বিচের গুরিয়্যেগুন 4:3 - Chakma Bible

³ যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।

বিচের গুরিয়্যেগুন 4:3 ပူးပေါင်းရင်းမြစ်များ

গীতসংহিতা 106:42

তারার শত্রুগুনে তারা উগুরে অত্যেচার চালেলাক্; তারা সিগুনোর অধিনোত্ রলাক্।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 78:34

তে তারারে মারে ফেলানার পরেন্দি বাদ্‌বাগি মানুচ্চুনে তা কধা ইদোত্ তুলিলাক্; তারা আরঅ তান্দি ফিরিনে আওজ্ গুরিনে তারারে ডাগিলো।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

দ্বি’লম্বর বিররণ 28:29

কান্‌ মান্‌জ্যে যেধোক্ক্যেনগুরি আন্ধারত্‌ বিজিরে বিজিরে বেড়ায় সেধোক্ক্যেন গুরিনে তুমি দিনোত্ বিজিরে বিজিরে বেড়েবা; তমার্‌ কনঅ কামত্‌ গম্‌ ন-অবঅ। তমা উগুরে আমিঝে অত্যেচার আর লুট চলিবো; সিয়েনত্তুন তমারে উদ্ধোর গুরিবাত্তে কনজনে উজেই ন-এবাক্।

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

যিহোশূয় 17:16

যোষেফ-গুট্টির মানুচ্চুনে কলাক্, “মুড়ো-মুড়ি চাগালার জাগানত্‌ আমার ন-কুলোই আর যিদুক্কুন কনানীয় সং জাগার বৈৎ-শান আর তা কায়-কুরে আদামানিত্‌ আর যিষ্রিয়েল কিজিঙোত্‌ বজত্তি গুরিদাক্‌ তারার বেক্কুনোর লুয়োর রথ আঘে।”

বিচের গুরিয়্যেগুন 1:19

লগেপ্রভু যিহূদা-গুট্টির মানুচ্চুনো সমারে এলঅ‌। তারা মুড়ো-মুড়ি চাগালাগানি গজক্‌ গুরি নেযেয়োন ঠিগ্‌, মাত্তর্‌‌ সংজাগাত্তুন মানুচ্চুনোরে ধাবেই দি ন-পারন্‌, কিত্যে তারার্‌ লুয়োর্‌ রথ এলঅ‌।

বিচের গুরিয়্যেগুন 10:10

তারা লগেপ্রভুর ইদু কানাকুদি গুরিনে কলাক্‌, “আমা গোজেনরে ছাড়িনে বাল দেবেদাগুনোরে পূজো গুরিনে যদবদে আমি তঅ বিরুদ্ধে পাপ গোজ্যেই।”

বিচের গুরিয়্যেগুন 10:16

ইয়েনর্ পরেন্দি তারা ভিদিরে অন্য জাদ্‌‌‌‌তুনোর যিদুক্কুন দেব-দেবেদা এলাক্‌ সিগুনোরে দূর্ গুরি দিইনে তারা লগেপ্রভুরে সেবা গরা ধুরিলাক্‌। ইস্রায়েলীয়গুনোর দুঃখানি দেগিনেই লগেপ্রভুর মনত্‌ বুক্‌ ধিবেদিপ্যে অলঅ।

বিচের গুরিয়্যেগুন 3:15

ইয়েনর্‌ পরেন্দি ইস্রায়েলীয়গুনে আর লগেপ্রভু ইদু কানাকুদি গরা ধুরিলাক্‌, আর তে তারাত্তেই এহূদ নাঙে এক্কো উদ্ধোরগুরিয়্যে জর্মেই দিলো। তে অলদে বিন্যামীন-গুট্টির গেরার পূঅ। তে বাঁঙ্‌ আদেন্দি কাম্‌ গুরিদো। মোয়াবর রাজা ইগ্লোনরে খাজানা দিবাত্তে ইস্রায়েলীয়গুনে তারে পাধেই দিলাক্‌।

বিচের গুরিয়্যেগুন 3:9

মাত্তর্‌‌ তারা লগেপ্রভু ইদু কানাকুদি গরানার পরেন্দি তে তারারে উদ্ধোর গুরিবাত্তে এক্কো উদ্ধোরগুরিয়্যে দিলো। তে অলদে কনষর গুট্টি কালেবর চিগোন্‌ ভেইবো অৎনীয়েল।

বিচের গুরিয়্যেগুন 4:4

সে সময়োত্‌ লপ্পীদোতর মোক্কো দবোরা এক্কো মিলে-ভাববাদী এলঅ‌। তেয়ই সেক্কে ইস্রায়েলীয়গুনোরে শাজন্ গুরিদো।

বিচের গুরিয়্যেগুন 5:8

তারা যেক্কে নূয়ো দেব-দেবেদার ইন্দি মনান্‌ দিলাক্‌ সেক্কে তারার্‌ শঅ‌রর-গেদো দোরানত্‌ যুদ্ধো অলঅ‌। চোল্লিশ আজার ইস্রায়েলীয়োর আঢেত্‌ এক্কান আন্দল দিবারঅ‌ ন-এলঅ, এক্কো সেলঅ‌ ন-এলঅ।

বিচের গুরিয়্যেগুন 6:6

মিদিয়নীয়গুনে ইস্রায়েলীয়গুনোর অবস্থা এন্‌ ভাজ্‌ন্যেই গুরি তুলিলাক্‌, তারা বল্‌ পেবাত্তে গোজেনর্‌ ইদু কানাকুদি গরা ধুরিলাক্‌।

১ শমূয়েল 7:8

তারা শমূয়েলরে কলাক্, “আমা গোজেন লগেপ্রভু যেনে পলেষ্টীয়গুনোর আঢত্তুন্‌ আমারে উদ্ধোর গরে সেনত্তে লগেপ্রভুর ইদু তুই কানাকুদি গুরিনে থাক্‌।”