বিচের গুরিয়্যেগুন 6:17 - Chakma Bible

¹⁷ গিদিয়োনে কলঅ, “যুনি মুই তর্‌ দোয়্যে পেই থাং, সালে মুই যেনে বুঝি পারং, হামাক্কাই তুই মঅ লগে কধা কোইয়োচ্‌ সিয়েনর্‌ এক্কান চিহ্নো তুই মরে দেগা।

বিচের গুরিয়্যেগুন 6:17 ပူးပေါင်းရင်းမြစ်များ

১ রাজাবলী 13:3

সে একই দিনোত্‌ গোজেনর্‌ মানুচ্চো এক্কান্‌ চিহ্নোর কধা কলঅ। তে কলদে, “লগেপ্রভু এ চিহ্নোগানর্‌ কধা ফগদাং গরেত্তে, এ ডালিপূজোবো ফাদি যেবঅ আর তা উগুরে ছেইয়ানি বেক্কানি পড়ি যেবঅ।”

গীতসংহিতা 86:17

তর্ ভালেদির আওজর্ প্রমাণান্ মরে দেগা, যেনে মরে যিগুনে ঈচ্ গরন্ তারা দেগিনে লাজ্ পান; কিত্তে ও লগেপ্রভু, তুয়ই মরে বল্ দুয়োচ্ আর বুঝেয়োচ্।

যাত্রা 33:13

যুনি মুই তর্‌ দোয়্যে পেই থাং সালে তুই কি আজালোই কি গরচ্‌ সিয়েনি মরে জানেই দিচ্‌ যেনে মুই তরে বুঝি পারং আর তর্‌ দোয়্যেলোই থেই পারং। মনত্‌ রাগেচ্‌, এই জাদ্‌তো তর্‌।

যাত্রা 33:16

তুই আমা লগে ন-গেলে মানুচ্চুনে কিঙিরিনে বুঝিবাক্‌, মঅ উগুরে আর তর্‌ মানুচ্চুনো উগুরে তর্‌ দোয়্যে আঘে? মুই আর তর্‌ মানুচ্চুনে যে পিত্‌থিমীর্‌ অন্য মানুচ্চুনোত্তুন্‌ যুদো সিয়েন্‌ আর কেধোক্ক্যেনগুরি বুঝো যেবঅ‌?

যিশাইয় 7:11

“তুই তর্ গোজেন লগেপ্রভু ইদু কঅ যেন তে তরে এক্কান চিহ্নো দেগায়-সেই চিহ্নোগান মরন জাগাত্তুন্ ধুরি স্বর্গ সং যে কনঅ জাগাত্ দেগা যেই পারে।”

বিচের গুরিয়্যেগুন 6:18

মুই ফিরি এইনে তর্‌ মুজুঙোত্‌ মর্‌ দানুন্‌ ন-রাগানা সং তুই ন-যেবে।” তে কলঅ, “তুই ফিরি ন-এজানা সং মুই বাজ্জেই থেম্‌।”