বিচের গুরিয়্যেগুন 5:11 - Chakma Bible

¹¹ শুনো, পানি তুলেদে জাগায়ানত্‌ মানুচ্চুনে কুয়ো-কি গত্তন্‌; তারা ইস্রায়েল আদামর মানুচ্চুনোত্ত্যে লগেপ্রভুর উদ্ধোর-কামর কধানি কদন্‌। ইয়েনি শুনিনে লগেপ্রভুর মানুচ্চুনে শঅ‌রর দোরানর্‌ কায়-কুরে গেলাক্‌।

বিচের গুরিয়্যেগুন 5:11 ပူးပေါင်းရင်းမြစ်များ

পত্থম 24:11

শঅরান বারেন্দি এক্কো কূয়ো এলঅ। সে চাগর্‌বো সিদু লুমিনে তার উট্‌তুনোরে সে কূয়োবো ইধু আদু পাড়িনে বোজেল। সেক্কে প্রায় সাজোন্যে অক্তত্‌, মিলেগুনে পানি তুলিবার্‌ অক্তত্‌।

পত্থম 29:2

সিয়েনত্‌ চেরোকিত্তে রিনি চেইনে তে মাদঅ ভিদিরে এক্কো কূয়ো দেগিলো। সে কূয়োবো ইধু তিন্‌নো ভেড়া পালে ঘুম্‌ যাদন্‌। য়েমান্‌ চোড়েয়্যেগুনে সিয়োত্তুন্‌ তারারে পানি হাবেদাক্। কূয়োবো মুয়োনত্‌ অমকদ দাঙর্‌ এক্কো পাত্তর্‌ বোজেয়্যে এলঅ।

পত্থম 29:3

যেক্কে বেক্‌ ভেড়া পালুন্‌ এগত্তর্‌ অদাক্‌ সেক্কে য়েমান চোড়েয়্যেগুনে কূয়োবো মুয়োত্তুন্‌ পাত্তর্‌বো সোরে দিইনে ভেড়াগুনোরে পানি হাবেদাক্। সে পরেদি পাত্তর্‌বো আরঅ কূয়োবো মুয়োনত্‌ বোজেই রাগেদাক্।

ইয়োব 29:7

যেক্কেনে মুই শঅর গেদোত্ যেইনে সিদুগোর্ চক্কর্‌বোত্ মঅ আসনান্ গুজি লোদুং,

গীতসংহিতা 145:7

তুই যে তারারে বোউত্ ভালেদি গোজ্যস্ সিয়েনি তারা কোই কোই বেড়েবাক্, তর্ ন্যায়র্ কধানিলোই হুজিয়ে গান গেবাক্।

গীতসংহিতা 71:15

তর্ ন্যায় কাম আর তর্ উদ্ধোর কামর কধানি দিনভর্ মঅ মুয়োন্দি থেবঅ, কিত্তেই সিয়েনি কোই কোই থুম্ গরা ন-যায়।

যিশাইয় 12:3

ইয়েনত্তে তুমি হুজি ওইনে উদ্ধোরর্ বেক্ পয়নালাগুনোত্তুন্ পানি তুলিবা।

যিশাইয় 28:6

তে বিচেরগর্ মনত্ ন্যায়বিচেরর্ মনভাব্ দিবো। যিগুনে গেদো কায়-কুরেত্তুন যুদ্ধো সোরেই দুয়োন্ তারারে তে বল্ দিবো।

আবিলেচ্ 5:4

আমার হেবার্ পানিগান কিনি হা পড়ে; বানা দাম দিইনে আমি তক্তা পেই পারিই।

আবিলেচ্ 5:9

ধূল্যেচর-চাগালাত্ ডাগেত্‌তুনো দরে পরানর্ বাঁজি রাগেইনে আমি হানা থুবেই।

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

দ্বি’লম্বর বিররণ 22:24

মাত্তর্‌ তারার্‌ দ্বিজনরে সিদুগোর্ গেট্টো ইদু নেযেইনে পাত্তর্‌ ঢলা মারিনে মারে ফেলা পুরিবো। মিলেবোরে মারে ফেলা পুরিবো কিত্যে আদামত্‌ বা শঅর ভিদিরে থেইনেয়ো তে সাহায্যত্তে চিল্ল্যেচিল্লি ন-গরে, আর মরত্তোরে মারে ফেলা পুরিবো কিত্যে তে অন্য মোগোরে বরবাদ্ গোজ্যে। তমা ভিদিরেত্তুন এবাবোত্যে ভান্ন্যেইয়ানি তুমি শেজ্‌ গুরি ফেলেবা।

দ্বি’লম্বর বিররণ 33:21

বেক জাগানিত্তুন্ সেরা জাগা তে বেঈ নেযেয়ে; নেতার যগাজ্যে পাওনা তাত্যে রাগেয়্যে আঘে। যুদ্ধোত্‌ এগত্তর ওইয়্যে সর্দারুনো ভিদিরে তেয়ই লগেপ্রভুর ন্যায়ে-ভোজ্যে উগুম পালেয়্যে, পালেয়্যে ইস্রায়েলরে দিয়্যে লগেপ্রভুর সুদোমানি।”

বিচের গুরিয়্যেগুন 11:40

গিলিয়দীয় যিপ্তহর ঝিবোর কধা ইধোত্‌ তুলিনেই আবিলেচ্‌ গুরিবাত্তে ইস্রায়েলীয় গাবুজ্যে মিলেগুনে পত্তি বজর চের্‌ দিনোত্তে ঘরত্তুন্‌ নিগিলিনে বারে যেদাক্‌।

বিচের গুরিয়্যেগুন 5:8

তারা যেক্কে নূয়ো দেব-দেবেদার ইন্দি মনান্‌ দিলাক্‌ সেক্কে তারার্‌ শঅ‌রর-গেদো দোরানত্‌ যুদ্ধো অলঅ‌। চোল্লিশ আজার ইস্রায়েলীয়োর আঢেত্‌ এক্কান আন্দল দিবারঅ‌ ন-এলঅ, এক্কো সেলঅ‌ ন-এলঅ।

১ শমূয়েল 12:7

সালে এবেরা তুমি যুক্কোল্ অ। লগেপ্রভু তমার আর তমার পুরোণি মানুচ্চুনোত্তে যেদক্কানি অন্যেয় কাম্‌ গোজ্যন্‌ মুই সেই বেক্কানি লগেপ্রভুর মুজুঙোত্‌ তমার দুষছানি দেগেই দিম।