বিচের গুরিয়্যেগুন 6:27 - Chakma Bible

²⁷ সেনত্তেই গিদিয়োনে তার চাগরুনোত্তুন্‌ দশজনরে সমারে নেযেইনে লগেপ্রভুর কধা মজিম্‌ কাম্‌ গুরিলো। মাত্তর্‌ নিজোর্‌ গিরিরে আর আদামর মানুচ্চুনোর দরে তে কামান্‌ দিনোত্‌ ন-গুরিনে রেদোত্‌ গুরিলো।

বিচের গুরিয়্যেগুন 6:27 ပူးပေါင်းရင်းမြစ်များ

গীতসংহিতা 112:5

যে দোয়্যে গরে আর উদোর্ দিইনে গমেডালে বেক কামানি গরে তার ভালেদি অয়।

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

যোহন 2:5

তা মা সেক্কে চাগরুনোরে কলঅ, “তে তমারে যিয়েনি গুরিবাত্তে কয় সিয়েনি গরঅ।”

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

বিচের গুরিয়্যেগুন 6:26

সে পরেন্দি সেই জাগায়ান উগুরে তর্‌ গোজেন লগেপ্রভুর নাঙে গমেডালে এক্কো ডালিপূজো বানা। পরেন্দি সে দ্বিলম্বর গোরুবোলোই তর্‌ কাবি ফেলেইয়্যে সেই আশেরা-খুঁদোবোর তক্তানি জ্বালেইনে এক্কো পূজ্যে-উৎসর্বর অনুষ্ঠান গর্‌।”

বিচের গুরিয়্যেগুন 6:28

বেন্যেমাদান্ আদামর মানুচ্চুনে ঘুমোত্তুন্‌ উদিনে দেগিলাক্‌ বাল দেবেদার ডালি পূজোবো ভাঙি ফেলা ওইয়্যে আর তার্‌ কায়-কুরে আশেরা-খুঁদোবোয়ো কাবি ফেলা ওইয়্যে আর এক্কো নূয়ো গুরি বানেয়্যে ডালিপূজো উগুরে দ্বিলম্বর গোরুবো উৎসর্ব গরা ওইয়্যে।