বিচের গুরিয়্যেগুন 8:5 - Chakma Bible

⁵ সেনত্তে গিদিয়োনে সুক্কোতর মানুচ্চুনোরে কলদে, “মর্ সৈন্যগুনোরে কিজু রুটি হেবাত্তে দুয়ো; তারা বল্‌‌পোজ্যে ওইয়োন। মুই এজঅ সং মিদিয়নীয়গুনোর রাজা সেবহ আর সল্‌মুন্নোর পিজেদি লোড়াঙর্।”

বিচের গুরিয়্যেগুন 8:5 ပူးပေါင်းရင်းမြစ်များ

পত্থম 14:18

শালেমর রাজা মল্কীষেদকে অব্রামত্তে পিদে আর আংগুর-রস আনিলো। তে এলদে দাঙর্ গোজেনর ধর্মগুরু।

পত্থম 33:17

পরেদি যাকোবে যাহ্ ধুরিনে সুক্কোদত্‌ যেইনে লুমিলেগোই। তে নিজোত্তে সিয়েনত্‌ এক্কান্‌ ঘর্‌ বানেল আর তা য়েমানুনোত্তে কয়েক্কান্‌ আশ্রয়-ঘর্‌ বানেই দিলো। ইয়েনত্তে সে জাগাগান নাঙান ওয়্যেদে সুক্কোৎ (যিয়েনর্‌ ভেদ্‌‌তান “নাঢা মানজ্য-ঘর”)।

গীতসংহিতা 60:6

গোজেনে তার পবিত্র নাঙে কোইয়্যেদে, “মুই হুজিয়ে শিখিমান ভাগ গুরি দিম, সুক্কোতর সংজাগায়ান জরীপ গুরিনে ভাগ গুরি দিম।

দ্বি’লম্বর বিররণ 23:4

মিসর দেজত্তুন্‌ নিগিলি এজানার্‌ পরেন্দি তমার যেবার্‌ পদথ্‌ তারা হানা আর পানি লোইনে তমা ইদু উজেই ন-এজন, মাত্তর্‌ তমারে অভিশাব দিবাত্তে তারা অরাম-নহরয়িম দেজর্‌ পথোর শঅরত্তুন্‌ বিয়োরর পূঅ বিলিয়মরে টেঙা দিইনে লোই এচ্চ্যন।

বিচের গুরিয়্যেগুন 5:23

লগেপ্রভুর দূত্তো কলঅ, মেরোসরে অভিশাব দে, জদবদেগুরিনে অভিশাব দে সে জাগার মানুচ্চুনোরে; তারা কনজনে যুদ্ধোত্‌ লগেপ্রভু লগে ন-মিজেন্‌, ন-মিজেন্দোই বোলীবন্দগুনোর বিরুদ্ধে।

বিচের গুরিয়্যেগুন 8:10

সেবহ আর সল্‌মুন্ন প্রায় পন্দর আজার সৈন্যর এক্কো দল লোইনে কর্কোরত্‌ এলঅ। পূগঅ দেজর সৈন্যগুনো ভিদিরে বানা ইগুনেই সেক্কে বাগি এলাক্‌ আর এক লাখ্ কুড়ি আজার সৈন্য মুরি গেলাক্‌।

বিচের গুরিয়্যেগুন 8:12

সেবহ আর সল্‌মুন্ন নাঙে মিদিয়নীয়গুনোর সেই দ্বিবে রাজা ধেই গেলাক্‌। মাত্তর্‌ গিদিয়োনে লোড়েইনে তারারে ধুরি ফেলেল, সেক্কে তারার পুরো সৈন্যদলুনে গিদিয়োনরে অমহদ দোরেলাক্‌।

বিচের গুরিয়্যেগুন 8:15

পরেন্দি গিদিয়োনে সুক্কোতদ্‌ যেইনে সে জাগার মানুচ্চুনোরে কলঅ, এইয়্যে চঅ সেবহ আর সল্‌মুন্নরে। ইগুনোত্তেই তুমি মরে ঠাট্টা গুরিনে কোইয়্যদে, কিত্তেই আমি তমার্‌ বল্‌পোজ্যে সৈন্যগুনোরে রুটি হেবাত্তে দিবোং। সেবহ আর সল্‌মুন্নোর কাবি ফেলেয়্যে আঢ্‌‌থানি কি তমা আদর্‌ মুদোত্‌ এচ্চ্যে।

১ শমূয়েল 25:18

এ কধাগান শুনিনে অবীগলে আর দেরী ন-গুরিলো। তে দ্বিশত্‌ পিদে, চামর্‌ দ্বিথৈল্যে আংগুরো-রস, পাচছুয়ো ভেড়াছাগলর্ য়েরা, পাচ্ বস্তা ভাজি গোজ্যে শোজ্য, একশঅ তাল কিশমিশ আর দ্বিশঅ তাল ডুমুর লোইনে গাধা পিদিত্‌ তুলি দিলো।