বিচের গুরিয়্যেগুন 5:23 - Chakma Bible

²³ লগেপ্রভুর দূত্তো কলঅ, মেরোসরে অভিশাব দে, জদবদেগুরিনে অভিশাব দে সে জাগার মানুচ্চুনোরে; তারা কনজনে যুদ্ধোত্‌ লগেপ্রভু লগে ন-মিজেন্‌, ন-মিজেন্দোই বোলীবন্দগুনোর বিরুদ্ধে।

বিচের গুরিয়্যেগুন 5:23 ပူးပေါင်းရင်းမြစ်များ

নহিমিয় 3:5

সে পরেন্দি ভাগ্‌কান ঠিগ্‌ গুরিলাক্‌ তকোয়ার মানুচ্চুনে, মাত্তর্‌ তারার্‌ তাগোয়্যে মানুচ্চুনে তারার্‌ চেইচিদিয়্যেগুনোর্‌ অধীনোত্‌ কাম্‌ গুরিবাত্তে রাজী ন-অলাক্‌।

গীতসংহিতা 94:16

কন্না মর্ পক্ষ ওইনে পাজিগুনোর বিরুদ্ধে কধা কবঅ? মর্ পক্ষ ওইনে অন্যেয়গুরিয়্যেগুনোর বিরুদ্ধে কন্না কধা কবঅ?

যিরমিয় 48:10

লগেপ্রভু কোইয়্যেদে, মঅ কামত্ যে মানুচ্চো আলেয়্যে গরে তা উগুরে অভিশাব্ পোড়োক্। যে তার তলোয়ারানরে লো জোড়েবাত্তে ন-দে তা উগুরে অভিশাব্ পোড়োক্।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

বিচের গুরিয়্যেগুন 13:3

লগেপ্রভুর দূত্তো তা মোক্কোরে দেগা দিইনে কলঅ, “তুই ভাঝ্‌ বিলিনে তর্‌ কনঅ ঝি-পূঅ ন-অন্‌, মাত্তর্‌ তুই পিদিলী অবে আর তর্‌ এক্কো পূঅ অবঅ।

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।

বিচের গুরিয়্যেগুন 21:5

মিস্পাত তারা ইয়েন কোইনে এক্কান দরমর শমক্‌ গুরিলাক্‌, কনঅ জনে যুনি মিস্পাত্‌ যেইনে লগেপ্রভুর ইদু ন-যান্‌ সালে হামাক্কাই তারে মারে ফেলা অবঅ। সেনত্তেই তারা একজন আরেকজনরে পুজোর্‌ গরা ধুরিলাক্‌, “ইস্রায়েলীয়গুনোর বেক্‌ গুট্টিত্তুন কন্না মিস্পাত্‌ লগেপ্রভুর ইদু ন-যায়?”

বিচের গুরিয়্যেগুন 21:8

তারা একজন আরেকজনরে পুজোর্‌ গুরিলাক্‌, “ইস্রায়েলীয় গুট্টি ভিদিরে এধোক্ক্যেন্‌ কি কনঅ মানুচ্‌ আগন্‌, যে মিস্পাত্‌ লগেপ্রভুর ইদু আঝিল্ ন-অয়?” সেক্কে তারা হবর্‌ পেলাক্‌, যাবেশ-গিলিয়দত্তুন কনজনে সিদু ন-যান,

বিচের গুরিয়্যেগুন 4:6

তে নপ্তালি দেজর্‌ কেদশ শঅ‌রত্তুন্‌ অবীনোয়মর পূঅ বারকরে ডাগিনে পাদেল আহ্‌ তারে কলঅ‌, “ইস্রায়েলীয়গুনোর গোজেন লগেপ্রভু তরে এ উগুমান দের্‌, ‘তুই নপ্তালি আর সবূলূন-গুট্টিত্তুন্‌ দশ আজার মানুচ্‌ সমারে নেযা আর তাবোর মুড়োবো ইন্দি তারারে নেযা।

বিচের গুরিয়্যেগুন 5:13

সে পরেন্দি বাঁজি থেইয়্যে মানুচ্চুনে মুরুব্বী গুজুরোর্‌ মানুচ্চুনো ইদু এলাক্‌; লগেপ্রভুর মানুচ্চুনে যুদ্ধো গুরিবাত্তে মইদু এলাক্।

