বিচের গুরিয়্যেগুন 7:22 - Chakma Bible

²² তিনশত্‌ শিংগা বাজেবার অক্তত্‌ লগেপ্রভু এন্‌ গুরিলো যার্‌ ফলে তাম্বুলো ভিদিরে বেক মানুচ্চুনে একজনে আরেকজনরে তলোয়ারলোই আক্রমণ গরা ধুরিলাক্‌। সেক্কে মিদিয়নীয় সৈন্যগুনে টব্বতর কায়-কুরে আবেল-মহোলার দুযিবো সং আর সরোরার ইন্দি বৈৎ-শিট্টা সং ধেই গেলাক্‌।

বিচের গুরিয়্যেগুন 7:22 ပူးပေါင်းရင်းမြစ်များ

১ রাজাবলী 19:16

ইয়েনবাদেয়ো নিম্‌শির নাদিন্‌ যেহূরে ইস্রায়েলর রাজার পদথ্‌ অভিষেগ্ গর্‌, আর তঅ পথ্‌তানত্‌ ভাববাদী অবাত্তে আবেল-মহোলার শাফটের পূঅ ইলীশায়রে অভিষেগ্ গর্‌।

১ রাজাবলী 4:12

তানকে, মগিদ্দোতে আর সর্তনর ইদু আর যিষ্রিয়েলর দৌগিণে বৈৎ-শান শঅরত্তুন্‌ আবেল-মহোলা আর যক্‌মিয়াম সং বৈৎ-শানর বেক্‌ চাগালানিত্‌ অহীলূদোর পূঅ বানা।

গীতসংহিতা 83:9

তুই মিদিয়নীয়গুনোর উগুরে যিয়েন গোজ্যস্, কীশোন গাঙর্ পাড়ত্ সীষরা আর যাবীনো উগুরে যিয়েনি গোজ্যস্, ইগুনো উগুরেয়ো সিয়েন গর্।

যিশাইয় 19:2

লগেপ্রভু কোইয়্যেদে, “মুই এক মিসরীয়রে অন্য মিসরীয় বিরুদ্ধে উত্তেজিত গুরি তুলিম্; সেক্কে ভেই ভেইয়োর্ বিরুদ্ধে, পাড়াল্ল্যে পাড়াল্ল্যের্ বিরুদ্ধে, শঅর্ শঅরর্ বিরুদ্ধে, আর রেজ্য রেজ্যর্ বিরুদ্ধে যুদ্ধো গুরিবো।

যিশাইয় 9:3

তুই সেই জাদ্‌তোরে দাঙর্ গুরিবে‌ আর তারার্ হুজিগানি বাড়েই দিবে; খেত্-খেত্তি কাবিবার অক্তত্ মান্‌জ্যে যেধোক্ক্যেন্ ফুত্তি গরন্, লুদেয়্যে মাল ভাগ্ গুরিবার অক্তত্ যেধোক্ক্যেন্ ফুত্তি গরন্, সেধোক্ক্যেন্ গুরি তারা তঅ মুজুঙোত্ ফুত্তি গুরিবাক্।

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিহিষ্কেল 38:21

মঅ দেজর্ বেক্ মুড়োমুড়িগুনো উগুরে গোগর্ বিরুদ্ধে মুই যুদ্ধো ডাগি আনিম। পত্তি মান্‌‌জ্যর লাম্বা ছুরি থেবঅ তা ভেইয়োর্ বিরুদ্ধে।

হবক্‌‌‌‌কূক 3:14

যেক্কে তা যোদ্ধাগুনে আমারে ছিদি দিবাত্তে অমকদ গুরি আক্রমন গুরিলাক্, সেক্কে তারা তারা ধোক্ক্যেন্ ফুত্তি গোজ্যন্ যিগুনে ভিদিরে ভিদিরে দুখী মানুচ্চুনোরে গিলিনে হুজি অন্। মাত্তর্ তুই তারার্ নেতাবোরে তা যাদিবো ফুদেই দিলে।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 14:13

সেদিন্যে লগেপ্রভু অমকদ দর্ লাগেনে সেই মানুচ্চুনোরে আঘাত্ গুরিবো। তারা বেক্কুনে একজন আরেকজনরে ধুরিনে আক্রমন গুরিবাক্।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

যিহোশূয় 6:16

সাত বার ঘুরিবার সময়ানত্‌ যেক্কে ধর্মগুরুগুনে বাঁশিলোই একঢাল্যে রঅ‌ তুলিলাক্‌ সেক্কে যিহোশূয় মানুচ্চুনোরে উগুম দিলো্‌, “তুমি অমকদ দাঙর্‌ গুরিনে কিজেক্‌ কারঅ‌, কিত্যে লগেপ্রভু শঅরান তমারে দিয়্যে।

যিহোশূয় 6:20

বাশি বাঁজি উদিবার লগে লগে মানুচ্চুনে অমকদ রঅ‌ ছাড়ি ছাড়ি উদিলাক্‌। বাশির রঅ‌বোলোই যেক্কে মানুচ্চুনে অমকদ রঅ‌ দাঙর্‌ গুরি উদিলাক্‌ সেক্কে যিরিহো শঅরর্‌ দেবালানি ভাঙিনে পড়ি গেলঅ‌। সেক্কে বেক্‌ মানুচ্চুন শঅ‌র ভিদিরে চমিলাক্‌ আরঅ সিয়েন গজক্ গুরি নেযেলাক্‌।

যিহোশূয় 6:4

সাতজন ধর্মগুরু সাত্‌তো বাশি লোইনে সুদোম-সুন্দুগোর্‌ আগে আগে যেবাক্‌। সাত দিনোত্‌ তুমি শঅরর্‌ চেরোকিত্তে সাতবার ঘুরিবা আর তা লগে ধর্মগুরুগুনে বাশি বাজেবাক্‌।

১ শমূয়েল 18:19

মাত্তর্‌ দায়ূদো সমারে শৌলর ঝি মেরবর মেলার অক্তবো অলে দেগা গেলদে দায়ূদরে বাদ দিইনে মহোলাৎ আদামর্‌ অদ্রীয়েল সমারে মেরবরে বৌ দিয়্যে ওই যেইয়্যে।