বিচের গুরিয়্যেগুন 8:26 - Chakma Bible

²⁶ সেক্কে যেত্তমান্‌ সোনা তে পেলঅ সিয়েনি মাবিনে অলঅ প্রায় কুড়ি কেজি পাঁচশত্‌ গ্রাম। ইয়েনিবাদে তার পেইয়্যে চান ধোক্কেন্‌ নেগেলেচ্‌, ঝুঙো, মিদিয়নীয় রাজাগুনোর উরোন্দে বিগুনো রঙর্‌ পোজাক্ আর উদোর্‌ গত্তনার নেগেলেচ্‌ছো ইয়েনি ভিদিরে ধরা ন-অয়।

বিচের গুরিয়্যেগুন 8:26 ပူးပေါင်းရင်းမြစ်များ

ইষ্টের 8:15

মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

গম্ উপদেজ্ 31:22

বিচ্চোনত্তে তে চাদর্ বানায়; তে নিজেয়ো মসীনার কাবড় আর মংগা বিগুনো রঙর্ কাবড় উরে।

যিশাইয় 3:18

সেদিন্যে প্রভু তারার্ দোল্ দোল্ সনা-রুবোনি কাড়ি নিবো। তে তারার্ নূপুর, মাঢার্ মাফালারানি, চন্দ্রহার,

যিরমিয় 10:9

তর্শীশত্তুন্ পিদেয়্যে রূবো আর ঊফসত্তুন সোনা আনা অয়। কালিগর আর বান্যেগুনে সিয়েনিলোই মূত্তিগুন বেড়েই থন্ । সিগুনোরে য়েল্ আর বিগুনি রঙ কাবড় উরো অয়; সিয়েন কাবিল্ কালিগর আঢ্‌তোই বানেয়্যে।‌‍‌‍‍

যিহিষ্কেল 27:7

মিসরর্ দোল্ নক্‌‌‌‌‌‌‌‌সা মসীনা কাবড়্‌লোই তর্ পালান্ বানা ওইয়্যে আর সিয়েন্দোই মান্‌‌‌‌‌‌জ্যে তরে চিনিদাক্। ইলীশাত্তুন্ আন্যে য়েল্ আর বিগুনি কাবড়ানি এলঅ তাম্বুল্।

লূকে লেখ্যে গম্ হবর্ 16:19

এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

যোহন 19:2

সৈন্যগুনে কাদা-লুদিলোই এক্কো মুকুট্ বানেইনে যীশু মাঢাবোত্ পিনেই দিলাক্।

যোহন 19:5

যীশু সেই কাদা বলা মুকুট্‌তো আর বিগুনো রঙর্ কাবড়ান্ উজ্যে অবস্থায় বারেদি এলঅ। সেক্কে পীলাতে মানুচ্চুনোরে কলঅ, “এইয়্যে চঅ, সে মানুচ্চো।”

ফগদাং পেইয়্যে 17:4

সেই মিলেবো বিগুনি আর রাঙা রংয়র্ পোজাক্ এলঅ আর তা কিয়্যেত্ সনা, মংগা মংগা পাত্তর্ আর মুক্তোর গয়না এলঅ। জঘণ্য জিনিচ্‌ আর তার্ বেভিচারর্ কজরালোই ভরা এক্কো সনার কদরা তা আঢত্ এলঅ।

ফগদাং পেইয়্যে 18:12

তারার সেই জিনিচ্চানি ভিদিরে আঘে-সনা, রূবো, মংগা পাথর আর মুক্তা; কচি মসীনার্ কাবড়, বিগুনী রংয়র্ কাবড়, রেশমী আর রাঙা কাবড়; নানান্ বাবোত্যে তুম্‌বাচ্‌ গাজ আর এদো দাতর্ বানেয়্যে নানান্ বাবোত্যে জিনিচ্‌; ভারী মংগা গাজ্‌চোই বানেয়্যে আর পিদোল, লুয়ো আর মার্বেল পাথরলোই বানেয়্যে নানান্ জিনিচ্‌;

ফগদাং পেইয়্যে 18:16

তারা কানি কানি দুঘ্ পেইনে কবাক্, “হায়, হায়! নিগুজ্ মসীনা কাবড় আর বিগুনী আর রাঙা কাবড় পিন্ন্যে আর সনা, মংগা পাথর আর মুক্তোলোই সাজেইয়্যে সেই নাঙ-গোজ্জ্যে শঅরান্!

বিচের গুরিয়্যেগুন 8:21

সেক্কে সেবহ আর সল্‌মুন্ন কলাক্‌, “তুই নিজে এইনে আমারে মারে ফেলা, কিত্যে যেধোক্কেন্‌ মানুচ্‌ সেধোক্কেন্‌ তার কাম।” সেনত্তেই গিদিয়োনে নিজেই উজে যেইনে তারারে মারে ফেলেল আর তারার উট্‌‌তুনোর গত্তনাগুনোত্তুন্ অলংকারানি খুলি নেযেল।

বিচের গুরিয়্যেগুন 8:25

জোবত্‌ তারা কলাক্‌, “আমি হুজি ওইনে সিয়েনি দিবোং।” সেনত্তেই তারা এক্কান কাবড় পাদিলাক্‌ আর পত্তিজনে তার লুদেয়্যে পযাপিরাত্তুন্‌ সিয়েন উগুরে এক্কানত্‌ ধরে কানফুল ফেলেলাক্‌।

বিচের গুরিয়্যেগুন 8:27

গিদিয়োনে সে বেক্‌ সোনানিলোই এক্কো এফোদ বানেইনে তা নিজোর আদামত্‌ অফ্রাদত্‌ রাগেল। ইস্রায়েলীয়গুনে বেক্কুনে সিদু লগেপ্রভু উগুরে বিশ্বেজ্ ন- গুরিনে এফোদর পূজোবোত্‌ নিজোরে লোঙেলাক্‌। সিয়েনই অলঅ গিদিয়োন আর তার গিরিত্তে এক্কো ফাল্‌।