বিচের গুরিয়্যেগুন 9:15 - Chakma Bible

¹⁵ সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।

বিচের গুরিয়্যেগুন 9:15 ပူးပေါင်းရင်းမြစ်များ

২ রাজাবলী 14:9

মাত্তর্‌ ইস্রায়েলর রাজা জোবত্‌ যিহূদার রাজারে কোই পাদেল, “লেবাননর এক্কো লাজুরিকাদা লেবাননরঅ এরস গাজ ইদু কোই পাদেল, ‘মঅ পুয়োবো লগে তঅ ঝিবোরে বৌ দে।’ সে পরেন্দি লেবাননর এক্কো ঝার্‌বো য়েমান্‌ এইনে সে লাজুরিকাদাবোরে টেঙোই উরি দিলো।

গীতসংহিতা 104:16

লগেপ্রভুর বানেয়্যে বেক গাজ-বাশছুন্ বোউত্ ঝড় পান; তার লাগেয়্যে লেবাননর্ এরস গাছ্‌চুনেয়ো ঝড় পান্।

গীতসংহিতা 29:5

সেই রবো এরস গাজ্‌সোরেয়ো ভাঙি ফেলায়; লগেপ্রভু লেবাননর্ এরস গাজ্‌সোরে কট্টা কট্ট গোজ্যে।

যিশাইয় 1:31

বোলিমন্দ মানুচ্ শুগুনো দার্‌বো গাজ ধোক্ক্যেন্ অবঅ; আর তা কামান অবদে আগুনো জিলো ধোক্ক্যেন্। সিয়েনি এক সমারে পুড়ি যেবঅ; কনজনে সে আগুনানি মারেই ন-পারিবাক্।”

যিশাইয় 2:13

লেবাননর্ বেক লাম্বা আর অজল্ এরস গাজ্‌ছুন আহ্ বাশনর্ বেক এলোন গাজ্‌ছুন তলে লামা অবঅ;

যিশাইয় 30:2

তারা মঅ লগে সল্লা ন-গুরিনে মিসরত্ যান; তারা সাহায্যত্তে ফরৌণর আশ্রয় চান্ আর মিসরর্ ছাবাগানত্ আশ্রয় লোই পারন্।

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

যিহিষ্কেল 19:14

তার গুড়িগানিত্তুন্ আগুন ছিদি পড়িলো; তার ডেলা আর গুলোগুলিগুন পুড়ি গেলাক্। শাজন্‌গুরিয়্যেবোর রাজলুদিক্ অবার যগাজ্যে কনঅ দরমর ডেলা সিয়েনত্ ন-থেলঅ। “ইবে এক্কো আবিলেচ্ গরানা; দুঘোর্ গান ইজেবে ইবে বেবহার গরা অবঅ।”

যিহিষ্কেল 31:3

আসিরিয়ার কধা চিন্তে গুরি চাহ্, তে একদিন লেবাননর্ এরস গাজ্ এলঅ। তার দোল্ দোল্ ডেলাগুন ঝারত্ ঘন ছাবা ফেলেদ; সিবে অমকদ অজল্ এলঅ, তার মাঢাবো যেন আগাজ ইধু লুম্মেগোই।

দানিয়েল 4:12

তা পাদানি দোল্ এলঅ আর গুলোগুলি এলাক্ বোউত্ আর সিগুনোত্তুন্ বেক্কুনে হানা পেদাক্। সিবে তলেদি মাদ য়েমানুনে আশ্রয় নেযেদাক্ আর আগাজর্ পেগ্‌কুনে তা ডেলাগুনোত্ বজত্তি গুরিদাক্; বেক্ প্রাণিগুনে সিবেত্তুন হানা পেদাক্।‌‌

হোশেয় 14:7

যিগুনে তার্ ছাবাত্ বজত্তি গুরিবাক তারা বোউত্ খেত্-খেত্তি ফোলেবাক্। তারা আংগুর-লুদি ধোক্ক্যেন ফুলে-ফলে ভুরি যেবাক্ আর লেবানন আংগুর-রস ধোক্ক্যেন তারার্ সুনাঙ্ অবঅ।

গণাণা 21:28

সীহোনর শঅর্‌ হিষ্‌বোনত্তুন্‌ আগুন্‌ নিগিলি এইনে মোয়াব দেজ্‌চান আর্‌ শঅরান্‌ পুড়ি দিলো আর অর্ণোন গাঙর্‌ ইদু উজু জাগানর আদাম্মেগুনোরে পুড়ি দিলো।

মথি লেখ্যে গম্ হবর্ 13:32

বেক্ বীজিগুনো ভিদিরেত্তুন্ ঘেচ্চেকগুরি সিবে বেগত্তুন্ চিগোন্, মাত্তর্ গাজ্ দাঙর্ ওই উদিলে পরেদি সিগুন বেক্ শাক্-পাদ ভিদিরেত্তুন্ বেগত্তুন্ দাঙর্ অয়। সিবে এমন্ এক্কো দাঙর্ গাজ্ ওই উদে, পেগ্‌কুনে এইনে তা ডেলাগুনোত্ বাহ্ বানন্।”

বিচের গুরিয়্যেগুন 9:14

যেরেন্দি বেক গাছ্‌‌‌‌চুনে কাদা ঝুপ্পোরে কলাক্‌, তুই আমার রাজা অ।

বিচের গুরিয়্যেগুন 9:16

“মাত্তর্‌ শুনো, অবীমেলকরে রাজা বানেইনে তুমি কি বিশ্বেজ্ গরেদে ধোক্কেন্‌ বা গম্‌ কাম্‌ গোজ্য? তুমি কি যিরুব্বাল আর তার গিরির্ উগুরে গম্‌ আর দোল্‌ কারবার গোজ্য?

বিচের গুরিয়্যেগুন 9:20

মাত্তর্‌ সিয়েন যুনি তুমি ন-গুরিনে থাগঅ সালে অবীমেলক ভিদিরেত্তুন যেনে আগুন নিগিলি এইনে তমার, অত্তাৎ শিখিমোর আর বৈৎ-মিল্লোর মানুচ্চুনোরে পুড়ি ফেলায়; আর তমার্‌, অত্তাৎ শিখিমোর আর বৈৎ-মিল্লোর মানুচ্চুনো ভিদিরেত্তুনঅ যেনে আগুন নিগিলি এইনে অবীমেলকরে পুড়ি ফেলায়।”

বিচের গুরিয়্যেগুন 9:44

অবীমেলক আর তা দলর মানুচ্চুনে মুজুঙেন্দি উজেই যেইনে শঅ্‌রত্‌ সুমিবার পদথ্ থিয়েলাক্‌। মাদত্‌ যিগুনে এলাক্‌ অন্য দ্বিদল্‌ সৈন্য তারা উগুরে ঝাবেই পড়িনে তারারে মারে ফেলেলাক্‌।

বিচের গুরিয়্যেগুন 9:49

সেনত্তেই বেক্কুনে গাজত্তুন্‌ ঢেলা কাবিনে অবীমেলকর পিজে পিজে গেলাক্‌। সে পরেন্দি তারা সে ভিদিরে ঘরান উগুরে সিগুন এগত্তর্ গুরিনে সিয়েনত আগুন বাজেই দিলাক্‌। সেক্কে শিখিমোর তাম্বুলানর্ বেক মানুচ্চুন পুড়ি যেইনে মুরিলাক্‌। সিয়েনত্‌ পেরায় এক আজার মিলে-মরদ এলাক্‌।