বিচের গুরিয়্যেগুন 7:20 - Chakma Bible

²⁰ তিন্নো দলে একসমারে সিয়েন গুরিলাক্‌। বাঙ্‌ আঢত্‌ বোম্বা আর ডেন্‌ আঢত্‌ বাজেবাত্তে শিংগাগুন্‌ নেযেইনে তারা রঅ ছাড়িনেই কলাক্‌, “লগেপ্রভু আর গিদিয়োনর তলোয়ার।”

বিচের গুরিয়্যেগুন 7:20 ပူးပေါင်းရင်းမြစ်များ

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিরমিয় 47:6

তুমি ইয়েন কোইনে কানি উদো, ‘ও লগেপ্রভুর তলোয়ারান, আর কয়দিন পরে তুই জিরেবে? তঅ খাপত্ তুই ফিরি যাহ্; থামা, অলর্ অ।’

১ করিন্হীয় 15:52

এক মুহুত্তো ভিদিরে, চোগ তেবদত্, শেষ সময়োর্ তূরীর্ আবাজ সমারে সমারে আমি বেক্কুনে বুদুলি যেবং। সেই তূরীবো যেক্কে বাঁজিবো সেক্কে মরাগুনে এমন্‌ অবস্থায় জেদা ওইনে উদিবাক্ যে, তারা আর কনদিন্অ বর্‌বাদ ন-অবাক্; আর আমিয়ো বুদুলি যেবং।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

১ থিষলনীকীয় 4:16

দাঙর্ রঅ গুরিনে উগুমো সমারে আর বেগ দাঙর্ দূতোর্ ডাগনি আর গোজেনর্ তূরীর ডাগনির্ লগে লগে প্রভু নিজে স্বর্গত্তুন্ লামি এবঅ। খ্রীষ্ট লগে এগত্তর্ ওইনে যিগুনে মুরি যেয়োন সেক্কে সিগুনে পত্তমে জেদা ওই উদিবাক্।

ইব্রীয় 11:4

বিশ্বেজত্যে কয়িনোত্তুন্ হেবলর্ উৎসর্বগান গোজেন চোগেদি আরঅ গম এলঅ। তার্ বিশ্বেজত্যে গোজেনে তা উৎসর্বগান মানি লোইনে তা পৌইদ্যেনে এ সাক্ষ্যগান দিয়্যেদে, তে নিদ্দুজি। যুনিয়ো হেবলে মুরি যেয়্যে তো তার্ বিশ্বেজ্‌চান্দোই তে এজঅ কধা কর্।

যিহোশূয় 6:16

সাত বার ঘুরিবার সময়ানত্‌ যেক্কে ধর্মগুরুগুনে বাঁশিলোই একঢাল্যে রঅ‌ তুলিলাক্‌ সেক্কে যিহোশূয় মানুচ্চুনোরে উগুম দিলো্‌, “তুমি অমকদ দাঙর্‌ গুরিনে কিজেক্‌ কারঅ‌, কিত্যে লগেপ্রভু শঅরান তমারে দিয়্যে।

যিহোশূয় 6:20

বাশি বাঁজি উদিবার লগে লগে মানুচ্চুনে অমকদ রঅ‌ ছাড়ি ছাড়ি উদিলাক্‌। বাশির রঅ‌বোলোই যেক্কে মানুচ্চুনে অমকদ রঅ‌ দাঙর্‌ গুরি উদিলাক্‌ সেক্কে যিরিহো শঅরর্‌ দেবালানি ভাঙিনে পড়ি গেলঅ‌। সেক্কে বেক্‌ মানুচ্চুন শঅ‌র ভিদিরে চমিলাক্‌ আরঅ সিয়েন গজক্ গুরি নেযেলাক্‌।

যিহোশূয় 6:4

সাতজন ধর্মগুরু সাত্‌তো বাশি লোইনে সুদোম-সুন্দুগোর্‌ আগে আগে যেবাক্‌। সাত দিনোত্‌ তুমি শঅরর্‌ চেরোকিত্তে সাতবার ঘুরিবা আর তা লগে ধর্মগুরুগুনে বাশি বাজেবাক্‌।

২ পিতর 1:15

মর্ মরণর পরেদিয়ো যেন তুমি এই বেপারানি আমিযে মনত্ থঅ, মুই সিয়েনর বেবস্থাগান গুরিবাত্যে ভারী চেষ্টা গুরিম।

বিচের গুরিয়্যেগুন 7:19

রেত্‌সম্বাগত্‌ চুগি দিবার আরাম্ভত্‌ যেক্কে মিদিয়নীয়গুনে চুগিদার বদলাদন্‌ ঠিগ্‌ সিয়েনর পরেন্দি গিদিয়োন আর তা লগে একশঅ জন মানুচ্‌ তাম্বুলানর ইদু যেইনে লুমিলাক্‌। তারা তারার শিংগাগুন বাজেইনে আঢত্‌ রাগেইয়্যে কুমুন্‌ ভাঙি ফেলেলাক্‌।

বিচের গুরিয়্যেগুন 7:21

তাম্বুলোর চেরোকিত্তে গিদিয়োনর মানুচ্চুনে যেক্কে তারার জাগায়ানিত্‌ দরমড় গুরি থিয়্যেলাক্‌ সেক্কে বেক মিদিয়নীয়গুনে ধাবাদিইনে রঅ ছাড়িনেই ধেই যাহ্ ধুরিলাক্‌।

১ শমূয়েল 11:11

তার্‌কেল্যে শৌল তা মানুচ্চুনোরে তিন্নো দলত্‌ ভাগ গুরিলো। সে পরেন্দি শেজর্‌ রেত্তোত্‌ তারা অম্মোনীয়গুনোর তাম্বুলোত্‌ সুমিনে দিবুজ্যেমাদান সং তারারে মারে ফেলা ধুরিলাক্। যিগুনে পরাণে বাঁজিলাক তারা এবাবোত্যেগুরি ছিদি পড়িলাক্, তারাত্তুন্‌ দ্বিজনে আর একসমারে ন-থেলাক্।