বিচের গুরিয়্যেগুন 6:28 - Chakma Bible

²⁸ বেন্যেমাদান্ আদামর মানুচ্চুনে ঘুমোত্তুন্‌ উদিনে দেগিলাক্‌ বাল দেবেদার ডালি পূজোবো ভাঙি ফেলা ওইয়্যে আর তার্‌ কায়-কুরে আশেরা-খুঁদোবোয়ো কাবি ফেলা ওইয়্যে আর এক্কো নূয়ো গুরি বানেয়্যে ডালিপূজো উগুরে দ্বিলম্বর গোরুবো উৎসর্ব গরা ওইয়্যে।

বিচের গুরিয়্যেগুন 6:28 ပူးပေါင်းရင်းမြစ်များ

২ রাজাবলী 18:4

তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।

বিচের গুরিয়্যেগুন 6:27

সেনত্তেই গিদিয়োনে তার চাগরুনোত্তুন্‌ দশজনরে সমারে নেযেইনে লগেপ্রভুর কধা মজিম্‌ কাম্‌ গুরিলো। মাত্তর্‌ নিজোর্‌ গিরিরে আর আদামর মানুচ্চুনোর দরে তে কামান্‌ দিনোত্‌ ন-গুরিনে রেদোত্‌ গুরিলো।

বিচের গুরিয়্যেগুন 6:29

সেক্কে তারা একজনে আরেকজনরে পুযোর্‌ গুরিলাক্‌, “এ কামান্‌ কন্না গোজ্যে” তারা গমেডালে পুযোর্‌ গুরিনে বুঝি পারিলাক্কে, যোয়াশর পূঅ গিদিয়োনে এই কামান্‌ গোজ্যে।

১ শমূয়েল 7:9

সেক্কে শমূয়েলে এন্‌ এক্কো ভেড়াছাগলর ছঅ নেযেল যিবে দুধ ন-ছাড়ে আর গোদা ছঅবো দিইনে তে লগেপ্রভুর নাঙে এক্কো পুজ্যে-উৎসর্বর অনুষ্ঠান গুরিলো। তে ইস্রায়েলীয়গুনোর ওইনে লগেপ্রভুরে ডাগিলো আর লগেপ্রভুয়ো তারে জোব্ দিলো।