বিচের গুরিয়্যেগুন 6:6 - Chakma Bible

⁶ মিদিয়নীয়গুনে ইস্রায়েলীয়গুনোর অবস্থা এন্‌ ভাজ্‌ন্যেই গুরি তুলিলাক্‌, তারা বল্‌ পেবাত্তে গোজেনর্‌ ইদু কানাকুদি গরা ধুরিলাক্‌।

বিচের গুরিয়্যেগুন 6:6 ပူးပေါင်းရင်းမြစ်များ

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 78:34

তে তারারে মারে ফেলানার পরেন্দি বাদ্‌বাগি মানুচ্চুনে তা কধা ইদোত্ তুলিলাক্; তারা আরঅ তান্দি ফিরিনে আওজ্ গুরিনে তারারে ডাগিলো।

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিরমিয় 5:17

তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

দ্বি’লম্বর বিররণ 28:43

তমা ভিদিরে বজত্তি গোজ্যে অন্য জাদর মানুচ্চুনে তমা উগুরে উদিবাক আর তুমি লামিবা তারার তলেন্দি।

বিচের গুরিয়্যেগুন 10:10

তারা লগেপ্রভুর ইদু কানাকুদি গুরিনে কলাক্‌, “আমা গোজেনরে ছাড়িনে বাল দেবেদাগুনোরে পূজো গুরিনে যদবদে আমি তঅ বিরুদ্ধে পাপ গোজ্যেই।”

বিচের গুরিয়্যেগুন 3:15

ইয়েনর্‌ পরেন্দি ইস্রায়েলীয়গুনে আর লগেপ্রভু ইদু কানাকুদি গরা ধুরিলাক্‌, আর তে তারাত্তেই এহূদ নাঙে এক্কো উদ্ধোরগুরিয়্যে জর্মেই দিলো। তে অলদে বিন্যামীন-গুট্টির গেরার পূঅ। তে বাঁঙ্‌ আদেন্দি কাম্‌ গুরিদো। মোয়াবর রাজা ইগ্লোনরে খাজানা দিবাত্তে ইস্রায়েলীয়গুনে তারে পাধেই দিলাক্‌।

বিচের গুরিয়্যেগুন 3:9

মাত্তর্‌‌ তারা লগেপ্রভু ইদু কানাকুদি গরানার পরেন্দি তে তারারে উদ্ধোর গুরিবাত্তে এক্কো উদ্ধোরগুরিয়্যে দিলো। তে অলদে কনষর গুট্টি কালেবর চিগোন্‌ ভেইবো অৎনীয়েল।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।

বিচের গুরিয়্যেগুন 6:7

মিদিয়নীয়গুনোর অত্যেচারর্‌ কারনে ইস্রায়েলীয়গুনে যেক্কে লগেপ্রভু ইদু কানাকুদি গরা ধুরিলাক্‌ সেক্কে লগেপ্রভু এক্কো ভাববাদীরে তারা ইদু পাধেই দিলো। তে কলঅ্‌, “ইস্রায়েলীয়গুনোর গোজেন লগেপ্রভু কোইয়্যেদে, ‘সে চাগর্‌ কাদান্দে দেজ্‌ মিসরত্তুন্‌ মুয়ই তমারে নিগিলেই আন্যং।