বিচের গুরিয়্যেগুন 9:57 - Chakma Bible

⁵⁷ শিখিমোর মানুচ্চুনে যেদক্কানি অন্যেয় গোজ্যন্ তার পাওনা সাজা গোজেনে তারারেয়ো দিলো। ইঙিরিনে যিরুব্বালর পূঅ যোথমর ব-নিঝেচ্‌সো তারা উগুরে পড়িলো।

বিচের গুরিয়্যেগুন 9:57 ပူးပေါင်းရင်းမြစ်များ

২ শমূয়েল 3:39

রাজা ইজেবে মরে অভিষেগ্ গরা অলেয়ো এচ্চ্যে মুই বল্‌পোজ্যে আর সরূয়ার পূয়োগুনোরে মুই দোঙেই ন-পারঙ্। লগেপ্রভু যেনে অন্যেয় গুরিয়্যেগুনোরে অন্যেয়র্‌ কাম মজিম সাজা দে।”

১ রাজাবলী 16:34

আহাবর সময়োত্‌ বৈথেলীয় হীয়েল যিরীহো শঅরান্‌ আরঅ বানেল। নূনোর পূঅ যিহোশূয়র মাধ্যমে লগেপ্রভুর কধা মজিম্ সে শঅরানর্‌ গড়াগান্‌ গারেবাত্তে হীয়েলর দাঙর্‌ পূঅবো অবীরামত্তুন্‌ পরাণান্ দিয়্যে পড়িলো আর তার্‌ গেদোর্‌ দুয়োরান্‌ লাগেবাত্তে তা চিগোন্‌ পূঅবো সগূবত্তুন্‌ পরাণান্‌ দিয়্যে প-লঅ।

১ রাজাবলী 2:32

যে লো-গানি তে ঝোরেয়্যে সে হেনাবো লগেপ্রভু নেযেব, কিত্যে মঅ বাপ্পো দায়ূদে হবর্‌ ন-পেইয়্যেগুরি দ্বিজন মান্‌জ্যরে আক্রমণ গুরিনে মারে ফেলেয়্যে। তারা অলাক্‌ ইস্রায়েলর সৈন্যদলর সেনাপতি নেরর পূঅ অব্‌নের আর যিহূদার সৈন্যদলর সেনাপতি যেথরর পূঅ অমাসা। এ দ্বিজনই এলাক্‌ তাত্তুন্‌ বেশ্‌ আরঅ খাটি আরঅ গম্‌ মানুচ্‌।

গীতসংহিতা 7:17

লগেপ্রভু ন্যায়বিচের্ গরে, সেনত্তে মুই তারে ভালেদি জানেম; মুই দাঙর্ লগেপ্রভুর্ নাঙ্ গিনেদে-গান গেইম।

গীতসংহিতা 94:23

তারার অন্যেয়ানি তে তারার মাঢা উগুরে আনিবো, তারার পাজি কামানিত্যে তে তারারে শেজ্ গুরি দিবো; আমা গোজেন লগেপ্রভু সিয়েন গুরিবো।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিহোশূয় 6:26

ইয়েনর্ পরেন্দি যিহোশূয় শমক্‌ খেইনে কলদে, “এ যিরীহো শঅ‌রান যে মানুচ্চ্য আরঅ‌ তুলিবো তা উগুরে লগেপ্রভুর এ অভিশাপ্পান পুরিবো: পত্তম পূঅবোর জীংকানিগান দিইনে তে তার খুদোবো গাড়েব, আর চিগোন্‌ পূঅবোর্‌ জীংকানিগান দিইনে তা গেট্টুন্‌ তুলিবাক্‌।”

বিচের গুরিয়্যেগুন 1:7

সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।

বিচের গুরিয়্যেগুন 10:1

অবীমেলকর্ পরেন্দি তোলয় নাঙে ইষাখর-গুট্টির এক্কো মান্‌‌‌‌জ্যে ইস্রায়েলীয়গুনোরে রোক্ষ্যে গুরিবাত্তে এলঅ। তোলয়ে অলদে পূয়ার পূঅ আর দোদয়র নাদিন্‌। ইফ্রয়িমর মুড়ো-মুড়ি চাগালাত্‌ শামীরোত তে বজত্তি গুরিদো।

বিচের গুরিয়্যেগুন 9:20

মাত্তর্‌ সিয়েন যুনি তুমি ন-গুরিনে থাগঅ সালে অবীমেলক ভিদিরেত্তুন যেনে আগুন নিগিলি এইনে তমার, অত্তাৎ শিখিমোর আর বৈৎ-মিল্লোর মানুচ্চুনোরে পুড়ি ফেলায়; আর তমার্‌, অত্তাৎ শিখিমোর আর বৈৎ-মিল্লোর মানুচ্চুনো ভিদিরেত্তুনঅ যেনে আগুন নিগিলি এইনে অবীমেলকরে পুড়ি ফেলায়।”

বিচের গুরিয়্যেগুন 9:24

গোজেনে নিজেই ইয়েন গুরিলো যেনে যিরুব্বালর সত্তুরজন পূঅর্ উগুরে লো ফেলানার যে অন্যেয়ানি গরা ওইয়্যে সিয়েনত্তেই তারার ভেই অবীমেলক উগুরে আর তারারে মারে ফেলানার কামত্‌ তার আর তারে বল্‌ দিয়্যেগুনোরে শিখিমোর মানুচ্চুনো উগুরে হেনা সুজো অয়।

বিচের গুরিয়্যেগুন 9:45

পুরো দিন্নো আক্রমণ চালেইনে অবীমেলকে শঅ্‌রান গজক্‌ গুরি নেযেনেই সে জাগার মানুচ্চুনোরে মারে ফেলেল। সে পরেন্দি শঅ্‌রান ভস্ত গুরিনে সিয়েন উগুরে তে নুন ছিদি দিলো।

বিচের গুরিয়্যেগুন 9:56

সত্তুরজন ভেইয়োরে মারে ফেলেনেই অবীমেলকে তা বাবঅ উগুরে যে অন্যেয়ানি গোজ্যে গোজেনে ইঙিরিনেই তার পাওনা সাজা দিলো।