বিচের গুরিয়্যেগুন 9:4 - Chakma Bible

⁴ তারা বাল্‌বরীতর মন্দিরত্তুন্‌ তারে সত্তুর কট্টা রূবো দিলো। অবীমেলকে সিগুন্দোই কুদুক্কুন বাজে ন-দোরেইয়্যে মানুচ্‌ ভাড়া গুরিলো। ইগুনে তার সমাজ্যে অলাক্‌।

বিচের গুরিয়্যেগুন 9:4 ပူးပေါင်းရင်းမြစ်များ

২ শমূয়েল 6:20

ইয়েনর্ পরেন্দি দায়ূদে তা নিজো ঘরর্‌ মানুচ্চুনোরে বর্ দিবাত্তে যেক্কে ফিরি এলঅ সেক্কে শৌল ঝি মিখলে তারে আগ্‌বারেই নেযেবাত্তে নিগিলি এলঅ আর কলদে, “ইস্রায়েল দেজ রাজাবো এচ্চ্যে নিজোরে কেধোক্ক্যেন সর্মানিত গুরিলো! তে বজং মান্‌জ্য ধোক্ক্যেন্‌ সাধারন মানুচ্চুনোর চাগরানীগুনোর্‌ মুজুঙোত্‌ কাবড়-চুগোড়ানি খুলি ফেলেল।”

২ বংশধর 13:7

কয়েক্কো অপদাত্ত আর পাজি মানুচ্‌ যারবিয়ামর চেরোকিত্তে এগত্তর্‌ ওইনে শলোমন পুয়ো রহবিয়াম বিরুদ্ধে থিয়্যেলাক্‌। সে অক্তত্‌ রহবিয়ামে এলদে গাবুজ্যে আর তার্‌ অভিজ্ঞতা এলদে কম; তারারে মানা গরেদে ধোক্ক্যেন যোগাজ্যে বল্‌ তার্‌ ন-এলঅ।

ইয়োব 30:8

তারা এলাক্কে অপদাত্ত আর দুন্নাম হেইয়্যে; দেজত্তুন্ তারারে ধাবেই দিয়্যে ওইয়্যে।

গম্ উপদেজ্ 12:11

যে মানুচ্চো নিজো ভূইয়োত্ কাম গরে তার বোউত্ হানা থায়, মাত্তর্ যে বাজে কামত্ লাগি থায় তার বুদ্ধির অভাব আঘে।

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

বিচের গুরিয়্যেগুন 11:3

সেনত্তেই যিপ্তহ তার ভেইয়ুনোত্তুন ধেই যেইনে টোব দেজত্‌ বজত্তি গরা ধুরিলো। সিদু কুদুক্কুন বজং মানুচ্‌ তার্‌ চেরোকিত্তে এইনে এগত্তর্‌ অলাক্‌ আর তা সমারে ঘুরোঘুরি গরা ধুরিলাক্‌।

বিচের গুরিয়্যেগুন 8:33

গিদিয়োনর মরাণার পরেন্দি ইস্রায়েলীয়গুনে আরঅ লগেপ্রভু উগুরে পুরি ফেলেইনে বাল দেবেদাগুনো ইদু নিজোরে বিজি দিলাক্‌। তারা বাল্‌বরীৎরে নিজোর দেবেদা বিলিনে বেই নিলাক্‌।

বিচের গুরিয়্যেগুন 9:27

তারা নিজোর্‌ ক্ষেদত্‌ যেইনে আংগুর তুলিনে মাড়িলাক্‌ আর মেইত্‌বান গুরিলাক্‌। তারা তারার্‌ দেবেদার কিয়ঙত্‌ যেইনে খানা-দানা গুরি অবীমেলকরে অভিশাব্ দিলাক্‌।

১ শমূয়েল 22:2

যিগুনে দযাত্‌ আর কজ্জর্‌ ভারে দুখ্‌ পাদন্‌ আর যিগুনোর মনত্‌ বেজার্‌ বেজার্‌ মনভাব্‌ এলঅ তারা বেক্কুনে দায়ূদো ইদু যেইনে এগত্তর্‌ অলাক্। দায়ূদে তারার সেনাপতি অলঅ। এবাবোত্যেগুরি প্রায় চেরশত্‌ জন মরদ তার্‌ সমাজ্যে অলােক্।