বিচের গুরিয়্যেগুন 4:7 - Chakma Bible

⁷ মুই যাবীনোর সেনাপতি সীষরারে তার সৈন্যদল আর রথ সুদ্ধো কীশোন গাঙর্‌ ইদু নেযেম্‌ আর তোমা আঢত্‌ তারারে তুলি দিম্‌।’”

বিচের গুরিয়্যেগুন 4:7 ပူးပေါင်းရင်းမြစ်များ

১ রাজাবলী 18:40

সেক্কে এলিয় তারারে এ উগুমানি দিলো, “বাল দেবেদার ভাববাদীগুনোরে ধরঅ। তারার্‌ একজনরেয়ো ধেই যেবাত্তে ন-দুয়ো।” সেক্কে মানুচ্চুনে তারারে ধুরি ফেলেলাক্‌। এলিয় তারারে কীশোন কিজিঙোত্‌ নেযেইনে সিদু তারারে মারে ফেলেল।

যাত্রা 14:17

মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যাত্রা 21:13

মাত্তর্‌ খুন গুরিবার্‌ সল্লা যুনি তার্‌ ন-থায়্‌, যুনি ইয়েন্‌ অদাদৎ ঘুদি যেইয়্যে কনঅ‌ ঘটনা অয়্‌ যেনে মুই মানা ন-গরং, মাত্তর্‌ তে এন্ এক্কান জাগাত্‌ ধেই যেই পারিবো যিয়েন মুই তমাত্যেই ঠিগ্ গুরি দিম্‌।

যিহোশূয় 10:8

লগেপ্রভু যিহোশূয়রে কলঅ‌, “তুই তারারে ন-দোরেচ্‌; মুই তারারে তঅ‌ আঢত্‌ তুলি দুয়োং। তারা কনজনে তঅ মুজুঙোত্‌ থিয়্যেই ন-পারিবাক্‌।”

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

যিহোশূয় 11:6

সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”

যিহোশূয় 8:7

সেক্কে তুমি সে গুমুরো জাগানত্তুন্ উদি যেইনে শঅ‌রান গজক্ গুরি নেযেবা। তমা গোজেন লগেপ্রভু সিয়েন তমা আদত্‌ তুলি দিবো।

বিচের গুরিয়্যেগুন 4:14

সেক্কে দবোরা বারকরে কলদে, “তুই উজেই যাহ্, লগেপ্রভু এচ্ছ্যে সীষরারে তঅ‌ আঢত্‌ তুলি দিলো। লগেপ্রভু দঅ‌ তর্‌ আগে আগে যেইয়্যে।” সেক্কে বারকে তাবোর মুড়োবোত্তুন্‌ তলেন্দি লামিলো আর তা পিজে পিজে দশ আজার মানুচ্‌ গেলাক্‌।

বিচের গুরিয়্যেগুন 4:8

বারকে দবোরারে কলদে, “তুই যুনি মঅ‌ লগে যাচ্‌ সালেই মুইয়ো যেম্‌, সিয়েন ন-অলে মুই ন-যেম্‌।”

বিচের গুরিয়্যেগুন 5:21

সে পূরোণ্‌কালর গাঙর্‌ পানিগানে, সে কীশোন গাঙর্‌ পানিগানে শত্রুগুনোরে ভাজেই নেযেল। ও মর্‌ মনান্‌, দর মর ওইনে উজেই যাহ্।

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।

১ শমূয়েল 24:18

তুই যে মঅ উগুরে দোল্‌ বেবহার গুরি এজর্‌ সিয়েনি এচ্চ্যে তুই মরে জানেলে। লগেপ্রভু তঅ আঢত্‌ মরে তুলি দিয়্যে মাত্তর্‌ তুই মরে মারে ন-ফেলাস্‌।