস্রায়েলর মাধ্যমে মুই এক্কান ওলনদুড়ি থোইয়োং; মুই আর্ তারারে ছাড়ি ন-দিম।

আমোষ 8:2

তে পুযোর্ গুরিলো, “আমোষ, তুই কি দেগর্?” জোবত্ মুই কলুং, “এক কাল্লোং পাগানা ফল।” সেক্কে লগেপ্রভু মরে কলঅ, “মঅ মানুচ্ ইস্রায়েলর সময় শেষ ওই যেইয়্যে; মুই আর তারারে রেহাই ন-দিম।

সখরিয় 4:2

তে মরে কলঅ, “তুই কি দেগর্?” জোবত্ মুই কলুং, “মুই এক্কো সনার্ চেরাগ টগ্ দেগঙর্ যিবের্ মাঢাবোত্ রোইয়্যেদে এক্কো তেলর্ পিলে। সেই চেরাগ টগ উগুরে সাত্‌‌তো চেরাগ্ আর পত্তি চেরাগত্ সাত্‌‌‌তো চেরাগ বুদ্ধি রাগেবার জাগা আঘে।‌

সখরিয় 5:2

তে মরে কলঅ, “তুই কি দেগর্?” জোবত্ মুই কলুং, “মুই কুড়ি আঢ্ লাম্বা আর দশ আঢ্ পাদাজ্যে এক্কো উড়েদে বোই দেগঙর্।”

গণাণা 17:8

তার্‌কেল্যে মোশি সাক্ষ্য-তাম্বুলোত্‌ চোমেইনে দেগিলো, লেবি-গুট্টির পক্ষে থোয়্যে হারোণর লুদিক্কো উগুরে বানা যে অংকুর দেগা দিয়্যে সিয়েন নয় সিয়েনত্‌ বোল্‌ পোজ্যে, ফুল ফুদিনে বাদামঅ ধোজ্যে।