বিচের গুরিয়্যেগুন 9:54 - Chakma Bible

⁵⁴ অবীমেলকে যাদিমাদি তার আত্যার্‌-বোইয়্যে গাবুজ্যেবোরে কলঅ, “তঅ তলোয়ারান নিগিলেনেই মরে মারে ফেলা যেনে তারা কোই ন-পারন্‌, ‘এক্কো মিলে আঢত্‌ তে মারা পোজ্যে।’” সেনত্তেই সে গাবুজ্যেবো তারে তলোয়ারান্দোই এফুড়-উফুড় গুরি দিলো আর সেক্কে তে মুরি গেলঅ।

বিচের গুরিয়্যেগুন 9:54 ပူးပေါင်းရင်းမြစ်များ

২ শমূয়েল 1:10

সেনত্যেই মুই তাইদু যেইনে তারে মারে ফেলেলুং। মুই বুঝি পাজ্যং, তার যে অবস্থা সিয়েন্দোই তে আর ন-বাঁজিবো। মু্‌ই তা চিরেবোর্ মুকুটতুয়ো আরে তা আঢর্‌ হারুনি হুলিনে ইদু মঅ গিরোজ্‌ তইদু অানিলুং।”

২ শমূয়েল 1:7

তে পিজেন্দি ফিরি মরে দেগিনে ডাগিলো। মুই কলুং, ‘এইয়্যে দঅ মুই।’

২ শমূয়েল 1:9

তে মরে কলঅ, ‘দোয়্যে গুরি মইদু এইনে মরে মারে ফেলা, কিত্যে মর্‌ অমকদ জ্বালা-যন্ত্রণা গরের্‌ মাত্তর্‌ মুই এজঅ বাঁজি আগং।’

২ শমূয়েল 23:37

অম্মোনীয় সেলক, সরূয়ার পূঅ যোয়াবর অাত্যের্ বোইয়্যে বেরোতীয় নহরয়,

১ বংশধর 10:4

শৌল সেক্কে তা আত্যের্ বোইয়্যে মানুচ্চোরে কলঅ, “তঅ ধামাগান্‌ নিগিলেনে মঅ কিয়্যেগান্‌ এফুড়্‌-উফুড়্‌ গুরি দে। সেধোক্ক্যেন ন-গুরিলে সে সুন্নত ন-গোজ্যে মানুচ্চুনে এইনে মরে অগমান্‌ গুরিবাক্‌।” মাত্তর্‌ তা আত্যের্‌ বোইয়্যে মানুচ্চো সিয়েন্‌ গুরিবাত্তে রাজী ন-অলঅ, কিত্তে তে অমকদ দোরেইয়্যে। সেক্কে শৌল তা নিজো তলোয়ারান্দোই নিজে সিয়েন উগুরে পড়িলো।

১ বংশধর 10:5

শৌল মুরি যেইয়্যে দেগিনে তা আত্যের্‌ বোইয়্যেবোয়ো নিজো তলোয়ারান উগুরে পড়িনে মুরি গেলঅ।

১ বংশধর 11:39

অম্মোনীয় সেলক, সরূয়ার পুয়ো যোয়াব আত্যের্‌ বোইয়্যে বেরোতীয় নহরয়,

বিচের গুরিয়্যেগুন 4:9

দবোরা কলদে, ঠিগ্‌ আঘে, মুই তমা লগে যেম্‌, মাত্তর্‌‌ এ যুদ্ধোত্‌ জিদিবার বাঈনীগান্ তুই ন-পেবে, কিত্যে লগেপ্রভু এক্কো মিলে আঢত্‌ সীষরারে তুলি দিবো। এ কধাগান কোইনে দবোরা বারকর লগে কেদশত্‌ গেলঅ‌।

বিচের গুরিয়্যেগুন 9:55

অবীমেলকে মুরি যেইয়্যে দেগিনে ইস্রায়েলীয়গুনে ঘরত্‌ ফিরি গেলাক্‌।

১ শমূয়েল 14:12

তারার তাম্বুলোর্ সৈন্যগুনে যোনাথন আর তার বন্দুক বোইয়্যে মানুচ্চোরে কলাক্, “আমা ইদু উদি আয়, তমারে দেগেই দুয়োঙর্‌।” সেক্কে যোনাথনে তার বন্দুক বোইয়্যে মানুচ্চোরে কলদে, “মর্‌ পিজে পিজে উদি আয়। লগেপ্রভু ইস্রায়েলীয়গুনোর আঢত্‌ তারারে দি রাগেয়্যে।”

১ শমূয়েল 14:13

যোনাথনে চেরান আত্‌-টেংগোই উগুরে উদি গেলঅ আর তার বন্দুক বোইয়্যে মানুচ্চোয়ো তার পিজে পিজে উদি গেলঅ। পলেষ্টীয়গুনে যোনাথনর আঢত্‌ মারা পড়িলাক আর তার বন্দুক বোইয়্যে মানুচ্চোয়ো তার পিজে পিজে পলেষ্টীয়গুনোরে মারা ধুরিলো।

১ শমূয়েল 14:14

যোনাথন আর তার বন্দুক বোইয়্যে মানুচ্চোর আক্রমণর আরাম্ভত্‌ কমপক্ষে আধা একর জাগা ভিদিরে প্রায় কুড়িজন মানুচ্‌ মারা পড়িলাক্।

১ শমূয়েল 14:17

শৌল সেক্কে তা লগে মানুচ্চুনোরে কলদে, “সৈন্যগুনোরে এগত্তর্‌ গুরিনে সাজেই চঅ, কন্না আমা ভিদিরেত্তুন যেয়েগোই।” সেক্কে তারা দেগিলাক্ যোনাথন আর তার বন্দুক বোইয়্যে মানুচ্চো সিয়েনত্‌ নেই।

১ শমূয়েল 14:7

বন্দুক বোইয়্যে মানুচ্চো সেক্কে কলঅ, “তর্‌ মনানে যিয়েন কয় সিয়েনই গর্‌। আদিচ্‌, তর্‌ মনে মন্‌‌জক্কাগুরি মুই চলিম।”

১ শমূয়েল 16:21

দায়ূদে শৌলর ইদু এইনে তা কামত্‌ অদে অদে থেলঅ। শৌল তারে অমহদ কোচ্‌পা ধুরিলো আর তে শৌলর এক্কো বন্দুক বোইয়্যে অলঅ।

১ শমূয়েল 31:6

এবাবোত্যেগুরি সেদিন্যে শৌল, তার তিন্নো পূঅ, তার অাত্যের্ বোইয়্যেবো আর তা সমারে মানুচ্চুনে একলগে মুরি গেলাক্।