বিচের গুরিয়্যেগুন 5:22 - Chakma Bible

²² সে পরেন্দি মাদিগান গির্‌গিরেই উদিলো ঘোড়ার টুক্‌কুনোত্‌ ঘা ওইনে আর বোলীবন্দ ঘোড়াগুনে আদিলাক্ খট্‌-খটা-খট্‌ গুরিনে।

বিচের গুরিয়্যেগুন 5:22 ပူးပေါင်းရင်းမြစ်များ

ইয়োব 39:19

ঘোড়াবোরে কি তুই বল্ দুয়োচ্? তা গত্তনাবোত্ কি দোল্ কেশ্ দুয়োচ্?

গীতসংহিতা 20:7

কয়েকজনে তারার্ রথ্‌তানিলোই বাড়্ গরন, কয়েকজনে গরন্ তারার্ ঘোড়ালোই, মাত্তর্ আমি গুরিই আমা গোজেন লগেপ্রভুর।

গীতসংহিতা 33:17

রোক্ষ্যে পেবাত্তে ঘোড়া উগুরে বিশ্বেজ্ গরানা মিজে আজা; অমকদ বল্ থেলেয়ো ঘোড়াবো রোক্ষ্যে গুরি ন-পারে।

যিশাইয় 5:28

তারার্ সেলুন্ ধারেয়্যে, তারার্ বেক্ ধনুগানিত্ সেল্ লাগেয়্যে আঘে; তারার্ ঘোড়াগুনোর্ টেঙ মুরিগুন্ চোক্‌চোক্যে পাত্তর্ ধোক্ক্যেন্ দরমর, আর তারার্ রথ্‌তানির চাক্কাগুন্ থুঠ্যে বোইয়্যের ধোক্ক্যেন্।‌

যিরমিয় 47:3

তারা জোরে দাবা যেইয়্যে ঘোড়া টেঙ থুগো রঅ, শত্রুগুনোর রথ রঅ আর রথ চাক্কার ঘড় ঘড় রঅ শুনিবা। বাব্‌‌পুনে তারা পুয়ো-ছাগুনোরে সাহায্য গুরিবাত্তে ন-ফিরিবাক্; তারা আঢ্‌‌তানি লুলো ওইনে দুলি দুলি থেবঅ।

যিরমিয় 47:4

পলেষ্টীয়গুনোরে বেক্কুনোরে ভস্ত গুরিবার দিন আর সোর আর সীদোনর সাহায্যগুরিয়্যে বাদবাগি বেক মানুচ্চুনোরে মারে ফেলেবার দিন গোনেই এচ্চ্যে। মুই লগেপ্রভু পলেষ্টীয়গুনোরে, অত্তাৎ ক্রীৎ দ্বিবোত্তুন্ এচ্চ্যে মানুচ্চুনোরে ভস্ত গুরিম।

যিরমিয় 8:16

দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

যিহিষ্কেল 27:14

তঅ পযাপিরানির বদলে বৈৎ-তোগর্মের মানুচ্চুনে ঘোড়া, যুদ্ধোর্ ঘোড়া আর খচ্চর দিদাক্।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”