বিচের গুরিয়্যেগুন 4:4 - Chakma Bible

⁴ সে সময়োত্‌ লপ্পীদোতর মোক্কো দবোরা এক্কো মিলে-ভাববাদী এলঅ‌। তেয়ই সেক্কে ইস্রায়েলীয়গুনোরে শাজন্ গুরিদো।

বিচের গুরিয়্যেগুন 4:4 ပူးပေါင်းရင်းမြစ်များ

২ রাজাবলী 22:14

এ কধাগান্‌ শুনিনে ধর্মগুরু হিল্কিয়, অহীকাম, অক্‌বোর, শাফন আর অসায় মিলে-ভাববাদী হুল্‌দা ইদু যেইনে তা লগে কধাবার্তা কলাক্‌। হুল্‌দা অলদে কাবড়-চুগোর্‌ রোক্ষ্যেগুরিয়্যে শল্লুমো মোগ্‌। শল্লূম অলদে হর্হসের নাদিন, অত্তাৎ তিক্‌বর পুয়ো। হুল্‌দা যিরূশালেমর দ্বিলম্বর্‌ ভাগত্‌ বজত্তি গুরিদো।

নহিমিয় 6:14

ও মর্‌ গোজেন, টোবিয় আর সন্‌বল্লটে যিয়েনি গোজ্যন্‌ সিয়েনি তুই মনত্‌ রাগা। মিলে-ভাববাদী নোয়াদিয়া আর বাদবাগি যিদুক্কুন্‌ ভাববাদীয়্যে মরে দোরেবাত্তে চেট্ট্যা গোজ্যন্‌ তারার্‌ কধানিয়ো মনত্‌ রাগেচ্‌।

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

যিহিষ্কেল 13:17

সে পরেদি লগেপ্রভু মরে কলঅ, ও মান্‌জ্যর্ পুয়োবো, তঅ জাদর্ যে মিলেগুনে ভাববাদী ইজেবে নিজোরে মনেমনজক্কা কধা কন্ ইক্কিনে তুই তারা বিরুদ্ধে থিয়্যে। তুই তারা বিরুদ্ধে এ কধানি কঅ,

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

লূকে লেখ্যে গম্ হবর্ 2:36

সে অক্তত্ হান্না নাঙে এক্কো মিলে-ভাববাদী এলঅ। তে আশের গুট্টির পনূয়েল ঝি। তার্ বোউত্ বয়স ওইয়্যে। সাত বজর্ নেগ সমারে ঘর্ গরানার্ পরেদি চুরোশি বজর্ বয়জ সং তে রানি মিলের্ জিংকানি কাদেয়্যে। উবোসনা-ঘর্ ফেলেইনে তে কনত্তে ন-যেদঅ বরং উবোস আর তবনা গুরিনে দিন-রেত্ গোজেনর সেবা গুরিদো।

প্রেরিত্‌ 21:9

তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

১ করিন্হীয় 11:5

যে মিলেবো মাঢাবো ন-ঢাঘিনেই তবনা গরে বা ভাববাদী ইজেবে কধা কয় তে তা মাঢাবোর্ অসর্মান গরে, কিয়া সেক্কে তে মাঢাবো মুড়েইয়্যে মিলে ধোক্ক্যেন ওই যায়।

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।

বিচের গুরিয়্যেগুন 4:5

ইফ্রয়ীমোর মুড়োমুড়ি চাগালাত্‌ রামা আর বৈথেলর সংমোধ্যে এক্কান্‌ জাগাত্‌ দবোরা তা খাজোর গাজ্‌চুয়ো তলাত্‌ বুজিদো, আর ইস্রায়েলীয়গুনে নিজে কোল্‌-কোজ্যে বাজেই‌লে মীমাংসাত্তে তাইদু এদাক্‌।

বিচের গুরিয়্যেগুন 5:1

সেদিন্যে দবোরা আর অবীনোয়মর পূঅ বারকে এ গান্নো গেলাক্‌: