বিচের গুরিয়্যেগুন 4:14 - Chakma Bible

¹⁴ সেক্কে দবোরা বারকরে কলদে, “তুই উজেই যাহ্, লগেপ্রভু এচ্ছ্যে সীষরারে তঅ‌ আঢত্‌ তুলি দিলো। লগেপ্রভু দঅ‌ তর্‌ আগে আগে যেইয়্যে।” সেক্কে বারকে তাবোর মুড়োবোত্তুন্‌ তলেন্দি লামিলো আর তা পিজে পিজে দশ আজার মানুচ্‌ গেলাক্‌।

বিচের গুরিয়্যেগুন 4:14 ပူးပေါင်းရင်းမြစ်များ

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

পত্থম 44:4

তারা এইমাত্র শঅরত্তুন্‌ নিগিলি যেইয়োন মাত্তর্‌ বেশ্‌ দূরোত্‌ ন-যান, এন্‌ সময়োত্‌ যোষেফে তা ঘরর্‌ সদ্দারবোরে কলঅ, “যাদিমাদি গুরি উই মানুচ্চুনো পিজেদি যাহ্। তারারে দেগিলে কবেদে, তুমি উপোকারর্ বদলে অপকার্‌ গুরি এলা কিত্তে?”

২ শমূয়েল 5:24

বেঙা গাজ্‌চুনোর্‌ মাঢাত্‌ যেক্কে তুই সৈন্যদলুনোর্‌ আঢি যানা রঅ শুনিবে সেক্কে নিগিলিবে। ইয়েনর্ ভেদ্‌তান্ অলদে, পলেষ্টীয় সৈন্যগুনোরে আঘাত্‌ গুরিবাত্তে লগেপ্রভু তঅ আগে আগে যেইয়্যে।”

যিশাইয় 52:12

মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

মীখা 2:13

বন্দীদজাত্তুন্ ফিরি এবাত্তে যিবে পথ খুলি দিবো তে তারার্ আগে আগে যেবঅ; তারা গেইট্ ভাঙিনে নিগিলি এবাক্। লগেপ্রভু, যিবে তারার্ রাজা, তে তারার্ আগে আগে যেবঅ।

দ্বি’লম্বর বিররণ 9:3

মাত্তর্‌ তুমি এ কধাগান মনত্‌ রাগেয়ো, তমার গোজেন লগেপ্রভুই ভস্তগুরিয়্যে আগুনো ধোক্ক্যেন তমার আগে আগে যর্দন গাঙান্‌ পার্‌ ওইনে যার্‌। তে তারারে ভস্ত গুরি দিবো; তেয়ই তমা ইদু তারারে অদেই দিবো। তমা ইদু লগেপ্রভু যে আশ্বাজ্ দিয়্যে সেই মজিম তুমি তারারে ধাবেই দিবা আর কম্‌ সময়োর্‌ ভিদিরে তারারে শেজ গুরি ফেলেবা।

যিহোশূয় 10:8

লগেপ্রভু যিহোশূয়রে কলঅ‌, “তুই তারারে ন-দোরেচ্‌; মুই তারারে তঅ‌ আঢত্‌ তুলি দুয়োং। তারা কনজনে তঅ মুজুঙোত্‌ থিয়্যেই ন-পারিবাক্‌।”

যিহোশূয় 7:13

“তুই যেইনে মানুচ্চুনোরে মঅ‌ নাঙে যুদো গুরি নেযা। তারারে কঅ‌ যেন তারা এযেত্যে কেল্যেত্তে নিজোরে সিজি গরন্‌। ইস্রায়েলীয়গুনোর গোজেন্‌ লগেপ্রভু কোইয়্যে, ‘ও ইস্রায়েল, তমা ভিদিরে এন্‌ কদক্কানি জিনিস আঘে যিয়েনি ভস্তর্ অভিশাবর তলে। সিয়েনি তমা ভিদিরেত্তুন দূর্ গুরি ন-ফেলানা সং তুমি তমার শত্রুগুনোর বিরুদ্ধে থিয়্যেই ন-পারিবা।

বিচের গুরিয়্যেগুন 19:28

তে তারে কলঅ, “উঠ্‌, আধিচ্‌ আমি যেই,” মাত্তর্‌ কনঅ জোব্‌ তে ন-পেলঅ। সেক্কে মানুচ্চো তারে তা গাধা পিদিত্‌ তুলি নেযেইনে ঘরঅ মোক্কে যাহ্ ধুরিলো।

বিচের গুরিয়্যেগুন 4:10

বারকে সিদু সবূলূন আর নপ্তালি-গুট্টির মানুচ্চুনোরে ডাগিলো। সেক্কে দশ আজার মানুচ্‌ তা সমারে গেলাক্‌। আর দবোরায়ো তা সমারে গেলঅ‌।

বিচের গুরিয়্যেগুন 7:9

সে রেদোত্‌ লগেপ্রভু গিদিয়োনরে কলদে, “উঠ্‌, তুই লামিনে তারার্‌ তাম্বুলান আক্রমণ গর্‌। মুই সিয়েন তঅ আঢত্‌ তুলি দুয়োঙ্‌।

১ শমূয়েল 9:26

তার কেল্যে বেন্যেপোত্যে তারা বেক্কুনে ঘুমোত্তুন্ উদিলাক্। পহর্‌ অনার পরেন্দি শৌল ছালত্‌ থাগদেই শমূয়েলে তারে ডাগিনে কলঅ, “যুক্কোল অ, মুই তরে ইক্কিনে বিদেয় দিম।” শৌল আর শমূয়েলে যুক্কোল্‌ ওইনে দ্বিজনে নিগিলি এলাক্।