বিচের গুরিয়্যেগুন 7:11 - Chakma Bible

¹¹ আর শুনি থেচ্‌ তারা কি কন্‌। সেক্কে তুই তাম্বুলান আক্রমণ গুরিবাত্তে বল্‌ পেবে।” সেনত্তেই গিদিয়োনে তা চাগর্‌ ফুরারে সমারে নেযেইনে তাম্বুলোর দুযিত্‌ সৈন্যগুনোর কায়কুরে লামিলাক্‌।

বিচের গুরিয়্যেগুন 7:11 ပူးပေါင်းရင်းမြစ်များ

পত্থম 24:14

সে মিলেগুনোত্তুন্‌ একজনরে মুই কোম্‌, ‘তঅ কুম্মোত্তুন মরে পানি হেবাত্তে দে।’ সিয়েন জোবত্‌ যুদি সে মিলেবো কয়্‌, ‘তুই পানি হা, আর তঅ উটতুনোরেয়ো মুই পানি হাবেম্‌,’ সালে সে মিলেবো যেন তঅ চাগর্‌ ইস্‌হাকত্তে তর্‌ বেঈ লোইয়্যে মিলে অয়। সেক্কে মুই হবর্ পেম্‌, তুই মঅ গিরোজসোরে দিয়্যে তঅ কধাগান রাগেয়োচ্‌।”

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

নহিমিয় 6:9

তারা আমা কামানি দোঙেই রাগেবাত্তে এ কধানি কোইনে আমারে দর্‌বুগ্‌ লাগেবার্‌ চেট্ট্যা গরা ধুরিলাক্‌। ও গোজেন্‌, ইক্কিনে তুই মঅ আঢত্‌ বল্‌ দে।

যাত্রা 13:18

সেনত্তেই গোজেনে ধূল্যেচর চাগালার্ ভিদিরেদি লোহিত সাগর মোক্কে লোই‌ গেলঅ। ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি গেলাক্।

ইফিষীয় 3:16

মুই তবনা গরং যেন গোজেনর্ শেচ্‌-নেইয়্যে মহিমা অনুসারে তে তমারে এমন্‌ খেমতা দে যেনে পবিত্র আত্মার মাধ্যমে তমা মনানি খেমতাবলা অয়,

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

বিচের গুরিয়্যেগুন 7:10

তুই যুনি আক্রমণ গুরিবাত্তে দরাচ্‌ সালে তঅ চাগর্‌ ফুরারে সমারে লোইনে লামিনে তারার্‌ তাম্বুলানর ইদু যাহ্,

১ শমূয়েল 14:12

তারার তাম্বুলোর্ সৈন্যগুনে যোনাথন আর তার বন্দুক বোইয়্যে মানুচ্চোরে কলাক্, “আমা ইদু উদি আয়, তমারে দেগেই দুয়োঙর্‌।” সেক্কে যোনাথনে তার বন্দুক বোইয়্যে মানুচ্চোরে কলদে, “মর্‌ পিজে পিজে উদি আয়। লগেপ্রভু ইস্রায়েলীয়গুনোর আঢত্‌ তারারে দি রাগেয়্যে।”

১ শমূয়েল 23:16

ইন্দি শৌলর পূঅ যোনাথনে হরেশত্‌ দায়ূদো ইদু যেইনে তারে গোজেন উগুরে নির্ভর গুরিবাত্তে উচ্চোমি দিলো।

১ শমূয়েল 26:6

দায়ূদে যেক্কে হিত্তীয় অহীলেমক আর সরূয়ার পূঅ যোয়াবর ভেই অবীশয়রে কলঅ, “সেই তাম্বুলো ভিদিরে শৌলর ইদু তুমি কন্না মঅ লগে যেবা?” অবীশয় কলঅ, “মুই যেম্‌।”