বিচের গুরিয়্যেগুন 8:6 - Chakma Bible

⁶ মাত্তর্‌ সুক্কোতর নেতাগুনে কলাক্‌, “কিত্তেই আমি তঅ সৈন্যগুনোরে রুটি হেবাত্তে দিবোং। সেবহ আর সল্‌মুন্নোর কাবি ফেলেয়্যে আঢ্‌‌থান কি তর্‌ আদঅ মুদোত্‌ এচ্ছ্যে।”

বিচের গুরিয়্যেগুন 8:6 ပူးပေါင်းရင်းမြစ်များ

পত্থম 25:13

ইয়েন অলঅ ইশ্মায়েলর বংশর কধা: জর্ম অনুসারে তার পুয়োগুনোর্ নাঙানি অলঅ, পোইল্যে নবায়োৎ, সে পরেদি কেদর, অদ্‌বেল, মিব্‌সম,

পত্থম 37:25

ইয়েন পরেদি যোষেফ ভেইয়ুনে হানা-বিনে হেবাত্তে বুয়োইনে দেগিলাক্ গিলয়দত্তুন্‌ একদল ইশ্মায়েলীয় বেবসা গুরিয়্যে এত্তন্। উদো পিদিত্‌ গুরি তারা তুম্‌বাচ্‌ মজলা, গুগ্‌গুলু আর গন্ধরসছোই মিসর দেজত্‌ যাদন্।

পত্থম 37:28

সে মিদিয়নীয় বেবসায়ীগুনো মুজুঙোত এত্তে ন এত্তে ভেইয়ুনে যোষেফরে গাদত্তুন্‌ টানি তুলিলাক আর কুড়ি কত্তা রূবোলোই ইশ্মায়েলীগুনো ইধু তারে বিজি দিলাক্। সে বেবসায়ীগুনে যোষেফরে মিসরত্‌ নেযেলাক্।

১ রাজাবলী 20:11

জোবত্‌ ইস্রায়েলর্‌ রাজা কলঅ, “তারে কবে, ‘যে মানুচ্চো অসিলোই এজঅ যুদ্ধোত্‌ ন-লামে তে যেনে যুদ্ধোত্‌ জিদিনে ফিরি এচ্ছ্যে মান্‌জ্য ধোক্ক্যেন্ বাড়্ ন-গরে।’”

২ রাজাবলী 14:9

মাত্তর্‌ ইস্রায়েলর রাজা জোবত্‌ যিহূদার রাজারে কোই পাদেল, “লেবাননর এক্কো লাজুরিকাদা লেবাননরঅ এরস গাজ ইদু কোই পাদেল, ‘মঅ পুয়োবো লগে তঅ ঝিবোরে বৌ দে।’ সে পরেন্দি লেবাননর এক্কো ঝার্‌বো য়েমান্‌ এইনে সে লাজুরিকাদাবোরে টেঙোই উরি দিলো।

গম্ উপদেজ্ 18:23

নাঢা মান্‌জ্যে দোয়্যে পেবাত্তে কোজোলি গরন্, মাত্তর্ তাগোয়্যেবো অগমানে দরমর গুরি জোব্ দে।

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।

বিচের গুরিয়্যেগুন 5:23

লগেপ্রভুর দূত্তো কলঅ, মেরোসরে অভিশাব দে, জদবদেগুরিনে অভিশাব দে সে জাগার মানুচ্চুনোরে; তারা কনজনে যুদ্ধোত্‌ লগেপ্রভু লগে ন-মিজেন্‌, ন-মিজেন্দোই বোলীবন্দগুনোর বিরুদ্ধে।

বিচের গুরিয়্যেগুন 8:15

পরেন্দি গিদিয়োনে সুক্কোতদ্‌ যেইনে সে জাগার মানুচ্চুনোরে কলঅ, এইয়্যে চঅ সেবহ আর সল্‌মুন্নরে। ইগুনোত্তেই তুমি মরে ঠাট্টা গুরিনে কোইয়্যদে, কিত্তেই আমি তমার্‌ বল্‌পোজ্যে সৈন্যগুনোরে রুটি হেবাত্তে দিবোং। সেবহ আর সল্‌মুন্নোর কাবি ফেলেয়্যে আঢ্‌‌থানি কি তমা আদর্‌ মুদোত্‌ এচ্চ্যে।

বিচের গুরিয়্যেগুন 8:5

সেনত্তে গিদিয়োনে সুক্কোতর মানুচ্চুনোরে কলদে, “মর্ সৈন্যগুনোরে কিজু রুটি হেবাত্তে দুয়ো; তারা বল্‌‌পোজ্যে ওইয়োন। মুই এজঅ সং মিদিয়নীয়গুনোর রাজা সেবহ আর সল্‌মুন্নোর পিজেদি লোড়াঙর্।”