বিচের গুরিয়্যেগুন 8:12 - Chakma Bible

¹² সেবহ আর সল্‌মুন্ন নাঙে মিদিয়নীয়গুনোর সেই দ্বিবে রাজা ধেই গেলাক্‌। মাত্তর্‌ গিদিয়োনে লোড়েইনে তারারে ধুরি ফেলেল, সেক্কে তারার পুরো সৈন্যদলুনে গিদিয়োনরে অমহদ দোরেলাক্‌।

বিচের গুরিয়্যেগুন 8:12 ပူးပေါင်းရင်းမြစ်များ

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

গীতসংহিতা 83:11

তারার নেতাগুনোর দজা তুই ওরেব আর সেবের ধোক্ক্যেন গর্; তারার বেক শাজন্‌গুরিয়্যেগুনোর দজা সেবহ আর সল্ মুন্নের ধোক্ক্যেন গর্।

যিশাইয় 9:3

তুই সেই জাদ্‌তোরে দাঙর্ গুরিবে‌ আর তারার্ হুজিগানি বাড়েই দিবে; খেত্-খেত্তি কাবিবার অক্তত্ মান্‌জ্যে যেধোক্ক্যেন্ ফুত্তি গরন্, লুদেয়্যে মাল ভাগ্ গুরিবার অক্তত্ যেধোক্ক্যেন্ ফুত্তি গরন্, সেধোক্ক্যেন্ গুরি তারা তঅ মুজুঙোত্ ফুত্তি গুরিবাক্।

আমোষ 2:14

যিগুনে যাদিমাদি দাবা দি পারন তারা নিজোরে রোক্ষ্যে গুরি ন-পারিবাক্, বোলীগুনে তারার্ বলান্ দেগেই ন-পারিবাক্ আর যোদ্ধাগুনে নিজো পরাণান্ বাজেই ন-পারিবাক্।

হবক্‌‌‌‌কূক 3:7

মুই কূশন মানুচ্চুনোরে দুদ্দশাত্ দেগিলুং, আর দেগিলুং মিদিয়ন আদাম্মেগুনে গির্‌গিরাদন্।

বিচের গুরিয়্যেগুন 8:11

নোবহ আর যগ্‌বিহেরর পূগেন্দি তাম্বুলত থেইয়্যে মানুচ্চুনোর পথ্‌তান ধুরিনে গিদিয়োনে অদাতৎ যেইনে সেই সৈন্যদলুনো উগুরে ঝাবেই পড়িলো। সেক্কে তারা চিদেচজ্জা নেইয়্যে গুরি এলাক্‌।

বিচের গুরিয়্যেগুন 8:13

ইয়েনর্ পরেন্দি যোয়াশর পূঅ গিদিয়োনে হেরস নাঙে উদিবার পথ্‌তানন্দি যুদ্ধোত্তুন ফিরিলো।