বিচের গুরিয়্যেগুন 5:12 - Chakma Bible

¹² জাগি উদ দবোরা, জাগি উদ জাগি উদ, জাগি উদ, গান গাহ্। ও অবীনোয়মর পূঅ বারক, উদ; যুদ্ধোত্‌ যিগুনে ধরা পোজ্যন তারারে নেযাহ্।

বিচের গুরিয়্যেগুন 5:12 ပူးပေါင်းရင်းမြစ်များ

গীতসংহিতা 108:2

ও বাশি আর আর্‌মোনিগুন, জাগ; মুই বেন্যেপোত্যেগানরে জাগেম।

গীতসংহিতা 57:8

ও মর্ মনান, জাগি উঠ্; গীতার আর হারমোনি, জাগি উঠ্; মুই রেদ্‌তোরে কাদেই দিম।

গীতসংহিতা 57:9

ও প্রভু, নানান্ জাদর মুজুঙোত্ মুই তরে ভালেদি জানেম, তারার ইদু তর্ নাঙে গীদ্ গেম্;

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিরমিয় 31:26

সেক্কে মুই জাগিনে চেরোকিত্তে রিনি চেলুং। মঅ ঘুমান মইধু আরামর্ এলঅ।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

ইফিষীয় 4:8

পবিত্র বোইবোত্ ইয়েনত্যে লেগা আঘেদে, তে যেক্কে স্বর্গত উদিলো, সেক্কে বন্দীগুনোরে চালেইনে নেযেল, আর তে মানুচ্চুনোরে বোউত্ দান্অ দিলো।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

২ তীমথিয় 2:26

সিয়েনর্ ফলে তারা শদানর্ ফালত্তুন্ ধেই এবাক্, কিয়া শদানে তার্ আওজ্‌চান পালেবাত্যে তারারে ধোজ্জ্যে।

বিচের গুরিয়্যেগুন 5:13

সে পরেন্দি বাঁজি থেইয়্যে মানুচ্চুনে মুরুব্বী গুজুরোর্‌ মানুচ্চুনো ইদু এলাক্‌; লগেপ্রভুর মানুচ্চুনে যুদ্ধো গুরিবাত্তে মইদু এলাক্।