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।

বিচের গুরিয়্যেগুন 8:5

সেনত্তে গিদিয়োনে সুক্কোতর মানুচ্চুনোরে কলদে, “মর্ সৈন্যগুনোরে কিজু রুটি হেবাত্তে দুয়ো; তারা বল্‌‌পোজ্যে ওইয়োন। মুই এজঅ সং মিদিয়নীয়গুনোর রাজা সেবহ আর সল্‌মুন্নোর পিজেদি লোড়াঙর্।”

বিচের গুরিয়্যেগুন 8:6

মাত্তর্‌ সুক্কোতর নেতাগুনে কলাক্‌, “কিত্তেই আমি তঅ সৈন্যগুনোরে রুটি হেবাত্তে দিবোং। সেবহ আর সল্‌মুন্নোর কাবি ফেলেয়্যে আঢ্‌‌থান কি তর্‌ আদঅ মুদোত্‌ এচ্ছ্যে।”

বিচের গুরিয়্যেগুন 8:8

গিদিয়োনে সিয়োত্তুন্‌ পনূয়েলত্‌ উদিলোগোই আর সে জাগার মানুচ্চুনোর ইদুয়ো রুটি চেলঅ। মাত্তর্‌ সুক্কোতর মানুচ্চুনে যিয়েন কোইয়োন তারায়ো জোবত্‌ সিয়েন্‌ কলাক্‌।

১ শমূয়েল 17:47

যিদুক্কুন মানুচ্‌ এচ্চ্যে ইয়েনত্‌ আগন্‌ তারায়ো জানি পারিবাক্, লগেপ্রভু কনঅ লাম্বা কিরিচ্‌ বা শেল্‌ দিইনে উদ্ধোর্ ন-গরে, কিত্যে এই যুদ্দোগান লগেপ্রভুর; আর তে আমা আঢত্‌ তমারে তুলি দিবো।”

১ শমূয়েল 18:17

শৌল একদিন্যে দায়ূদোরে কলঅ, “মর্‌ দাঙর্‌ ঝিবো মেরবরে মুই তত্তেই বৌ দিম্‌। তুই বানা মর্‌ পক্ষেন্দি বীরো ধোক্ক্যেন লগেপ্রভুত্তে যুদ্ধো গুরিবাক্।” মাত্তর্‌ শৌলর মনর্‌ কধাগান এলদে ইয়েন, তে দায়ূদো উগুরে আত্তান্‌ ন-তুলিলেয়ো দায়ূদে যেনে পলেষ্টীয়গুনোর আঢত্‌ মারা পড়ে।

১ শমূয়েল 25:28

তর্‌ চাগরানীবোর্‌ অন্যেয় তুই দোয়্যে গুরিনে ক্ষেমা গুরি দে। লগেপ্রভু হামাক্কায় মর্‌ গিরোজ্‌সোর্‌ বংশবোরে থিদেবর্ গুরি দিবো, কিত্যে তে লগেপ্রভুর পক্ষ ওইনে যুদ্ধো গোজ্যে। এচ্চ্যে সং তইদু কনঅ ভান্ন্যেই দেগা ন-যায় আর ন-যেবয়ো।

১ শমূয়েল 26:19

মর্‌ মহারাজ, মর্‌ প্রভু, ইক্কিনে দোয়্যে গুরিনে তর্‌ চাগরবোর্‌ কধানি শুন্‌। যুনি লগেপ্রভুই তরে মর্‌ বিরুদ্ধে থিয়্যেই রাগায় সালে মর্‌ গোজ্যে উৎসর্ব তাইদু গুঝি নেযাইদে ধোক্ক্যেন্‌ ওক্। মাত্তর্‌ যুনি মান্‌জ্যে সিয়েন্‌ গুরি থান্‌ সালে তারা উগুরে যেনে লগেপ্রভুর অভিশাব লামি এজে, কিত্যে তারা এচ্চ্যে লগেপ্রভুর দিয়্যে সোম্বোত্তিত্‌ মর্‌ যে ভাক্‌কো আঘে সিয়োত্তুন্‌ মরে ধাবেই দিবার্‌ চেট্ট্যা গত্তন্‌। তারা কদন্দে, ‘আদি যঅ, দেব-দেবেদার পূজো যেইনে গরঅ।’