বিচের গুরিয়্যেগুন 8:28 - Chakma Bible

²⁸ ইঙিরিনেই ইস্রায়েলীয়গুনে মিদিয়নীয়গুনোরে দোঙেনে রাগেলাক্‌; তারা আর মাদা তুলি ন-পারিলাক্‌। গিদিয়োনর জীংকানির বাগি চোল্লিশ বজর দেজত্‌ সুখ-শান্দি এলঅ।

বিচের গুরিয়্যেগুন 8:28 ပူးပေါင်းရင်းမြစ်များ

গীতসংহিতা 83:2

চাহ্, কেজান্ গুরি তর্ শত্রুগুনে রঅ ছাড়দন্ আর যিগুনে তরে ঘিনান্ তারা বার্‌বো গুরিনে মাদাগুন উজু গোজ্যন্।

যিশাইয় 10:26

বেগত্তুন্ খেমতাবলা লগেপ্রভু ওয়েব মুড়োবোত্ মিদিয়নরে আঘাত্ গুরিবার সময়োত্ যেবাবোত্যে গোজ্যে সেবাবোত্যে গুরি তে চাবুক্কোই আসিরিয়গুনোরে মারিবো। মিসরত্ যেবাবোত্যে গোজ্যে সেবাবোত্যে গুরি তে পানি উগুরে তা লুদিক্কো তুলিবো।

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

বিচের গুরিয়্যেগুন 3:11

কনষর গুট্টি অৎনীয়েলর মরণ সং দেজত্‌ চোল্লিশ বজর সুখ-শান্দি এলঅ‌।

বিচের গুরিয়্যেগুন 3:30

সে দিনোত্‌ মোয়াব দেজ্‌চান ইস্রায়েলীয়গুনোর অধীনোত্‌ আনা অলঅ, আর আশি বজর সং দেজত্‌ সুখ-শান্দি এলঅ।

বিচের গুরিয়্যেগুন 5:31

ও লগেপ্রভু, তর্‌ শত্রুগুনে বেক্কুনে এধোক্কেন্‌ গুরিনে শেজ্‌ ওই যাদোক্‌; মাত্তর্‌ যিগুনে তরে কোচ্‌পান তারা যেনে বেলান ধোক্কেন্‌ পহ্‌র ওই উদোন্‌। ইয়েনর্ পরেন্দি দেজত্‌ চোল্লিশ বজর সং সুখ-শান্দি এলঅ।

বিচের গুরিয়্যেগুন 8:27

গিদিয়োনে সে বেক্‌ সোনানিলোই এক্কো এফোদ বানেইনে তা নিজোর আদামত্‌ অফ্রাদত্‌ রাগেল। ইস্রায়েলীয়গুনে বেক্কুনে সিদু লগেপ্রভু উগুরে বিশ্বেজ্ ন- গুরিনে এফোদর পূজোবোত্‌ নিজোরে লোঙেলাক্‌। সিয়েনই অলঅ গিদিয়োন আর তার গিরিত্তে এক্কো ফাল্‌।

বিচের গুরিয়্যেগুন 8:29

সে যুদ্ধোগানর পরেন্দি যোয়াশর পূঅ যিরুব্বালে ঘরত্‌ ফিরি গেলঅ।

১ শমূয়েল 7:13

এধোক্ক্যেনগুরি পলেষ্টীয়গুনোরে দোঙানা অলঅ। ইয়েনর্ পরেন্দি তারা আর ইস্রায়েলীয়গুনোর দুঝিত্‌ ন-সোমেলাক্। শমূয়েলে যেদকদিন বাঁজি এলঅ সেদকদিন সং লগেপ্রভু পলেষ্টীয়গুনোর বিরুদ্ধে এলঅ।