বিচের গুরিয়্যেগুন 9:17 - Chakma Bible

¹⁷ মঅ বাপ্পো দঅ তার্‌ জীংকানিরে বাঁজি রাগেইনে তমাত্তে যুদ্ধো গুরিনে মিদিয়নীয়গুনোর আঢত্তুন্‌ তমারে রোক্ষ্যে গোজ্যে।

বিচের গুরিয়্যেগুন 9:17 ပူးပေါင်းရင်းမြစ်များ

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

রোমীয় 16:4

মঅ পরাণান্ রোক্ষ্যে গুরিবাত্তে যেইনে তারা নিজোরে মরণ মুয়োত ফেল্ল্যন্। বানা মুই নয়, মাত্তর্ বেক্‌ অযিহূদী মন্ডলীগুন্অ তারা ইধু কৃতজ্ঞ।

রোমীয় 5:8

মাত্তর্ গোজেনে যে আমারে কোচ্‌পায় সিয়েনর্ প্রমাণ্ ইয়েন্, আমি পাপী থাগদে খ্রীষ্ট আমাত্যে পরাণান্ দিয়্যে।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

বিচের গুরিয়্যেগুন 12:3

মুই যেক্কে দেগিলুং তুমি মরে বল্‌ ন-দিবা সেক্কে মুই মর্ পরাণান আঢত্‌ লোইনে অম্মোনীয়গুনোর লগে যুদ্ধো গুরিবাত্তে গেলুং আর লগেপ্রভুয়ো মরে তারা উগুরে ঝিদেই দিলো। ইক্কিনে কিত্তেই তুমি মঅ লগে যুদ্ধো গুরিবাত্তে এচ্ছো?”

বিচের গুরিয়্যেগুন 9:16

“মাত্তর্‌ শুনো, অবীমেলকরে রাজা বানেইনে তুমি কি বিশ্বেজ্ গরেদে ধোক্কেন্‌ বা গম্‌ কাম্‌ গোজ্য? তুমি কি যিরুব্বাল আর তার গিরির্ উগুরে গম্‌ আর দোল্‌ কারবার গোজ্য?

বিচের গুরিয়্যেগুন 9:18

মাত্তর্‌ এচ্চ্যে তুমি তার গিরির্ বিরুদ্ধে উল্লোমি গরর্‌। এক্কো পাত্তর উগুরে তার্‌ সত্তুরজন পূঅর পত্তিজনরে খুন গোজ্য আর তার চাগরানীবোর পূঅ অবীমেলকরে শিখিমোর মানুচ্চুনো উগুরে রাজা বানেয়ো, কিত্যে তে তমার্‌ কুদুম্মো।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”