বিচের গুরিয়্যেগুন 6:15 - Chakma Bible

¹⁵ গিদিয়োনে কলঅ, “মাত্তর্‌ ও মর্‌ প্রভু, মুই কেধোক্কেন্‌ গুরিনে ইস্রায়েলীয়গুনোরে উদ্ধোর গুরিম্‌। মনঃশি-গুট্টি ভিদিরে আমা বংশবো বেগত্তুন তলে, আর আমা গিরি ভিদিরে মর্‌ কনঅ দাম্‌ নেই।”

বিচের গুরিয়্যেগুন 6:15 ပူးပေါင်းရင်းမြစ်များ

পত্থম 32:10

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

যাত্রা 3:11

মাত্তর্‌ মোশি, গোজেনরে কলঅ, “মুই আর্‌ কন্না, ফরৌণ ইধু যেইনে মিসর দেজত্তুন্‌ ইস্রায়েলীয়গুনোরে নিগিলেই আনি পারং।”

যাত্রা 4:10

মোশি লগেপ্রভুরে কলঅ, “মাত্তর্ প্রভু, মুই কনঅ দিন গমেডালে কধা কোই ন-পারং। আগেয়ো ন-পারং আর তর্‌ এ চাগর্‌বো লগে তুই কধা কনার্‌ পরেন্দিয়ো ন-পারঙর্‌। মঅ মুয়োনত্‌ কধানি বাঁজি থায়, মঅ ঝিলান্ ঘুয়োর্‌।”

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিরমিয় 50:45

সেনত্তে বাবিল বিরুদ্ধে লগেপ্রভু কি পরিকল্পনা গোজ্যে, বাবিলীয়গুনো বিরুদ্ধে তে কি ঠিগ্ গোজ্যে সিয়েন শুনো-পাল ছঅগুনোরে টানি নেযা অবঅ; তারার কামানিত্তে তারার চোড়েয়্যে ভূইয়ানি তে এক্কুবারে ভস্ত গুরি দিবো।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

লূকে লেখ্যে গম্ হবর্ 1:34

সেক্কে মরিয়ম স্বর্গদূত্তোরে কলঅ, “ইয়েন কেধোক্ক্যেন্ গুরি অবঅ? মর্ দঅ মেলা ন-অয়।”

১ করিন্হীয় 15:9

প্রচারগ্‌কুনো ভিদিরে মুই বেক্কুনোত্তুন্ তলে, এন্‌ কি, প্রচারক বিলিনে কেঅ যে মরে ডাগে সিয়েনর্ যগাজ্যেয়ো মুই নয়, কিয়া গোজেনর্ মন্ডলীরে মুই অত্যেচার্ গত্তুং।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।

১ শমূয়েল 18:23

তারা এই বেক্‌ কধানি দায়ূদোরে জানানার পরেন্দি তে কলদে, “রাজার জামেই অনাগান কি তুমি এক্কান সামান্য বেপার বিলিনে মনে গরর্‌? মুইদ নাদা, একজন সামান্য মানুচ্‌।”

১ শমূয়েল 9:21

জোবত্‌ শৌলে কলদে, “তুই কিত্তে মরে এই কধানি হর্‌? ইস্রায়েলীয়গুনোর বেক্‌ গুট্টিগুনো ভিদিরে বিন্যামীনেই অলদে বেগত্তুন্‌ চিগোন, আর আমি সেই গুট্টির মানুচ্‌। আরঅ বিন্যামীন-গুট্টিত্‌ যিদুক্কুন বংশ আগন্‌ তা ভিদিরে আমা বংশবো এক্কুবারে ধুরিবার বারেন্দি।”