বিচের গুরিয়্যেগুন 7:4 - Chakma Bible

⁴ সেক্কে লগেপ্রভু গিদিয়োনরে কলঅ, “এজঅ বোউত্‌ মানুচ্‌ রোইয়োন্‌। তারারে নেযেইনে তুই পানির কায়-কুরে যাহ্। সিয়োদোই মুই তর ওইনে তারারে বেঈ লোম্‌। মুই যুনি কং, ‘এ মানুচ্চো তঅ লগে যেবঅ,’ সেক্কে তে যেবঅ; মাত্তর্‌ যুনি কং, ‘এ মানুচ্চো তঅ লগে ন-যেবঅ,’ সেক্কে তে ন-যেবঅ।”

বিচের গুরিয়্যেগুন 7:4 ပူးပေါင်းရင်းမြစ်များ

পত্থম 22:1

এ ঘটনাগান পরেদি গোজেনে অব্রাহামরে এক্কো পোরোক্ষেত্‌ ফেলেল। গোজেনে তারে ডাগিলো, “অব্রাহাম।” অব্রাহামে জোব্ দিলো, “এইয়্যে দঅ মুই।”

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 33:16

দাঙর্ সৈন্যদল থেলেয়ো কনঅ রাজা সিয়েনিলোই রোক্ষ্যে ন-পায়; দাঙর্ বল্লোই অলেয়ো কনঅ বীর যোদ্ধাই রোক্ষ্যে ন-পায়।

গীতসংহিতা 66:10

ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গীতসংহিতা 7:9

ও ধার্মিগো গোজেন, তুই পরাণানিরে আর মনানিরে যগা চাজ্; তুই পাজিগুনোর্ শদানিগানি শেজ্ গর্ মাত্তর্ তঅ ভক্তগুনোরে গমেডালে থিদেবর্ রাগা।

বিচের গুরিয়্যেগুন 7:5

সেনত্তেই গিদিয়োনে মানুচ্চুনোরে পানির কায়-কুরে নেযেল। সিদু লগেপ্রভু তারে কলঅ, “যিগুনে কুগুরো ধোক্কেন্‌ ঝিল্লোই পানি লেই লেই হেবাক্‌ তারাত্তুন্‌ যিগুনে পানি হেবাত্তে আদু পাড়িনে ববাক্‌ তারারে যুদো গর্‌।”

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”