বিচের গুরিয়্যেগুন 6:23 - Chakma Bible

²³ মাত্তর্‌ লগেপ্রভু তারে কলঅ, “তর্‌ শান্তি ওক্‌, তুই ন-দোরেচ্‌। তুই ন-মুরিবে।”

বিচের গুরিয়্যেগুন 6:23 ပူးပေါင်းရင်းမြစ်များ

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

পত্থম 32:31

যাকোবে যেক্কে পনূয়েলত্তুন্‌ যাহ্ ধুরিলো সেক্কে বেলান উদি যেইয়্যে। তা উলুহুল্লো অবস্থাগান্‌দোই তে লেঙা ধোজ্যে।

পত্থম 43:23

সে সদ্দার্‌বো কলঅ, “বেক্কানি ঠিগ্‌ আঘে, ন-দোরেয়ো। তমার্‌ আর তমা বাপ্পোর্‌ গোজেনে সেই দানুন্‌ তমা বস্তাগুনোত্‌ থোই দিয়্যে। তমা টেঙাগুন্‌ মুই পেইয়োং।” ইয়েন্‌ কোইনে তে শিমিয়োনরে নিগিলেনে তারা মুজুঙোত্‌ আনিলো।

গীতসংহিতা 85:8

লগেপ্রভু গোজেনে যিয়েন কবঅ মুই সিয়েন শুনিম; তা মানুচ্চুনো ইদু, তা ভক্তগুনো ইদু তে সুগ্-শান্দির কধা কবঅ; মাত্তর্ তারা যেন আর ভুলো মিক্ক্যে ন-ফিরোন্।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 20:19

সেই একই দিনোত্, সাপ্তার্ পত্তম্ দিনোর্ সাজোন্ন্যে অক্তত্ শিচ্চ্যগুনে যিহূদী নেতাগুনোর্ দরে ঘরর্ বেক্‌ দুয়োরানি নাঢিনে এক্কান্ জাগাত্ এগত্তর্ ওইয়োন্। সেক্কে যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্।”

যোহন 20:26

ইয়েনর্ এক সাপ্তা বাদে শিচ্চ্যগুনে আরঅ ঘরঅ ভিদিরে এগত্তর্ অলাক্, আর থোমায়ো তারা সমারে এলঅ। যুনিয়ো বেক্‌ দুয়োরানি বান্ন্যে এলঅ তো যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্‌।”

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

বিচের গুরিয়্যেগুন 19:20

সেক্কে সে বুড়ো মানুচ্চো কলঅ, “তরে ভালেদি জানাঙর্‌। তর্‌ যিয়েন লাগে সিয়েনর ভারান্‌ মঅ উগুরে থেলঅ। মাত্তর্‌ রেত্তো তুমি কনমতে এ চক্করবোত্‌ ন-কাদেয়ো।”

বিচের গুরিয়্যেগুন 6:22

গিদিয়োনে যেক্কে বুঝি পরিলো, তে অলদে লগেপ্রভুর দূত সেক্কে তে কলঅ্‌, হায় হায়, ও প্রভু লগেপ্রভু, মুই দঅ লগেপ্রভুর দূত্তোরে মুজুঙো-মুজুঙি দেগিলুং।

বিচের গুরিয়্যেগুন 6:24

সেক্কে গিদিয়োনে সিয়েনত্‌ লগেপ্রভু নাঙে এক্কো ডালিপূজো বানেইনে সিবের্‌ নাঙান্‌ দিলো যিহোবা-শালোম (যিয়েনর্ ভেদ্‌তান্ “লগেপ্রভুই শান্তি”)। ডালিপূজোবো এজঅ সং অবীয়েষ্রীয়গুনোর অফ্রাতদ্‌ আঘে।