বিচের গুরিয়্যেগুন 6:13 - Chakma Bible

¹³ জোবত্‌ গিদিয়নে কলঅ, “মাত্তর্‌ ও মর্‌ প্রভু, যুনি লগেপ্রভু আমা লগে থায় সালে এদক্কানি কিত্তেই আমা উগুরে ঘদের্‌। কুদু গেলগোই তার সেই আমক্‌ অবার্‌ কামানি যিবের কধা কবাত্তে যেইনে আমা পূরোণি বুড়োবুড়িগুনে আমারে কদাক্‌, লগেপ্রভু মিসর দেজত্তুন্‌ তারারে নিগিলেই আন্যে। মাত্তর্‌ তে দঅ ইক্কিনে আমারে ভুলি যেইয়্যে আর মিদিয়নীয়গুনোর আঢত্‌ তুলি দিয়্যে।”

বিচের গুরিয়্যেগুন 6:13 ပူးပေါင်းရင်းမြစ်များ

পত্থম 25:22

তা পেদত্‌ জামা পুয়ো এলাক আর তারা একজনে আরেকজন লগে ঠেলাঠেলি গরা ধোজ্যন। সেনত্তে রিবিকা কলঅ, “মর্‌ কিত্তে এবাবোত্যে অর্‌?” ইয়েন কোইনে বেপারান্‌ কি, সিয়েন্‌ জানিবাত্তে তে লগেপ্রভু ইদু তবনাগান গুরিবাত্তে গেলঅ।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

গীতসংহিতা 27:9

তর্ মুয়োন্ তুই মত্তুন্ ফিরেই ন-রাগেচ্, রাগ্ গুরিনে তুই তঅ চাগর্‌বোরে ফিরেই ন-দিচ্; তুয়ই দঅ মর্ এজাল্ দিয়্যেবো ওইনে এজর্। ও গোজেন, মর্ উদ্ধোর্‌গুরিয়্যে, মরে ফেলেইনে ন-যেচ্, মরে বাদ্ ন-দিচ্।

গীতসংহিতা 44:1

ও গোজেন, ভালোক্ দিন আগে আমা পুরোণি মানুচ্চুনোর সময়োত্ তুই যিয়েনি গোজ্যস্ সে পৌইদ্যেনে তারার কধানি আমি নিজোর কানন্দি শুন্যেই।

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

গীতসংহিতা 44:9

মাত্তর্ ইক্কিনে তুই আমারে ছাড়ি যেইয়োচ্ আর লাজত্ ফেলেয়োচ্; যুদ্ধোত্ আমা সৈন্যদলুনোর সমারে তুই আর্ ন-থেচ্।

গীতসংহিতা 89:49

ও প্রভু, কুদু তর্ সেই পুরোণী অমকদ কোচ্‌পানাগান? তর্ বিশ্বেজত্তে সেই কোচ্‌পানার শমক্তান্ তুই দায়ূদো ইদু গোজ্যস্।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিরমিয় 23:33

লগেপ্রভু মরে কলঅ, এ মানুচ্চুনে বা কনঅ ভাববাদী বা ধর্মগুরু যেক্কে তরে পুযোর্ গুরিবো, লগেপ্রভুর কধানি কি? সেক্কে তুই তারারে কবে, লগেপ্রভু কোইয়্যেদে, তুমি মর্ বোঝা বুধি আর মুই তমারে ফেলেই দিম।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

দ্বি’লম্বর বিররণ 29:24

সিয়েন দেগিনে অন্য বেক্‌ জাদ্‌তুনে পুযোর্ গুরিবাক, লগেপ্রভু কিত্তে এ দেজ্‌ছানরে এ দজা গুরিলো? কিত্তে তাঁর এই জোল্‌জোল্যে রাগ?

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

বিচের গুরিয়্যেগুন 6:1

পরেন্দি ইস্রায়েলীয়গুনে আরঅ লগেপ্রভুর চোগোত্‌ যিয়েনি ভাজ্‌ন্যেই সিয়েনিই গরা ধুরিলাক্‌। সেক্কে তে মিদিয়নীয়গুনোর আঢত্‌ তারারে তুলি দিলো আর তারা সাত বজর সং তারার্‌ অধীনোত্‌ এলাক্‌।

বিচের গুরিয়্যেগুন 6:12

সেই অক্তত্‌ লগেপ্রভুর দুত্‌তো গিদিয়োনরে দেগা দিইনে কলঅ্‌, “ও বোলী যুদ্ধো গুরিয়্যে, লগেপ্রভু তঅ লগে আঘে।”