বিচের গুরিয়্যেগুন 9:19 - Chakma Bible

¹⁹ মাত্তর্‌ এচ্চ্যে যুনি যিরুব্বালে আর তার গিরির্ উগুরে তুমি বিশ্বেজ্ আর দোল্‌ কারবার্‌ গুরি থাগঅ সালে অবীমেলকে যেনে তমার্‌ হুজি অবার্‌ কারণ অয় আর তুমিয়ো যেনে তার হুজির্‌ কারণ অ!

বিচের গুরিয়্যেগুন 9:19 ပူးပေါင်းရင်းမြစ်များ

যিশাইয় 8:6

এ মানুচ্চুনে শিলোহর্ ইন্দি লারে গুরি বেঈ যেইয়্যে পানিগান বাদ্ দিইনে রৎসীন আর রমলিয় পুয়োবোরে নিইনে ফুত্তি গোজ্যন্।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

যাকোব 4:16

সিয়েনর্ বদলে দেগা যাত্তে, তুমি ভারী দেমাগী আর বার্‌বোলোই ভরা। এবাবোত্যে বেক্‌ দেমাগ্‌কানি ভান্ন্যেই।

বিচের গুরিয়্যেগুন 6:32

সেদিন্যে তে গিদিয়োনোর নাঙান্‌ দিলো যিরুব্বাল (যিয়েনর্ ভেদ্‌তান্ “বাল দেবেদা নাগ্‌ গোলোক্‌”)। গিদিয়োনে বাল দেবেদার ডালি পূজোবো ভাঙি ফেলেয়্যে বিলিনে যোয়াশে কলঅ, “গিদিয়োনর বিরুদ্ধে বাল দেবেদাবোই তার নিজোর পক্ষেন্দি নাগ্‌ গোলোক্‌।”

বিচের গুরিয়্যেগুন 9:18

মাত্তর্‌ এচ্চ্যে তুমি তার গিরির্ বিরুদ্ধে উল্লোমি গরর্‌। এক্কো পাত্তর উগুরে তার্‌ সত্তুরজন পূঅর পত্তিজনরে খুন গোজ্য আর তার চাগরানীবোর পূঅ অবীমেলকরে শিখিমোর মানুচ্চুনো উগুরে রাজা বানেয়ো, কিত্যে তে তমার্‌ কুদুম্মো।

বিচের গুরিয়্যেগুন 9:20

মাত্তর্‌ সিয়েন যুনি তুমি ন-গুরিনে থাগঅ সালে অবীমেলক ভিদিরেত্তুন যেনে আগুন নিগিলি এইনে তমার, অত্তাৎ শিখিমোর আর বৈৎ-মিল্লোর মানুচ্চুনোরে পুড়ি ফেলায়; আর তমার্‌, অত্তাৎ শিখিমোর আর বৈৎ-মিল্লোর মানুচ্চুনো ভিদিরেত্তুনঅ যেনে আগুন নিগিলি এইনে অবীমেলকরে পুড়ি ফেলায়।”