বিচের গুরিয়্যেগুন 5:18 - Chakma Bible

¹⁸ যুদ্ধোত্‌ সবূলূনোর মানুচ্চুনে জীংকানিরে বাঝি ধুরিলাক্‌; যুদ্ধোর মাদত্‌ অজল্‌ জাগায়ানিত্‌ নপ্তালির মানুচ্চুনেয়ো জীংকানিগানরে বাঝি ধুরিলাক্।

বিচের গুরিয়্যেগুন 5:18 ပူးပေါင်းရင်းမြစ်များ

পত্থম 35:23

লেয়ার পেদত্‌ যাকোবর পত্তম পুয়ো রূবেণর জর্ম ওইয়্যে। সে পরেদি জর্ম ওইয়্যে শিমিয়োন, লেবি, যিহূদা, ইষাখর আর সবূলূন।

পত্থম 35:25

রাহেল চাগরানী বিল্‌হার পেদত্‌ জোর্মেল দান আর নপ্তালি।

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

গীতসংহিতা 68:27

বেক্কুনোত্তুন্ চিগোন যে বিন্যামীন, উইয়ো যাদন্দে তার্ বংশবো, যিগুনোর আঢত্ রাজলুদিক্কো আঘে; উইয়োবু যিহূদার নেতাগুনে, যিগুনে দল দরমর; উইয়োবু সবূলূনোর নেতাগুন আর উই যাদন নপ্তালির নেতাগুনে।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

১ যোহন 3:16

খ্রীষ্ট আমাত্যে নিজোর পরাণান্ দিয়্যে, সেনত্যে কোচ্‌পানা কি সিয়েন আমি কোই পাজ্জ্যেই। সালে ভেইয়ুনোত্যে নিজোর পরাণান্ দেনা আমার্‌অ উচিত।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

বিচের গুরিয়্যেগুন 4:10

বারকে সিদু সবূলূন আর নপ্তালি-গুট্টির মানুচ্চুনোরে ডাগিলো। সেক্কে দশ আজার মানুচ্‌ তা সমারে গেলাক্‌। আর দবোরায়ো তা সমারে গেলঅ‌।

বিচের গুরিয়্যেগুন 4:14

সেক্কে দবোরা বারকরে কলদে, “তুই উজেই যাহ্, লগেপ্রভু এচ্ছ্যে সীষরারে তঅ‌ আঢত্‌ তুলি দিলো। লগেপ্রভু দঅ‌ তর্‌ আগে আগে যেইয়্যে।” সেক্কে বারকে তাবোর মুড়োবোত্তুন্‌ তলেন্দি লামিলো আর তা পিজে পিজে দশ আজার মানুচ্‌ গেলাক্‌।

বিচের গুরিয়্যেগুন 4:6

তে নপ্তালি দেজর্‌ কেদশ শঅ‌রত্তুন্‌ অবীনোয়মর পূঅ বারকরে ডাগিনে পাদেল আহ্‌ তারে কলঅ‌, “ইস্রায়েলীয়গুনোর গোজেন লগেপ্রভু তরে এ উগুমান দের্‌, ‘তুই নপ্তালি আর সবূলূন-গুট্টিত্তুন্‌ দশ আজার মানুচ্‌ সমারে নেযা আর তাবোর মুড়োবো ইন্দি তারারে নেযা।

বিচের গুরিয়্যেগুন 6:35

তে মনঃশি-গুট্টির চাগালার মানুচ্চুনো ইদু হবর্‌ পাদেল আর সেক্কে তারায়ো তা পিজেন্দি এগত্তর্‌ অলাক্‌। আশের, সবূলূন আর নপ্তালি-গুট্টির মানুচ্চুনোর ইদুয়ো তে হবর্‌ পাদেল সেক্কে তারা তারার লগে মিজেবাত্তে উজেই এলাক্‌।