বিচের গুরিয়্যেগুন 7:16 - Chakma Bible

¹⁶ সে তিনশত মান্‌‌জ্যরে তে তিন্নো দলত্‌ ভাগ গুরিলো আর পত্তিজনর আঢত্‌ এক্কো গুরি শিংগা, এক্কো গুরিনে সুদো কুম্‌ আর সে সংমোধ্যে এক্কো বম্বা দিলো।

বিচের গুরিয়্যেগুন 7:16 ပူးပေါင်းရင်းမြစ်များ

পত্থম 14:15

তে নিজো মানুচ্চুনোরে কয়েক্কো দলত্‌ ভাগ গুরিলো আর তারারে লোইনে রেদোত্‌ শত্রুগুনোরে আক্রমন গুরিনে তারারে ওদেই দিলাক্। সে পরেদি তারারে লড়াদে লড়াদে তে দামেস্ক উত্তোরেদি হোবা সং গেলঅ।

২ শমূয়েল 18:2

দায়ূদে তা সৈন্যদলুনোরে তিন ভাগ গুরিনে এধোক্ক্যেন গুরি পাধেই দিলো- যোয়াবর অধীনোত্‌ একভাগ, যোয়াবর ভেই, অত্তাৎ সরূয়ার পূঅ অবীশয়র অধীনোত্‌ একভাগ আহ্ গাতীয় ইত্তয়র অধীনোত্‌ একভাগ। রাজা সৈন্যগুনোরে কলঅ, “মুইয়ো হামাক্কায় তমা লগে যেম্‌।”

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

বিচের গুরিয়্যেগুন 7:15

গিদিয়োনে সেই স্ববনর্‌ কধাগান্‌ আর তার ভেদ্‌‌তান শুনিনে আদু পাড়ি পড়িনে গোজেনরে তার্‌ মনর্ ভোক্তি জানেল। তে ইস্রায়েলীয়গুনোর তাম্বুলোত্‌ ফিরি এইনে জোরে ডাগিনে কলঅ, “তুমি উদো, গোজেনে মিদিয়নীয়গুনোর তাম্বুলান তমা আঢত্‌ তুলি দিয়্যে।”

বিচের গুরিয়্যেগুন 7:17

সে পরেন্দি তে তারারে কলঅ্‌, “তুমি মরে চেই থেবা আর মুই যিয়েন গুরিম তুমিয়ো সিয়েন গুরিবা। তাম্বুলোর ইদু লুমিনে মুই যিয়েন গুরিম তুমিয়ো ঠিগ্‌ সিয়েন গুরিবা।

১ শমূয়েল 11:11

তার্‌কেল্যে শৌল তা মানুচ্চুনোরে তিন্নো দলত্‌ ভাগ গুরিলো। সে পরেন্দি শেজর্‌ রেত্তোত্‌ তারা অম্মোনীয়গুনোর তাম্বুলোত্‌ সুমিনে দিবুজ্যেমাদান সং তারারে মারে ফেলা ধুরিলাক্। যিগুনে পরাণে বাঁজিলাক তারা এবাবোত্যেগুরি ছিদি পড়িলাক্, তারাত্তুন্‌ দ্বিজনে আর একসমারে ন-থেলাক্।