বিচের গুরিয়্যেগুন 5:20 - Chakma Bible

²⁰ আগাজত্তুন্‌ তারাগুনে যুদ্ধো গুরিলাক্‌, নিজোর নিজোর বান্যে পধত্তুন্‌ যুদ্ধো গুরিলাক্‌ সীষরার বিরুদ্ধে।

বিচের গুরিয়্যেগুন 5:20 ပူးပေါင်းရင်းမြစ်များ

২ শমূয়েল 18:8

যুদ্ধোগান পুরো চাগালাত্‌ ছিদি পড়িলো আর যুদ্ধোত্‌ যিদুক্কুন মানুচ্‌ মুরিলাক্ তাত্তুন্‌ বেশ্‌ মুরিলাক্ ঝারানত্তে।

যিহোশূয় 10:10

লগেপ্রভু ইস্রায়েলীয়গুনো মুজুঙোত্‌ তারারে এক্কান যাগুলুক্‌ অবস্থাত্‌ ফেলেই দিলো। সেক্কে লগেপ্রভু গিবিয়োনত্‌ ইস্রায়েলীয়গুনোরে দিইনে তারারে বোউত জনরে মারে ফেলেয়্যে। বৈৎ-হোরোণত্‌ উদিবার পথ্‌তান ধুরিনে লগেপ্রভু ইস্রায়েলীয়গুনোরে দিইনে তারারে লোড়েল আর অসেকা আর মক্কেদা সং গোদা পথ্‌তান তারারে মাত্তে মাত্তে নেগেল‌।

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

যিহোশূয় 10:12

যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

বিচের গুরিয়্যেগুন 4:15

বারকে যেক্কে আক্রমণ গুরিলো সেক্কে তা মুজুঙোত্‌ সীষরা আর তার্‌ বেক রথ্‌তানি আহ্‌ সৈন্যগুনোরে চিত্রিভংগ গুরি দিলো। সেক্কে সীষরা তার রথ্‌তান্‌ ফেলেইনে ধেই গেলঅ‌।

বিচের গুরিয়্যেগুন 5:21

সে পূরোণ্‌কালর গাঙর্‌ পানিগানে, সে কীশোন গাঙর্‌ পানিগানে শত্রুগুনোরে ভাজেই নেযেল। ও মর্‌ মনান্‌, দর মর ওইনে উজেই যাহ্।

১ শমূয়েল 7:10

শমূয়েলে যেক্কে পুজ্যে-উৎসর্বর অনুষ্ঠানান্‌ গোজ্যে সেই অক্তত্‌ ইস্রায়েলীয়গুনোর লগে যুদ্ধো গুরিবাত্তে পলেষ্টীয়গুনে উজেই এলাক্। মাত্তর্‌ সেদিন্যে লগেপ্রভু পলেষ্টীয়গুনোর বিরুদ্ধে আগাজ বাজ্‌ পড়েদে ধোক্ক্যেন জদবদে গুজুরি উদিলো। সেক্কে দরে তারার দল্লো ভাঙি গেলঅ আর তারা ইস্রায়েলীয়গুনো ইদু উদিই গেলাক্।